ഭക്ഷണം കഴിക്കൂ, വയര്‍ കുറയ്ക്കൂ

ഭക്ഷണത്തിനിടയിലെ ഇടവേളകള്‍ നീളുന്നത് വയറ്റില്‍ കൊഴുപ്പടിഞ്ഞു കൂടാനുള്ള സാധ്യത വര്‍ദ്ധിപ്പിക്കുന്നതായി തെളിഞ്ഞിട്ടുണ്ട്. കൂടുതല്‍ സമയം ഭക്ഷണ ഇടവേളകളുണ്ടാകുമ്പോള്‍ ശരീരം കൊഴുപ്പ് സംഭരിക്കുകയാണ് ചെയ്യുന്നത്. എന്നാല്‍ ഇടയ്ക്കിടെ ഭക്ഷണം കഴിയ്ക്കുമ്പോള്‍ ഭക്ഷണം ഊര്‍ജമായി രൂപാന്തരം പ്രാപിക്കുന്നു.

മാത്രമല്ലാ, ഭക്ഷണത്തിനിടെയുള്ള ഇടവേള കൂടുന്നത് അസിഡിറ്റി, ഗ്യാസ് തുടങ്ങിയ അസുഖങ്ങള്‍ വരുത്തുകയും ചെയ്യും. വണ്ണം കുറയ്ക്കാനായി സമയാസമയത്തിന് മാത്രം ഭക്ഷണം കഴിയ്ക്കുന്നവരുണ്ട്. ഇത് കൂടുതല്‍ ഭക്ഷണം കഴിക്കാനുള്ള പ്രവണതയുണ്ടാക്കുകയാണ് ചെയ്യുന്നത്. ഭക്ഷണത്തിന്റെ ഇടവേള കൂടുന്തോറും വിശപ്പും വര്‍ദ്ധിക്കും. ഇതില്‍ നമ്മളറിയാതെ തന്നെ കൂടുതല്‍ കഴിക്കാനുള്ള പ്രവണതയുണ്ടാക്കുകയും ചെയ്യും.

ജോലി ചെയ്യുമ്പോഴായാലും ആരോഗ്യകരമായ സ്‌നാക്കുകളോ സാലഡുകളോ പഴവര്‍ഗങ്ങളോ കഴിയ്ക്കുന്നത് ശീലമാക്കുന്നത് നല്ലതാണ്. ഇത് തടി കൂട്ടുകയല്ലാ, മറിച്ച് തടി കുറയാന്‍ സഹായിക്കുകയാണ് ചെയ്യുന്നത്. വറുത്തതും പൊരിച്ചതുമായ ഭഭക്ഷണങ്ങള്‍ ഒഴിവാക്കാനും ശ്രദ്ധിക്കണം.

Disclaimer: ഈ ലേഖനത്തില്‍ പരാമര്‍ശിച്ചിരിക്കുന്ന വിവരങ്ങള്‍ പൊതുവായ വിവരങ്ങള്‍ക്കും വിദ്യാഭ്യാസപരമായ ആവശ്യങ്ങള്‍ക്കും വേണ്ടി മാത്രമുള്ളതാണ്. പ്രൊഫഷണല്‍ അഭിപ്രായങ്ങളോ, രോഗനിര്‍ണയം, ചികിത്സ എന്നിവ ഉദ്ദേശിച്ചുള്ളതോ അല്ല. ആരോഗ്യ സംബന്ധമായ പ്രശ്‌നങ്ങള്‍ക്ക് എപ്പോഴും ഡോക്ടറേയോ ആരോഗ്യവിദഗ്ധരേയോ സമീപിക്കേണ്ടതാണ്.