ബിയര്‍ ഹൃദയാരോഗ്യത്തിന് നല്ലത്

Published: Wednesday, January 4, 2012, 13:31 [IST]

ബിയറടിക്കാര്‍ക്ക് ഒരു സന്തോഷവാര്‍ത്ത. ഹൃദയാരോഗ്യത്തിന് ബിയര്‍ നല്ലതാണെന്ന് പഠനറിപ്പോര്‍ട്ട്. യൂറോപ്യന്‍ ജേര്‍ണല്‍ ഓഫ് എപ്പിഡെമിയോളജിയില്‍ പ്രസിദ്ധീകരിച്ച ഒരു റിപ്പോര്‍ട്ടിലാണ് ബിയറിന്റെ ഗുണങ്ങളെപ്പറ്റി പറയുന്നത്.

20,000 ആളുകളില്‍ നടത്തിയ പരീക്ഷണത്തിലാണ് ഇക്കാര്യം വെളിപ്പെട്ടിരിക്കുന്നത്. ബിയര്‍ കുടിയ്ക്കുന്നവരില്‍ ഹൃദയസംബന്ധിയായ അസുഖങ്ങള്‍ വരാനുള്ള സാധ്യത മറ്റുള്ളവരേക്കാള്‍ 31 ശതമാനം കുറവാണെന്നാണ് തെളിഞ്ഞിരിക്കുന്നത്.

ബിയറില്‍ പൊട്ടാസ്യം, കാര്‍ബോഹൈഡ്രേറ്റ്, മഗ്നീഷ്യം, ഫോളിക് ആസിഡ്, പ്രോട്ടീനുകള്‍ എന്നിവ അടങ്ങിയിട്ടുണ്ട്. ഇവ രക്തത്തിലെ ഹോമോസിസ്റ്റീന്‍ തോത് കുറയ്ക്കുന്നു. ഹോമോസിസ്റ്റീന്‍ തോത് കൂടുന്നത് ഹൃദയത്തിന്റെ ആരോഗ്യത്തിന് നല്ലതല്ല.

ബിയറില്‍ ആന്റി ഓക്‌സിഡന്റുകളും അടങ്ങിയിട്ടുണ്ട്. ഇതിലെ ഫിനോളിക്‌സ്, മെലനോയ്ഡിന്‍സ് എന്നിവ രക്തധമനികള്‍ ശക്തിപ്പെടുത്തുന്നതില്‍ പ്രധാന പങ്കു വഹിയ്ക്കുന്നുണ്ട്. നല്ല കൊളസ്‌ട്രോള്‍ എന്നറിയപ്പെടുന്ന എച്ച്ഡിഎല്‍ കൊളസ്ട3ാേള്‍ അളവ് കൂട്ടുവാനും ബിയറിന് സാധിക്കുമത്രെ.

എന്നാല്‍ ബിയറായാലും അമിതമായി കഴിച്ചാല്‍ ഹൃദയത്തിന്റെ ആരോഗ്യത്തെ പ്രതികൂലമായി ബാധിക്കുമെന്ന കാര്യവും മറക്കേണ്ട. മദ്യപാനം ആരോഗ്യത്തിന് ഹാനികരം എന്നാണല്ലോ.

Disclaimer: ഈ ലേഖനത്തില്‍ പരാമര്‍ശിച്ചിരിക്കുന്ന വിവരങ്ങള്‍ പൊതുവായ വിവരങ്ങള്‍ക്കും വിദ്യാഭ്യാസപരമായ ആവശ്യങ്ങള്‍ക്കും വേണ്ടി മാത്രമുള്ളതാണ്. പ്രൊഫഷണല്‍ അഭിപ്രായങ്ങളോ, രോഗനിര്‍ണയം, ചികിത്സ എന്നിവ ഉദ്ദേശിച്ചുള്ളതോ അല്ല. ആരോഗ്യ സംബന്ധമായ പ്രശ്‌നങ്ങള്‍ക്ക് എപ്പോഴും ഡോക്ടറേയോ ആരോഗ്യവിദഗ്ധരേയോ സമീപിക്കേണ്ടതാണ്.