ഹൈ ഹീല്‍ഡിന്റെ ദോഷവും 'ഹൈ'

സന്ധികള്‍ക്ക്

ഉയര്‍ന്ന മടമ്പുള്ള ചെരിപ്പുകള്‍ ശരീരഭാരം തുല്യമല്ലാതാക്കി നിര്‍ത്തും. ഇത് പാദത്തിലെ സന്ധികളില്‍ വേദനയുണ്ടാക്കും.

പൊട്ടല്‍

നടക്കുമ്പോള്‍ സമതുലനം നഷ്ടപ്പെടുന്നത് ആയാസമുണ്ടാക്കും. വീഴാനുള്ള സാധ്യത കൂടുതല്‍. വീണാല്‍ പൊട്ടലുണ്ടാകും.

ഉപ്പൂറ്റിക്ക്

ഇത്തരം ചെരിപ്പുകളുടെ സ്ട്രാപ്പ് ഉപ്പൂറ്റിയില്‍ മര്‍ദ്ദമേല്‍പ്പിക്കും. ഇത് ഉപ്പൂറ്റിയില്‍ എല്ലുവളര്‍ച്ചയുണ്ടാക്കാന്‍ കാരണമായേക്കും.

ഞരമ്പ്

ഹൈഹീല്‍ഡ് ചെരിപ്പ് ഉപയോഗിക്കുമ്പോള്‍ കണങ്കാല്‍ ഞരമ്പ് മുറുകി നില്‍ക്കുന്നു. ഇത് കാല്‍ വേദനയ്ക്ക് കാരണമാക്കുന്നു.

ഉയര്‍ന്ന മടമ്പ്

ഉയര്‍ന്ന മടമ്പിനനുസരിച്ച് സ്വയം പരുവപ്പെടുന്നതിനാല്‍ കണങ്കാലിലെ പേശികള്‍ ചുരുങ്ങിയും മുറുകിയുമിരിക്കും. ഇതും കാല്‍ വേദനയ്ക്ക് കാരണമാക്കുന്നു.

മുട്ടിന് മര്‍ദ്ദം

പാദത്തിന്റെ അസ്വാഭാവികമായ നില കാരണം നടക്കുമ്പോള്‍ മുട്ടിന് കൂടുതല്‍ മര്‍ദ്ദമുണ്ടാകുന്നു. ഇത് സ്ത്രീകളില്‍ മുട്ട് തേയ്മാനത്തിന് കാരണമാകും.

പുറം വേദന

ഇത്തരം ചെരിപ്പ് ധരിക്കുന്നവര്‍ക്ക് പുറം വേദനയും വരാം.

ഹൈപ്പര്‍ടെന്‍ഷന്‍

കാല്‍വിരലുകള്‍ക്ക് രക്തസമ്മര്‍ദ്ദം കൂടി കൊണ്ടിരിക്കും.