ലിവര്‍ സിറോസിസ് തിരിച്ചറിയാം..

സാധ്യതകള്‍

അമിതമായ മദ്യപാനം, ഹെപ്പറ്റൈറ്റിസ് ബി, ഹെപ്പറ്റൈറ്റിസ് സി, ഫാറ്റി ലിവര്‍ എന്നിവ മൂലമാണ് പ്രധാനമായും ലിവര്‍ സിറോസിസ് സംഭവിക്കുന്നത്.

എന്താണ് ലിവര്‍ സിറോസിസ്

കരളിലെ നല്ല കോശങ്ങളുടെ സ്ഥാനത്ത് ഫൈബ്രോസിസ്, വീങ്ങിയ കോശങ്ങള്‍, സ്റ്റാര്‍ ടിഷ്യൂകള്‍ തുടങ്ങിയ രൂപത്തില്‍ കോശങ്ങള്‍ രൂപപ്പെട്ട് കരള്‍ ദ്രവിക്കുകയും പ്രവര്‍ത്തന രഹിതമാവുകയും ചെയ്യുന്ന അവസ്ഥയാണ് ലിവര്‍ സിറോസിസ്

ലക്ഷണങ്ങള്‍

കരളിന്റെ പ്രവര്‍ത്തനം താളം തെറ്റുമ്പോള്‍ രക്തശുദ്ധീകരണ പ്രക്രിയ തടസ്സപ്പെടുകയും ഇതുമൂലം രക്തസമ്മര്‍ദ്ദം വര്‍ദ്ധിക്കുകയും ചെയ്യും.

ക്ഷീണം

അമിതക്ഷീണം, വയറുവേദന എന്നിവയും ലക്ഷണമാകാം.

ചര്‍മ്മത്തിന്

മുഖത്തും ശരീരത്തിലും കറുത്ത പാടുകള്‍, ചര്‍മ്മത്തിന്റെ നിറം മങ്ങള്‍ എന്നിവയും ഉണ്ടാകാം. ചൊറിച്ചിലും മറ്റൊരു ലക്ഷണമാണ്.

ശരീരഭാരം

സിറോസിസ് പിടിപ്പെട്ടാല്‍ പെട്ടെന്ന് ശരീരഭാരം കുറയാം.

നീര്

കാലുകളിലും മറ്റ് ശരീരഭാഗങ്ങളിലും നീര് ഉണ്ടാകാം. ഛര്‍ദ്ദി, തലകറക്കം എന്നിവയും ഉണ്ടാകാം.

രക്തസ്രാവം

ത്വക്കില്‍ രക്തം കട്ടപിടിക്കല്‍, രക്തസ്രാവം, പനി എന്നിവയും മറ്റ് ലക്ഷണങ്ങളാണ്.

മദ്യപാനം എങ്ങനെ കാരണമാകുന്നു

മദ്യത്തെ വിഷകരമായ രാസപദാര്‍ത്ഥങ്ങളായി വിഘടിപ്പിക്കുന്നത് കരളാണ്. ആമാശയത്തിലെത്തുന്ന മദ്യത്തിന്റെ 20 ശതമാനത്തോളം രക്തത്തിലേക്ക് ആഗിരണം ചെയ്യപ്പെടുന്നു. ശേഷിക്കുന്ന 80 ശതമാനം ചെറുകുടലിലെത്തി അവിടെനിന്ന് കരളിലേക്ക് എത്തുന്നു. ഇവ കരള്‍കോശങ്ങളുടെ നാശത്തിനും നീര്‍വീക്കത്തിനും കാരണമാകുന്നു.

പരിശോധനകള്‍

സി.ടി സ്‌കാന്‍, ടോമോഗ്രാഫി, അള്‍ട്രാ സൗണ്ട് സ്‌കാന്‍, ലിവര്‍ ബയോപ്‌സി എന്നിവ സിറോസിസ് രോഗം തിരിച്ചറിയാനുള്ള പരിശോധനകളാണ്.