പ്രമേഹത്തെ നിയന്ത്രണത്തിലാക്കാം

Diabetes

oi-Saritha

By Veena

Published: Monday, February 6, 2012, 15:58 [IST]

നിരവധി അരുതുകളുള്ള ഒരു ജീവിതമാണ് പ്രമേഹരോഗികളുടേത്. ഇത് കഴിക്കരുത്, അത് കുടിക്കരുത്, മധുരം വേണ്ട എന്നിങ്ങനെ പോകുന്നു അരുതുകള്‍. എന്നാല്‍ പ്രമേഹമുണ്ടെന്ന് കരുതി ജീവിതം തീര്‍ന്നെന്നു കരുതേണ്ട കാര്യമില്ല. ജീവിതം ജീവിച്ചുതീര്‍ക്കാം. മധുരമായിത്തന്നെ

അറിവില്ലായ്മയാണ് എല്ലാ പ്രശ്‌നങ്ങളുടേയും മൂലകാരണം. പ്രമേഹമുണ്ടെന്ന് തിരിച്ചറിഞ്ഞാല്‍ അതെപ്പറ്റിയുള്ള എല്ലാ കാര്യങ്ങളും മനസിലാക്കുവാന്‍ ശ്രമിയ്ക്കുക. ഡോക്ടറെ കണ്ട് നിര്‍ദേശങ്ങള്‍ അതുപോലെത്തെന്നെ അനുസരിക്കണം. പരിശോധനകള്‍ മുടങ്ങാതെ ചെയ്യേണ്ടതും പ്രധാനമാണ്.

അസുഖവിവരവുമായി പൊരുത്തപ്പെടുക. മനസിന്റെ ആരോഗ്യമാണ് ശാരീരിക ആരോഗ്യവും നല്‍കുന്നത്. ഈ അസുഖം വളരെ ഗുരുതരമാണെന്ന ചിന്ത ഇല്ലതാരിക്കുക. നിരവധി പ്രമേഹരോഗികള്‍ സുഖമായി നമ്മുടെ സമൂഹത്തില്‍ ജീവിക്കുന്നുണ്ട്.

പ്രമേഹമുണ്ടെങ്കില്‍ ഇഷ്ടമുള്ള സാധനങ്ങളൊന്നും തന്നെ കഴിയ്ക്കാനാവില്ലെന്ന് അര്‍ത്ഥമില്ല. നിയന്ത്രണത്തോടെ എല്ലാ ഭക്ഷണങ്ങളും കഴിയ്ക്കാം. തീരെ പറ്റാത്ത ചിലത് ഉപേക്ഷിക്കേണ്ടി വരുമെന്നു മാത്രം. ഭക്ഷണകാര്യത്തില്‍ ഡോക്ടറുടെ ഉപദേശം തേടുന്നത് നന്നായിരിക്കും. മധുരം കുറഞ്ഞ എന്നാല്‍ പോഷകഗുണമുള്ള ഭക്ഷണക്രമം പിന്‍തുടരുക. പ്രമേഹരോഗികള്‍ക്ക് ഇഷ്ടമുളള ഭക്ഷണം ആരോഗ്യകരമായി പാചകം ചെയ്യുവാനുള്ള മാര്‍ഗങ്ങളുമുണ്ട്. ഇത് വേണമെങ്കില്‍ പിന്‍തുടരാം.

ഇടയ്ക്കു വല്ലപ്പോഴും ഇഷ്ടമുള്ള ഭക്ഷണം ഇഷ്ടമുള്ള രീതിയില്‍ കഴിയ്ക്കുന്നത് കൊണ്ട് ദോഷമില്ല. ഇത് സ്ഥിരമാക്കരുതെന്ന് മാത്രം. വല്ലപ്പോഴും അല്‍പം ഐസ്‌ക്രീമോ പായസമോ കഴിയ്ക്കുന്നത് കൊണ്ട് പ്രമേഹം ഉച്ചസ്ഥായിയിലെത്താന്‍ പോകുന്നില്ല.

ടെന്‍ഷനും പ്രമേഹകാരണമായി പറയാറുണ്ട്. ടെന്‍ഷനുകള്‍ ജീവിതത്തിന്റെ ഭാഗമാണെന്ന് തിരിച്ചറിയുക. അവയോട് പൊരുത്തപ്പെട്ട് ജീവിക്കാന്‍ ശീലിക്കുക.

പ്രമേഹനിയന്ത്രണത്തിന് വ്യായാമവും പ്രധാന പങ്കു വഹിയ്ക്കുന്നുണ്ട്. ഭക്ഷണം കഴിച്ചാലും വ്യായാമം ചെയ്താല്‍ പ്രശ്‌നങ്ങളൊഴിവാക്കാം.

Disclaimer: ഈ ലേഖനത്തില്‍ പരാമര്‍ശിച്ചിരിക്കുന്ന വിവരങ്ങള്‍ പൊതുവായ വിവരങ്ങള്‍ക്കും വിദ്യാഭ്യാസപരമായ ആവശ്യങ്ങള്‍ക്കും വേണ്ടി മാത്രമുള്ളതാണ്. പ്രൊഫഷണല്‍ അഭിപ്രായങ്ങളോ, രോഗനിര്‍ണയം, ചികിത്സ എന്നിവ ഉദ്ദേശിച്ചുള്ളതോ അല്ല. ആരോഗ്യ സംബന്ധമായ പ്രശ്‌നങ്ങള്‍ക്ക് എപ്പോഴും ഡോക്ടറേയോ ആരോഗ്യവിദഗ്ധരേയോ സമീപിക്കേണ്ടതാണ്.