നിങ്ങളുടെ കുട്ടികള്‍ക്ക് ഇത്തരം രോഗമുണ്ടോ.?

ചുമ

അര ടീസ്പൂണ്‍ തേനും നാരങ്ങാനീരും ചേര്‍ത്ത് ദിവസവും രണ്ടുനേരം കൊടുക്കുക. പെട്ടെന്ന് ചുമ മാറികിട്ടും.

പനി

തുളസിനീരും തേനും ചേര്‍ത്ത് കൊടുക്കുകയാണെങ്കില്‍ പനിയും മാറികിട്ടും.

കുരുക്കള്‍ മാറാന്‍

നന്നാറിക്കിഴങ്ങ്, എള്ള് എന്നിവ പാലില്‍ പുഴുങ്ങി അരച്ച് നെയ്യ് ചേര്‍ത്ത് കുരുക്കളുള്ള ഭാഗത്ത് പുരട്ടുക.

കഴുത്തിലെ പഴുപ്പ്

കരിക്കും, ചുവന്ന ചെമ്പരിമൊട്ടും മോര് ചേര്‍ത്തരച്ച് പുരട്ടിയാല്‍ കുട്ടികളിലെ കഴുത്തിലും മറ്റുമുണ്ടാകുന്ന പഴുപ്പ് മാറും.

വിളര്‍ച്ച

വെള്ളരിക്ക, തക്കാളി, ക്യാരറ്റ്, വെണ്ടയ്ക്ക എന്നിവ ചെറു തായി അരിഞ്ഞ് പഞ്ചസാര ചേര്‍ത്ത് ദിവസവും കൊടുക്കുകയാണെങ്കില്‍ തളര്‍ച്ചയും വിളര്‍ച്ചയും മാറിക്കിട്ടും.

ശ്വാസം മുട്ടല്‍

ആടലോടകത്തിന്റെ ഇല പിഴിഞ്ഞെടുത്ത നീര് ഒരു സ്പൂണ്ഡ തേന്‍ ചേര്‍ത്ത് കൊടുത്താല്‍ മതി.

തൊണ്ടയടപ്പ്

തിപ്പലിയും ഇഞ്ചിയും ഒരു ഗ്ലാസ് പാലില്‍ ചേര്‍ത്ത് കഴിച്ചാല്‍ തൊണ്ടയടപ്പ് മാറും.

ചെവിയില്‍ പ്രാണി പോയാല്‍

ചെവിയില്‍ പ്രാണി പോയാല്‍ ഉപ്പുവെള്ളമോ വെളിച്ചെണ്ണയോ ചെവിയില്‍ ഒഴിക്കുക.