ഹൈഹീല്‍ ചെരിപ്പിന്റെ ഗുണങ്ങള്‍

ഹൈഹീല്‍ഡ് സ്ത്രീകളുടെ മൊത്തത്തിലുളള ആത്മവിശ്വാസത്തെ വര്‍ദ്ധിപ്പിക്കും. പൊക്കമില്ലാത്തതാണെന്റെ പൊക്കം എന്നു പറഞ്ഞ് നടക്കേണ്ടി വരില്ല. പൊക്കം ആരുടേയും ആത്മവിശ്വാസത്തെ വര്‍ദ്ധിപ്പിക്കും. പൊക്കം കൂടുതല്‍ തോന്നിക്കുന്നതുകൊണ്ട് തടി കുറവു തോന്നുകയും ചെയ്യും.

ശരീരത്തിന് ഹൈഹീല്‍ ചെരിപ്പിടുമ്പോള്‍ നല്ല ആകൃതി ലഭിക്കും. നിതംബത്തിന് ഭംഗി ലഭിക്കുമെന്നതാണ് ഹൈഹീല്‍ഡിന്റെ മറ്റൊരു ഗുണമായി പറയുന്നത്. മാറിടങ്ങള്‍ക്കും തുടയിലെ മസിലുകള്‍ക്കും ഹൈഹീല്‍ഡ് ഇടുന്നത് കൊണ്ട് ഭംഗി ലഭിക്കും.

കാലിലെ രക്തപ്രവാഹം ഹൈഹീല്‍ഡ് ചെരിപ്പുകള്‍ വര്‍ദ്ധിപ്പിക്കും. ഇതു കാരണം കാലിലെ രക്തക്കുഴലുകളില്‍ കൂടി കൂടുതല്‍ രക്തം പ്രവഹിക്കും. ഇത് ഹൃദയത്തിലേക്കുള്ള രക്തപ്രവാഹവും വര്‍ദ്ധിക്കും. രക്തപ്രവാഹം മാത്രമല്ലാ, മറ്റു ഫഌയിഡുകളുടെയും പ്രവാഹം ഹൈഹീല്‍ ഇട്ടാല്‍ ശക്തിപ്പെടും. ഇത് കാലില്‍ മുഴകളുണ്ടാകുന്നത് തടയുകയും ചെയ്യും. കാലിലെ മസിലുകളെ ശക്തിപ്പെടുത്താനും പാദങ്ങളിലെ ആര്‍ച്ച് ആകൃതിയിലെ ഭാഗത്തിന് ബലം കൊടുക്കുവാനും ഹൈഹീല്‍ഡ് ചെരിപ്പുകള്‍ സഹായകമാണ്.

ഹൈഹീല്‍ഡ് ചെരിപ്പുകളിട്ടാല്‍ ശരീരം അല്‍പം മുന്നോട്ടായുകയാണ് ചെയ്യുന്നത്. ഇത് പെല്‍വിക് മസിലുകളേയും വയറിലെ മസിലുകളേയും കൂടുതല്‍ ദൃഢമാക്കുന്നുണ്ട്. പെല്‍വിക് മസിലുകളെ ശക്തിപ്പെടുത്താനുള്ള കെഗല്‍ വ്യായാമത്തിന്റെ ഫലമാണ് ഇത് നല്‍കുന്നത്.

നടുവെല്ലിലെ ഒരു ഭാഗമാണ് ലമ്പാര്‍ എന്നറിയപ്പെടുന്നത്. ഇതിന് സ്വാഭാവികമായി വളയുവാനുള്ള കഴിവുണ്ട്. അതുകൊണ്ടാണ് കുനിയുവാനും നിവരുവാനും കഴിയുന്നത്. എന്നാല്‍ ഈ വളവ് ലമ്പാര്‍ എല്ലുകളില്‍ക്കില്ലെങ്കില്‍ നടുവേദന വരും. ഇത്തരം പ്രശ്‌നമുള്ളവര്‍ ഒന്നര ഇഞ്ച് ഹീലുള്ള ചെരിപ്പുകള്‍ ധരിക്കുന്നത് നടുവേദന ഒഴിവാക്കും.

ഹൈഹീല്‍ഡ് ചെരിപ്പ് ധരിക്കുമ്പോള്‍ ശ്രദ്ധിക്കേണ്ട ചില കാര്യങ്ങളുമുണ്ട്. രണ്ടിഞ്ചില്‍ കൂടുതലുള്ള ഹൈഹീല്‍ഡ് ധരിച്ചാല്‍ നടുവേദന വരും. ചിലരില്‍ നട്ടെല്ലിന് സ്വാഭാവികമായി വളവ് കൂടുതലുണ്ടാകും.ഇവര്‍ ഹൈഹീല്‍ഡ് ഉപയോഗിക്കുന്നത് ഞരമ്പുകള്‍ ചുരുങ്ങി കൂടുതല്‍ തകരാറ് വരാനും മസിലുകളുടെ ശക്തി കുറയ്ക്കുവാനും കാരണമാകും.

ഹൈഹീല്‍ഡ് ചെരിപ്പുകള്‍ ആദ്യമായി ഉപയോഗിക്കുന്നവര്‍ വീട്ടില്‍ ഇതിട്ട് നടക്കുവാന്‍ പഠിക്കണം. ഹൈഹീല്‍ഡിട്ട് ശരിക്കും നടക്കുവാന്‍ അറിയില്ലെങ്കില്‍ കാലുളുക്കുവാനും വീഴുവാനും സാധ്യതയുണ്ട്.

Disclaimer: ഈ ലേഖനത്തില്‍ പരാമര്‍ശിച്ചിരിക്കുന്ന വിവരങ്ങള്‍ പൊതുവായ വിവരങ്ങള്‍ക്കും വിദ്യാഭ്യാസപരമായ ആവശ്യങ്ങള്‍ക്കും വേണ്ടി മാത്രമുള്ളതാണ്. പ്രൊഫഷണല്‍ അഭിപ്രായങ്ങളോ, രോഗനിര്‍ണയം, ചികിത്സ എന്നിവ ഉദ്ദേശിച്ചുള്ളതോ അല്ല. ആരോഗ്യ സംബന്ധമായ പ്രശ്‌നങ്ങള്‍ക്ക് എപ്പോഴും ഡോക്ടറേയോ ആരോഗ്യവിദഗ്ധരേയോ സമീപിക്കേണ്ടതാണ്.