തൈറോയ്ഡ് ക്യാന്‍സറിന് കാരണമാകാം..

By Sruthi K M

Published: Saturday, May 16, 2015, 11:12 [IST]

ശരീരത്തിലെ മുഴുവന്‍ പ്രവര്‍ത്തനങ്ങളെയും നിയന്ത്രിക്കുന്ന ഹോര്‍മോണ്‍ ഗ്രന്ഥിയാണ് തൈറോയ്ഡ്. കഴുത്തിന്റെ മുന്‍ഭാഗത്ത് ചിത്രശലഭത്തിന്റെ ആകൃതിയില്‍ സ്ഥിതിചെയ്യുന്ന ഈ ഗ്രന്ഥിക്ക് 20ഗ്രാം ഭാരം ഉണ്ടാകും. ശരീരിക പ്രവര്‍ത്തനങ്ങള്‍ക്കും ഊര്‍ജത്തിനുമെല്ലാം തൈറോയ്ഡ് ഹോര്‍മോണ്‍ ആവശ്യമാണ്.

ഹൈപ്പോതൈറോയ്ഡിനോട് പോരാടാം..

അതുകൊണ്ടുതന്നെ തൈറോയ്ഡിനുണ്ടാകുന്ന ചെറിയ പ്രശ്‌നങ്ങള്‍പോലും വലിയ അസ്വസ്ഥതകള്‍ക്കിടയാക്കാറുണ്ട്. പാരമ്പര്യം, അയഡിന്റെ കുറവ്, അണുബാധ, ജീവതശൈലി തുടങ്ങിയ കാരണങ്ങള്‍ തൈറോയ്ഡ് രോഗങ്ങള്‍ക്കിടയാക്കുന്നു.

തൈറോയ്ഡ് ചിലരില്‍ ക്യാന്‍സറിനും കാരണമാകാം. തൈറോയ്ഡ് ഗ്രന്ഥിയെക്കുറിച്ചും അതുണ്ടാക്കുന്ന രോഗങ്ങളെക്കുറിച്ചും കൂടുതല്‍ അറിയാം...

തൈറോയ്ഡ് ഗ്രന്ഥി അമിതമായി പ്രവര്‍ത്തിച്ചാല്‍

തൈറോയ്ഡ് ഗ്രന്ഥി അമിതമായി പ്രവര്‍ത്തിക്കുന്നത് ഹോര്‍മോണിന്റെ അളവ് കൂടാനിടയാക്കും. അമിതമായ ചൂട്, വിയര്‍പ്പ്, അമിരതമായ വിശപ്പ് എന്നിവയ്ക്ക് ഇത് കാരണമാക്കും.

തൈറോയ്ഡ് ഗ്രന്ഥി അമിതമായി പ്രവര്‍ത്തിച്ചാല്‍

കൈകാലുകള്‍ വിറയ്ക്കുക, കണ്ണുകള്‍ പുറത്തേക്ക് തുറിച്ചുനില്‍ക്കുക, ശരീരഭാരം കുറയുക എന്നിവയും ഉണ്ടാകാം.

തൈറോയ്ഡ് ഗ്രന്ഥി അമിതമായി പ്രവര്‍ത്തിച്ചാല്‍

അസ്ഥികള്‍ക്ക് ക്ഷതം, ചര്‍മം മൃദുവാകുക, ദേഷ്യം ഉണ്ടാകുക തുടങ്ങിയ അസ്വസ്ഥതകളും ഉണ്ടാകാം

പ്രതിവിധികള്‍

തവിടുകളയാത്ത ധാന്യങ്ങള്‍, പയര്‍വര്‍ഗങ്ങള്‍, നട്‌സ്, കരള്‍, ബീന്‍സ് എന്നിവ ഭക്ഷണത്തില്‍ ഉള്‍പ്പെടുത്തുന്നത് ഹോര്‍മോണ്‍ നില കൂടുന്നവരില്‍ ഫലം തരും.

തൈറോയ്ഡ് ഗ്രന്ഥിയുടെ പ്രവര്‍ത്തനം കുറഞ്ഞാല്‍

തൈറോയ്ഡ് ഗ്രന്ഥിയുടെ പ്രവര്‍ത്തനം കുറഞ്ഞാല്‍ ഹോര്‍മോണുകളുടെ അളവിലും കുറവുണ്ടാകും. ഇത് പല ശാരീരിക പ്രശ്‌നങ്ങളും ഉണ്ടാക്കും. മന്ദത,ആലസ്യം, വിഷാദം എന്നിവ ഉണ്ടാകാം.