നിങ്ങളില്‍ ആമവാതത്തിന്റെ ലക്ഷണങ്ങളുണ്ടോ ?

By Sruthi K M

Published: Monday, July 6, 2015, 13:30 [IST]

സന്ധിക്കുള്ളിലെ എല്ലുകളെ പൊതിയുന്ന ആവരണത്തിന് ഉണ്ടാവുന്ന നീര്‍ക്കെട്ടാണ് ആമവാതത്തിന്റെ മൂലകാരണം. ഇന്ന് ആമവാതം മൂലം കഷ്ടപ്പെടുന്നവര്‍ നിരവധി പേരാണ്. പുരുഷന്മാരെ അപേക്ഷിച്ച് സ്ത്രീകളിലാണ് ഇത്തരം പ്രശ്‌നങ്ങള്‍ കൂടുതലായി കണ്ടുവരുന്നത്. സന്ധികളില്‍ ഒതുങ്ങി നില്‍ക്കാതെ ഹൃദയം, വൃക്ക, ശ്വാസകോശം, നേത്രപടലം എന്നീ അവയവങ്ങളെയും ഈ രോഗം ബാധിക്കാം.

ഐസ് ടീ വൃക്കയെ കേടാക്കും

ചിലപ്പോള്‍ പ്രസവത്തോടെയും ഈ രോഗമുണ്ടായേക്കാം. മൂന്നു വയസുമുതല്‍ ഈ രോഗം പിടിപെടാം. സാധാരണയില്‍ 20 മുതല്‍ 40 വയസ്സുവരെയുള്ളവരിലാണ് കണ്ടുവരുന്നത്. ഇതിന്റെ ലക്ഷണങ്ങള്‍ തുടക്കത്തിലേ കണ്ടുപിടിച്ച് ചികിത്സ നടത്തേണ്ടതാണ്. സന്ധിവേദനയും പിരിമുറക്കവുമാണ് ഇതിന്റെ പ്രധാനലക്ഷണങ്ങള്‍.

തളര്‍ച്ച

ആമവാതം ബാധിച്ചവരില്‍ കൂടുതലായി കാണുന്നത് തളര്‍ച്ചയാണ്. സന്ധിവേദന കൂടുതലാകുമ്പോള്‍ ഉറക്കക്കുറവും ശരീരത്തിന് തളര്‍ച്ചയും ഉണ്ടാകാം.

രോഗപ്രതിരോധശേഷി

റുമറ്റോയിഡ് ആര്‍ത്രൈറ്റിസ് ബാധിച്ച രോഗികള്‍ക്ക് രോഗപ്രതിരോധശേഷി വളരെ കുറവായിരിക്കും. അതുകൊണ്ട് രോഗങ്ങള്‍ പെട്ടെന്ന് ബാധിക്കാം. മുറിവോ, രോഗങ്ങളോ പിടിപ്പെട്ടാല്‍ അത് ബേധമാകാന്‍ താമസമെടുക്കും.