നിങ്ങള്‍ക്ക് സൈനസൈറ്റിസ് രോഗമുണ്ടോ..?

By Sruthi K M

Published: Friday, May 8, 2015, 14:06 [IST]

നിങ്ങള്‍ക്ക് സൈനസിന്റെ ആക്രമണം ഉണ്ടാകാറുണ്ടോ..? തലവേദന,പല്ലുകള്‍ക്കുമുകളില്‍ വേദന, ശ്വാസകോശ ദുര്‍ഗന്ധം, ശരീരക്ഷീണം തുടങ്ങിയവയൊക്കെ സൈനസിന്റെ ലക്ഷണങ്ങളാണ്. മൂക്കിനും കണ്ണുകളുടെ അസ്ഥികള്‍ക്കിടയില്‍ വായുനിറഞ്ഞുനില്‍ക്കുന്ന ശൂന്യമായ അറകളാണ് സൈനസുകള്‍.

കൈതച്ചക്ക കഴിച്ചാല്‍ ചുമ മാറുമോ ?

ഈ സൈനസുകളുടെ ഉള്‍ഭാഗത്തുള്ള കോശങ്ങളുടെ വീക്കമാണ് സൈനസൈറ്റിസ്. പലപ്പോയും ഈ രോഗം തിരിച്ചറിയപ്പെടാറില്ല. ഇതിന്റെ ലക്ഷണങ്ങളും രോഗത്തെക്കുറിച്ചും അറിഞ്ഞിരിക്കുക. തുടക്കത്തില്‍ കണ്ടെത്തിയാല്‍ എളുപ്പം ചികിത്സിച്ചു മാറ്റാം...

സൈനസൈറ്റിസിന്റെ ധര്‍മം

മുഖത്തുള്ള ഈ അറകളുടെ പ്രധാനധര്‍മം ശ്വസനവായുവിന് ആവശ്യമായ ഈര്‍പ്പം നല്‍കുക, ശബ്ദത്തിന് ഓരോ വ്യക്തിക്കും യോജിച്ച് മുഴക്കം നല്‍കുക എന്നിവയാണ്.

സൈനസൈറ്റിസ് രോഗം

ജലദോഷം, അലര്‍ജി തുടങ്ങിയവമൂലം ഓഷ്ടിയ എന്ന ദ്വാരം അടയപ്പെടുകയും അറകളിലോക്കുള്ള വായുസഞ്ചാരം നില്‍ക്കുകയും ചെയ്യുന്നു. ഇങ്ങനെ സൈനസൈറ്റിസ് രോഗം ഉണ്ടാകുന്നു.

ജലദോഷം

ഒരു സാധാരണ ജലദോഷത്തില്‍ നിന്നാകാം സൈനസിന്റെ തുടക്കം.

അലര്‍ജി

അലര്‍ജിയും സൈനസിന് കാരണമായേക്കാം. മൂക്കിനെ അലോസരപ്പെടുത്തുന്നു ഏത് രോഗാവസ്ഥയും സൈനസൈറ്റിസിന്റെ ലക്ഷണമാകാം.

തലവേദന

സ്ഥിരമായ തലവേദന സൈനസൈറ്റിസിന്റെ ലക്ഷണമാകാം.

വായ്‌നാറ്റം

വായ്‌നാറ്റം, രാത്രിയിലുള്ള വിട്ടുമാറാത്ത ചുമ എന്നിവയും ലക്ഷണമാണ്.

കഫം

മൂക്കിന് പിന്നില്‍ നിന്നും തൊണ്ടയിലേക്ക് കഫം ഇറങ്ങി വരുന്നതും സൈനസൈറ്റിന്റെ ലക്ഷണമാണ്.

ശരീരക്ഷീണം

ശരീരം ബാലന്‍സ് ചെയ്യാന്‍ പറ്റാത്ത അവസ്ഥയും ഇതിന്റെ ലക്ഷണമാണ്.

ക്രോണിക് സൈനസൈറ്റിസ്

ബാക്ടീരിയ മൂലമല്ലാതെ ഉണ്ടാകുന്ന രോഗമാണ് ക്രോണിക് സൈനസൈറ്റിസ്. രാവിലെയുള്ള മുക്കടപ്പ്, മൂക്കചിലൂടെ ധാരാളം നീരിളക്കമുണ്ടാകുക, ശ്വാസത്തിന് ദുര്‍ഗന്ധം, മണം അറിയാനുള്ള കഴിവ് നഷ്ടപ്പെടുക തുടങ്ങിയവയൊക്കെ ഇതിന്റെ ലക്ഷണങ്ങളാണ്.