ടെസ്‌റ്റോസ്റ്റിറോണിന്റെ കുറവ് പരിഹരിക്കാന്‍..

മുട്ട

മുട്ടയിലെ മഞ്ഞക്കുരുവില്‍ ടെസ്റ്റോസ്റ്റിറോണിന്റെ അളവ് പരിഹരിക്കാനുള്ള ഘടകങ്ങള്‍ അടങ്ങിയിട്ടുണ്ട്. വൈറ്റമിന്‍ ഡി ഇതിന്റെ അളവ് വര്‍ദ്ധിപ്പിക്കാന്‍ സഹായിക്കും. മുട്ടയിലെ മഞ്ഞക്കുരുവില്‍ വൈറ്റമിന്‍ ഡി അടങ്ങിയിട്ടുണ്ട്.

പാല്‍

വൈറ്റമിന്‍ ഡിയും കാത്സ്യവും അടങ്ങിയ പാല്‍ ടെസ്റ്റോസ്റ്റിറോണിന്റെ അളവ് വര്‍ദ്ധിപ്പിക്കാന്‍ സഹായിക്കും. ഇത് എല്ലുകള്‍ക്ക് ഉറപ്പ് നല്‍കാന്‍ സഹായിക്കുന്നതാണ്.

വെളുത്തുള്ളി

ടെസ്റ്റോസ്റ്റിറോണിന്റെ അപര്യാപ്തത പരിഹരിക്കാന്‍ മികച്ചതാണ് വെളുത്തുള്ളി. ഭക്ഷണത്തില്‍ വെളുത്തുള്ളി ഉള്‍പ്പെടുത്തുക.

ശതാവരി

ശതാവരി എന്ന ഒരുതരം പച്ചക്കറി കഴിക്കുന്നതിലൂടെയും ഇതിന്റെ അളവ് വര്‍ദ്ധിപ്പിക്കാം. വൈറ്റമിന്‍ ഇ, ഫോളിക് ആസിഡ്, പൊട്ടാസിയം എന്നിവയുടെ കേന്ദ്രമാണിത്. ഇത് ടെസ്റ്റോസ്റ്റിറോണിന്റെ അളവ് കൂട്ടും.

ചെമ്മീന്‍

കടല്‍ മത്സ്യങ്ങളും ടെസ്‌റ്റോസ്റ്റിറോണിന്റെ അളവ് കൂട്ടാന്‍ സഹായിക്കുന്നതാണ്. ഇതില്‍ ചെമ്മീന്‍ ശരീരത്തില്‍ ഈ ഹോര്‍മോണിന്റെ അളവ് പെട്ടെന്ന് കൂട്ടാന്‍ സഹായിക്കും. വെളുത്തുള്ളിയിട്ട ചെമ്മിന്‍ വിഭവം കഴിക്കുന്നതാണ് ഉത്തമം.

കക്ക

കക്ക ഇറച്ചിയില്‍ ധാരാളം സിങ്ക് അടങ്ങിയിരിക്കുന്നുണ്ട്. ഇത് പുരുഷ ഹോര്‍മോണുകള്‍ കൂട്ടാന്‍ സഹായിക്കുന്നതാണ്.

കൈതച്ചക്ക

കൈതച്ചക്കയില്‍ അടങ്ങിയിരിക്കുന്ന ബ്രോമലെയ്ന്‍ ടെസ്‌റ്റോസ്റ്റിറോണിന്റെ അപര്യാപ്തതയ്ക്ക് സഹായകമാകും.

മത്തങ്ങക്കുരു

മത്തങ്ങക്കുരുവില്‍ കൂടിയതോതില്‍ സിങ്ക് അടങ്ങിയിട്ടുണ്ട്. ഇത് ശരീരത്തിലെ ടെസ്‌റ്റോസ്റ്റിറോണിന്റെ അളവിലുണ്ടാകുന്ന കുറവ് പരിഹരിക്കും. മത്തങ്ങക്കുരു വറുത്ത് കഴിക്കാം.

ചോക്ലേറ്റ്

ശുദ്ധമായ ചോക്ലേറ്റ് കഴിക്കുന്നതും നല്ലതാണ്. ഇതില്‍ ധാരാളം മെഗ്നിഷ്യവും, സിങ്കും, കാത്സ്യവും അടങ്ങിയിട്ടുണ്ട്. ഇത് ടെസ്‌റ്റോസ്റ്റിറോണിന്റെ അളവ് കൂട്ടുകയും രക്തപ്രവാഹത്തെ സഹായിക്കുകയും ചെയ്യും.

സിട്രസ് പഴങ്ങള്‍

ഓറഞ്ച്, ആപ്പിള്‍, സബര്‍ജന്‍ പഴം,മുന്തിരി, ചെറുനാരങ്ങ എന്നിവയില്‍ ധാരാളം വൈറ്റമിന്‍ സി അടങ്ങിയിട്ടുണ്ട്. ഇത് ഹോര്‍മോണിന് നേരിടുന്ന സ്‌ട്രെസ്സുകള്‍ കുറച്ച് ഉല്‍പ്പാദനം കൂട്ടാന്‍ സഹായിക്കുന്നു.