ഗര്‍ഭസാധ്യത കൂട്ടും ഭക്ഷണങ്ങള്‍

ഒരാളുടെ ശരീരഭാരം നിയന്ത്രിക്കുന്നതില്‍ ഭക്ഷണത്തിന് പ്രധാന സ്ഥാനമുണ്ട്. സ്ത്രീയുടെ ശരീരഭാരം കൂടുതലാണെങ്കിലും കുറവാണെങ്കിലും ഓവുലേഷന്‍ പ്രശ്‌നങ്ങള്‍ വരാം. ഇത് ഗര്‍ഭസാധ്യത കുറയ്ക്കുകയും ചെയ്യും. കൊഴുപ്പുള്ള ഭക്ഷണങ്ങള്‍ ഗര്‍ഭപാത്രത്തില്‍ കൊഴുപ്പടിഞ്ഞു കൂടി ഗര്‍ഭധാരണ സാധ്യത ഇല്ലാതാക്കും. മദ്യം, കാപ്പി എന്നിവയുടെ അമിതഉപയോഗവും സ്ത്രീകളില്‍ ഗര്‍ഭം ധരിക്കാനുള്ള സാധ്യത കുറയ്ക്കുകയാണ് ചെയ്യുന്നത്.

പുരുഷന്മാര്‍ കക്കയിറച്ചി കഴിയ്ക്കുന്നത് സന്താനോല്‍പാദന ശേഷി കൂട്ടുമെന്നു പറയാറുണ്ട്. കക്കയില്‍ ധാരാളം സിങ്ക് അടങ്ങിയിട്ടുണ്ട്. ഇത് ബീജങ്ങളുടെ എണ്ണവും ശക്തിയും വര്‍ദ്ധിപ്പിക്കും. ടെസ്റ്റോസ്റ്റിറോണ്‍ എന്ന ഹോര്‍മോണ്‍ ഉല്‍പാദനത്തെയും കക്കയിറച്ചി ത്വരിതപ്പെടുത്തും. പുരുഷന്മാരിലും ശരീരഭാരം അമിതമായി കൂടുന്നതും കുറയുന്നതും ബീജങ്ങളുടെ എണ്ണത്തെയും ഗുണത്തെയും ലൈംഗികശേഷിയെയും ബാധിക്കുന്നുണ്ട്.

പുരുഷന്മാരുടെ ഭക്ഷണത്തില്‍ ദിവസം 15 മില്ലീഗ്രാം സിങ്ക്, 1000 മില്ലിഗ്രാം കാല്‍സ്യം, വൈറ്റമിന്‍ ഇ തുടങ്ങിയവ ഉള്‍പ്പെടുത്തേണ്ടത് ബീജോല്‍പാദന ശേഷിക്ക് അത്യാവശ്യമാണ്. അമിത മദ്യപാനവും പുകവലിയും പുരുഷന്മാരിലും ബീജക്കുറവിനും ലൈംഗികശേഷിക്കുറവിനും വഴിയൊരുക്കും.

Disclaimer: ഈ ലേഖനത്തില്‍ പരാമര്‍ശിച്ചിരിക്കുന്ന വിവരങ്ങള്‍ പൊതുവായ വിവരങ്ങള്‍ക്കും വിദ്യാഭ്യാസപരമായ ആവശ്യങ്ങള്‍ക്കും വേണ്ടി മാത്രമുള്ളതാണ്. പ്രൊഫഷണല്‍ അഭിപ്രായങ്ങളോ, രോഗനിര്‍ണയം, ചികിത്സ എന്നിവ ഉദ്ദേശിച്ചുള്ളതോ അല്ല. ആരോഗ്യ സംബന്ധമായ പ്രശ്‌നങ്ങള്‍ക്ക് എപ്പോഴും ഡോക്ടറേയോ ആരോഗ്യവിദഗ്ധരേയോ സമീപിക്കേണ്ടതാണ്.