പച്ചക്കറിത്തൊലിയും പോഷകസമൃദ്ധം

ഉരുളക്കിഴങ്ങ് മണ്ണിനടിയില്‍ വളരുന്നതുകൊണ്ടുതന്നെ ഇവയുടെ തൊലി ഏറെ പോഷകസമൃദ്ധമാണ്. ഇവയില്‍ വൈറ്റമിന്‍ സി, വൈററമിന്‍ ബി6 എന്നിവ അടങ്ങിയിട്ടുണ്ട്.

ശരീരത്തിന്റെ ശരിയായ പ്രവര്‍ത്തനത്തിനാവശ്യമായ മാംഗനീസ്, കോപ്പര്‍, പൊട്ടാസ്യം എന്നിവയും നാരുകളുമടങ്ങിയ ഉത്തമാഹാരമാണ് ഉരുളക്കിഴങ്ങുതൊലി.

ഉരുളക്കിഴങ്ങ് വറുത്തത് കുട്ടികളുടെ ഇഷ്ടഭക്ഷണമാണ്. ഇവയില്‍ കൊഴുപ്പുണ്ട്. എന്നാല്‍ ഉരുളക്കിഴങ്ങു തൊലി വേവിച്ച് കുരുമുളകുസോസില്‍ പാചകം ചെയ്തു കൊടുത്താന്‍ കുട്ടികള്‍ക്കത് സ്വാദേറിയ വിഭവമായിരിക്കും.

ഉരുളക്കിഴങ്ങ് തൊലി കളയാതെയും ഉപയോഗിക്കാം. ബേക്കു ചെയ്യുമ്പോഴും വറുക്കുമ്പോഴും തൊലി നീക്കം ചെയ്യാതിരുന്നാല്‍ അതിലെ വൈററമിനുകള്‍ അല്‍പം പോലും നഷ്ടപ്പെടാതിരിക്കും.

നാരങ്ങ, ഓറഞ്ച് തുടങ്ങിയവയുടെ തൊലി വൈറ്റമിന്‍ സിയുടെ കലവറയാണ്. ഓറഞ്ച് തൊലി ഉണക്കി അച്ചാറിട്ടു കഴിക്കാം. ഇത് ദീര്‍ഘകാലം കേടാകാതിരിക്കുകയും ചെയ്യും. നാരങ്ങയുടെ തൊലി പഞ്ചസാരലായനിയില്‍ ഇട്ടുവച്ചാല്‍ അതിന്റെ കയ്പ് മാറിക്കിട്ടും. ഇത് കഴിക്കാന്‍ സ്വാദേറിയതാണ്. ഇവയുടെ തൊലി കേക്കുകളിലും മറ്റും ചേര്‍ക്കാറുണ്ട്.

പാവക്ക, പടവലങ്ങ തുടങ്ങിയവയുടെ തൊലികളും പോഷകസമൃദ്ധമാണ്.

ഇനി മുതല്‍ പാചകം ചെയ്യുമ്പോള്‍ പച്ചക്കറികളില്‍ അല്‍പം തോലുണ്ടെങ്കിലും കാര്യമാക്കേണ്ടതില്ല. ഇവ നിങ്ങളുടെ ആരോഗ്യത്തിന് ഒരു മുതല്‍ക്കൂട്ടാണ്.

Disclaimer: ഈ ലേഖനത്തില്‍ പരാമര്‍ശിച്ചിരിക്കുന്ന വിവരങ്ങള്‍ പൊതുവായ വിവരങ്ങള്‍ക്കും വിദ്യാഭ്യാസപരമായ ആവശ്യങ്ങള്‍ക്കും വേണ്ടി മാത്രമുള്ളതാണ്. പ്രൊഫഷണല്‍ അഭിപ്രായങ്ങളോ, രോഗനിര്‍ണയം, ചികിത്സ എന്നിവ ഉദ്ദേശിച്ചുള്ളതോ അല്ല. ആരോഗ്യ സംബന്ധമായ പ്രശ്‌നങ്ങള്‍ക്ക് എപ്പോഴും ഡോക്ടറേയോ ആരോഗ്യവിദഗ്ധരേയോ സമീപിക്കേണ്ടതാണ്.