വണ്ണം കുറയാന്‍ യോഗര്‍ട്ട് ഡയറ്റ്

യോഗര്‍ട്ട് ഒരു പാലുല്‍പ്പന്നമാണെങ്കിലും ഇതിലെ ലാക്ടോസ് കൊഴുപ്പു കുറയ്ക്കുകയാണ് ചെയ്യുന്നത്. പാലിനെ ഉറ കൂടാന്‍ സഹായിക്കുന്ന ബാക്ടീരിയയാണ് യോഗര്‍ട്ടിനെ പുളിപ്പിക്കുന്നത്. ഇങ്ങനെ ഇതിലെ ഷുഗറും കുറയുന്നുണ്ട്. കൊഴുപ്പും ഷുഗറും കുറയുന്നത് വണ്ണം കുറക്കുവാനും സഹായിക്കുന്നു.

യോഗര്‍ട്ട് ഡയറ്റ് 10-15 ദിവസം പിന്‍തുടര്‍ന്നാല്‍ തന്നെ ഫലം കണ്ടുതുടങ്ങും. ഈ ഡയറ്റ് പ്രകാരം ദിവസവും 500 ഗ്രാം യോഗര്‍ട്ട് കഴിക്കാം. ഇതിനൊപ്പം 300 ഗ്രാം പഴവര്‍ഗങ്ങള്‍, 100 ഗ്രാം ഇറച്ചി, 300 ഗ്രാം പച്ചക്കറികള്‍ എന്നിവ കഴിയ്ക്കാം.

പ്രഭാതഭക്ഷണത്തില്‍ ഒരു ചെറിയ ബൗള്‍ യോഗര്‍ട്ട്, മുറിച്ച് ഫലങ്ങള്‍, മധുരം ചേര്‍ക്കാത്ത ഗ്രീന്‍ ടീ, മധുരം ചേര്‍ക്കാത്ത ഓറഞ്ച് ജ്യൂസ് എന്നിവ കഴിയ്ക്കാം. ഓറഞ്ച് ജ്യൂസിന് പകരം മാതളനാരങ്ങയുടെ ജ്യൂസും ഉപയോഗിക്കും.

ഉച്ചഭക്ഷണത്തിന് യോഗര്‍ട്ട്, തവിടു കളയാത്ത അരി, മീറ്റ് സാലഡ്, പഴച്ചാര്‍ എന്നിവ കഴിയ്ക്കാം.

അത്താഴത്തിന് യോഗര്‍ട്ട് അല്‍പം വെള്ളമൊഴിച്ച് നേര്‍പ്പിച്ചത്, ആപ്പിള്‍ ജ്യൂസ്, വേവിച്ച പച്ചക്കറികള്‍, ഹെര്‍ബല്‍ടീ അല്ലെങ്കില്‍ വെജിറ്റബിള്‍ സ്റ്റോക്ക് എന്നിവ കഴിയ്ക്കാം.

ആവശ്യമായ പോഷണങ്ങള്‍ ലഭിക്കുന്നതു കൊണ്ടും ഭക്ഷണം ഉപേക്ഷിക്കേണ്ടി വരാത്തതിനാലും യോഗര്‍ട്ട് ഡയറ്റ് സുരക്ഷിതമായ ഒന്നാണ്. വണ്ണം കുറയുമെന്നത് മാത്രമല്ലാ, ദഹനത്തിനും പ്രതിരോധശേഷിക്കും യോഗര്‍ട്ട് ഡയറ്റ് വളരെ നല്ലതാണ്. ഇത് ശരീരത്തിലെ വിഷപദാര്‍ത്ഥങ്ങളെ തള്ളിക്കളയുകയും ചര്‍മത്തിന് ആരോഗ്യം നല്‍കുകയും ചെയ്യുന്നുണ്ട്.

Disclaimer: ഈ ലേഖനത്തില്‍ പരാമര്‍ശിച്ചിരിക്കുന്ന വിവരങ്ങള്‍ പൊതുവായ വിവരങ്ങള്‍ക്കും വിദ്യാഭ്യാസപരമായ ആവശ്യങ്ങള്‍ക്കും വേണ്ടി മാത്രമുള്ളതാണ്. പ്രൊഫഷണല്‍ അഭിപ്രായങ്ങളോ, രോഗനിര്‍ണയം, ചികിത്സ എന്നിവ ഉദ്ദേശിച്ചുള്ളതോ അല്ല. ആരോഗ്യ സംബന്ധമായ പ്രശ്‌നങ്ങള്‍ക്ക് എപ്പോഴും ഡോക്ടറേയോ ആരോഗ്യവിദഗ്ധരേയോ സമീപിക്കേണ്ടതാണ്.