ക്ഷീണം മാറ്റാന്‍ എനര്‍ജി ഡ്രിങ്കുകള്‍

പഴം ശരീരത്തിന് ഊര്‍ജം നല്‍കുന്ന ഒരു പ്രധാന ഭക്ഷണസാധനമാണ്. വൈറ്റമിന്‍, പൊട്ടാസ്യം, ഫോസ്ഫറസ് എന്നിവ അടങ്ങിയിട്ടുള്ള പഴം കൊണ്ട് ബനാന സ്മൂത്തി ഉണ്ടാക്കി കുടിയ്ക്കാം. ശരീരക്ഷീണം നിമിഷനേരം കൊണ്ട് പമ്പ കടക്കും.

ആപ്പിള്‍ ഷേയ്ക്ക് ശരീരത്തിന് ഊര്‍ജം നല്‍കുന്ന ഭക്ഷണസാധനമാണ്. ആപ്പിളും പാലും ചേര്‍ത്തടിച്ച് ഷേയ്ക്കുണ്ടാക്കി തണുപ്പിച്ചു കഴിച്ചുനോക്കൂ. വിശപ്പും ക്ഷീണവും ഒരുപോലെ മാറിക്കിട്ടും.

ഔഷധഗുണത്തോടൊപ്പം ക്ഷീണം മാറ്റാന്‍ സഹായിക്കുന്ന ഒന്നാണ് ബാര്‍ലി വെള്ളം. ഇതില്‍ ഒരു സ്പൂണ്‍ തേന്‍, നാരങ്ങാനീര് എന്നിവ ചേര്‍ത്ത് കുടിച്ചാല്‍ കൊഴുപ്പു മാറും. ശരീരവേദനയുള്ളവര്‍ക്കാണെങ്കില്‍ ഇതിലല്‍പം ഇഞ്ചിനീരു ചേര്‍ത്ത് കുടിയ്ക്കാം.

ചൂടുവെള്ളത്തില്‍ അല്‍പം തേന്‍ ചേര്‍ത്ത് കുടിയ്ക്കുകയാണെങ്കില്‍ ക്ഷീണം മാറുകയും ചെയ്യും, ശരീരത്തില്‍ കൊഴുപ്പുണ്ടെങ്കില്‍ മാറുകയും ചെയ്യും. തേനും സോയ മില്‍കും ചേര്‍ത്ത് കുടിച്ചാലും ക്ഷീണം മാറിക്കിട്ടും.

ശരീരത്തിന് ഉന്മേഷം പകരാന്‍ സാധിക്കുന്ന നല്ലൊന്നാന്തരം ജ്യൂസാണ് ക്യാരറ്റ് ജ്യൂസ്. ഇത് ശരീരത്തിലെ ഊര്‍ജനില ഉയര്‍ത്തുകയും ക്ഷീണം അകറ്റുകയും ചെയ്യും. കഠിന വ്യായാമമുറകള്‍ ചെയ്യുന്നവരാണെങ്കില്‍ ഇതില്‍ മുട്ട മഞ്ഞ ചേര്‍ത്തു കുടിയ്ക്കുന്നത് നല്ലതാണ്.

Disclaimer: ഈ ലേഖനത്തില്‍ പരാമര്‍ശിച്ചിരിക്കുന്ന വിവരങ്ങള്‍ പൊതുവായ വിവരങ്ങള്‍ക്കും വിദ്യാഭ്യാസപരമായ ആവശ്യങ്ങള്‍ക്കും വേണ്ടി മാത്രമുള്ളതാണ്. പ്രൊഫഷണല്‍ അഭിപ്രായങ്ങളോ, രോഗനിര്‍ണയം, ചികിത്സ എന്നിവ ഉദ്ദേശിച്ചുള്ളതോ അല്ല. ആരോഗ്യ സംബന്ധമായ പ്രശ്‌നങ്ങള്‍ക്ക് എപ്പോഴും ഡോക്ടറേയോ ആരോഗ്യവിദഗ്ധരേയോ സമീപിക്കേണ്ടതാണ്.