പുരുഷന്മാര്‍ക്കും മെനോപോസ്!

Health

oi-Saritha

By Veena

Published: Wednesday, January 11, 2012, 15:05 [IST]

സ്ത്രീകളില്‍ ആര്‍ത്തവവിരാമത്തിന് തുല്യമായ അവസ്ഥ പുരുഷന്മാരിലും ഉണ്ടാകുന്നുണ്ട്. ഹോര്‍മോണ്‍ വ്യതിയാനങ്ങളാണ് പുരുഷന്മാരിലും ഇത്തരം അവസ്ഥയുണ്ടാക്കുന്നത്. മെനോപോസില്‍ സ്ത്രീകള്‍ കാണിക്കുന്ന അതേ ലക്ഷണങ്ങള്‍ പുരുഷന്മാരിലും കണ്ടെത്തിയിട്ടുണ്ട്.

പ്രായമാകുന്തോറും ടെസ്‌റ്റോസ്റ്റിറോണ്‍ ഹോര്‍മോണുകള്‍ കുറയുന്നതാണ് പുരുഷന്മാരിലെ മെനോപോസ് ലക്ഷണങ്ങള്‍ക്കുള്ള പ്രധാന കാരണം. തളര്‍ച്ച, ക്ഷീണം, ഡിപ്രഷന്‍, സെക്‌സ് താല്‍പര്യങ്ങള്‍ കുറയുക എന്നിങ്ങനെയുള്ള ലക്ഷണങ്ങള്‍ പുരുഷന്മാര്‍ കാണിക്കുന്നു.

സാധാരണയായി 40 വയസു കഴിയുമ്പോഴാണ് ഈ അവസ്ഥ വരുന്നതെങ്കിലും ചിലരില്‍ 30 വയസു കഴിയുമ്പോഴെ ഈ പ്രശ്‌നം കണ്ടുവരുന്നുണ്ട്. മദ്യപാനം, രക്തസമ്മര്‍ദം, പുകവലി, അമിതവണ്ണം, വ്യായാമക്കുറവ്, ആഹാരപ്രശ്‌നങ്ങള്‍ തുടങ്ങിയവ പുരുഷ മെനോപോസിന് കാരണമാകുന്നുണ്ട്.

നിത്യവും വ്യായാമം ചെയ്യുക, മദ്യപാനവും പുകവലിയും ഉപേക്ഷിക്കുക, വൈറ്റമിനുകളും സിങ്കും കലര്‍ന്ന ഭക്ഷണം കഴിയ്ക്കുക, ടെന്‍ഷന്‍ ഒഴിവാക്കുക തുടങ്ങിയ പരിഹാരങ്ങള്‍ പുരുഷന്മാരിലെ മെനോപോസിനുണ്ട്.

ഹോര്‍മോണ്‍ തെറാപ്പി വഴിയും ഈ പ്രശ്‌നത്തിന് പരിഹാരം കാണാം. ടെസ്റ്റോസ്റ്റിറോണ്‍ റീപ്ലേസ്‌മെന്റ് തെറാപ്പിയാണ് പരിഹാരമാര്‍ഗം. ഇന്‍ജക്ഷന്‍ രൂപത്തില്‍ ഹോര്‍മോണ്‍ കുത്തിവയ്ക്കുകയാണ് ഇവിടെ ചെയ്യുന്നത്. ഗുളികയായും ഈ ഹോര്‍മോണ്‍ കഴിയ്്ക്കാം. ഹോര്‍മോണ്‍ ചികിത്സ ഡോക്ടറുടെ നിര്‍േദശപ്രകാരം മാത്രമെ പാടുള്ളൂയെന്നത് പ്രധാനമാണ്.

Disclaimer: ഈ ലേഖനത്തില്‍ പരാമര്‍ശിച്ചിരിക്കുന്ന വിവരങ്ങള്‍ പൊതുവായ വിവരങ്ങള്‍ക്കും വിദ്യാഭ്യാസപരമായ ആവശ്യങ്ങള്‍ക്കും വേണ്ടി മാത്രമുള്ളതാണ്. പ്രൊഫഷണല്‍ അഭിപ്രായങ്ങളോ, രോഗനിര്‍ണയം, ചികിത്സ എന്നിവ ഉദ്ദേശിച്ചുള്ളതോ അല്ല. ആരോഗ്യ സംബന്ധമായ പ്രശ്‌നങ്ങള്‍ക്ക് എപ്പോഴും ഡോക്ടറേയോ ആരോഗ്യവിദഗ്ധരേയോ സമീപിക്കേണ്ടതാണ്.