ചായ കുടിച്ചാല്‍ വാതം വരാന്‍ സാധ്യത

Health

oi-Saritha

By Veena

Published: Monday, November 14, 2011, 10:07 [IST]

ചായയും വാതവും തമ്മിലെന്ത് എന്നായിരിക്കും. ഉണ്ടെന്നാണ് പുതിയ പഠനങ്ങള്‍ സൂചിപ്പിക്കുന്നത്. ചായ പതിവായി കുടിയ്ക്കുന്നതവരില്‍ റുമാറ്റിക് ആര്‍ത്രൈറ്റിസ് അഥവാ വാതം വരാനുള്ള സാധ്യതകള്‍ കൂടുതലാണത്രെ.

വെറുതെ പറഞ്ഞതല്ലാ, 76,000 സ്ത്രീകളില്‍ നടത്തിയ പഠനത്തിന്റെ അടിസ്ഥാനത്തിലാണ് ഈ വാദം. ദിവസവും നാലു കപ്പിലധികം ചായ കുടിയ്്ക്കുന്നവരില്‍ വാതം വരാനുള്ള സാധ്യത മറ്റുള്ളവരേക്കാള്‍ 78 ശതമാനം കൂടുതലാണ്.

ഇതില്‍ത്തന്നെ ചായകുടി കാരണമുള്ള വാതസാധ്യത കൂടുതല്‍ കാണുന്നത് സ്ത്രീകളിലാണെന്നും തെളിയിക്കപ്പെട്ടിട്ടുണ്ട്. പുരുഷന്മാരേക്കാള്‍ മൂന്നിരട്ടിയാണ് സ്ത്രീകള്‍ക്ക് വാതം വരാനുള്ള സാധ്യത.

എന്നാല്‍ ഗ്രീന്‍ടീ കുടിയ്ക്കുന്നത് വാതരോഗത്തിനുള്ള സാധ്യത കുറയ്ക്കുകയാണ് ചെയ്യുന്നത്. ഇതിലുള്ള ആന്റി ഓക്‌സിഡന്റുകളും പോളിഫിനോള്‍സുമാണ് വാതരോഗം വരാതെ തടയുന്നത്. അതുകൊണ്ട് ചായ കുടിക്കണമെന്നുള്ളവര്‍ ഗ്രീന്‍ ടീയിലേക്ക് മാറുന്നത് എന്തുകൊണ്ടും ആരോഗ്യത്തിന് ഏറെ നല്ലതാണ്. കാപ്പി കുടിച്ചാല്‍ വാതരോഗം വരുന്നതായി തെളിഞ്ഞിട്ടില്ല.

മുതിര്‍ന്നവരില്‍ മാത്രമല്ലാ, അപൂര്‍വമായെങ്കിലും കുട്ടികളിലും വാതരോഗം കണ്ടുവരാറുണ്ട്. നേരത്തെ കണ്ടുപിടിച്ചാല്‍ ഒരു പരിധി വരെ ചികിത്സിച്ചു മാറ്റാവുന്ന ഒന്നാണിത്.

Disclaimer: ഈ ലേഖനത്തില്‍ പരാമര്‍ശിച്ചിരിക്കുന്ന വിവരങ്ങള്‍ പൊതുവായ വിവരങ്ങള്‍ക്കും വിദ്യാഭ്യാസപരമായ ആവശ്യങ്ങള്‍ക്കും വേണ്ടി മാത്രമുള്ളതാണ്. പ്രൊഫഷണല്‍ അഭിപ്രായങ്ങളോ, രോഗനിര്‍ണയം, ചികിത്സ എന്നിവ ഉദ്ദേശിച്ചുള്ളതോ അല്ല. ആരോഗ്യ സംബന്ധമായ പ്രശ്‌നങ്ങള്‍ക്ക് എപ്പോഴും ഡോക്ടറേയോ ആരോഗ്യവിദഗ്ധരേയോ സമീപിക്കേണ്ടതാണ്.