ഐസ്‌ക്രീം കഴിച്ചും ഡയറ്റ്!

Health

oi-Saritha

By Veena

Published: Thursday, December 1, 2011, 12:45 [IST]

ഡയറ്റ് എന്നു കേട്ടാല്‍ മിക്കവാറും പേരുടെ മനസില്‍ വരിക സ്വാദില്ലാത്ത ഭക്ഷണമായിരിക്കും. ഇഷ്ടഭക്ഷണം ഉപേക്ഷിക്കേണ്ടി വരുമെന്നും കരുതിയും ഡയറ്റിനെക്കുറിച്ചു പോലും ചിന്തിക്കാത്തവരുണ്ട്. എന്നാല്‍ സ്വാദിഷ്ഠമായ ചില ഡയറ്റുകളുമുണ്ട്.

ഡയറ്റിന്റെ ഭാഗമായി ദിവസവും ചോക്കലേറ്റ് കഴിച്ചാലോ. ഡയറ്റുകളില്‍ ഒന്നാണ് ചോക്കലേററ് ഡയറ്റ്. രാവിലെയും വൈകീട്ടും ഓരോ ചോക്കലേറ്റ് കഴിക്കുന്നത് ഈ ഡയറ്റിന്റെ ഭാഗമാണ്. ഏഴു ദിവസം നീണ്ടുനില്‍ക്കുന്ന ഡയറ്റാണിത്. എന്നാല്‍ ഇതെല്ലാവര്‍ക്കും ചേരണമെന്നില്ല. ഈ ഡയറ്റ് എടുക്കുന്നതിന് മുന്‍പ് ഡോക്ടറുടെ ഉപദേശം തേടുന്നത് നന്നായിരിക്കും.

ഇറ്റാലിയന്‍ ഭക്ഷണമായ പാസ്തയും ഡയറ്റാക്കാം. പാസ്തയില്‍ ഫൈബറും അമിനോ ആസിഡും ഉള്ളതു കൊണ്ട് ഇത് വണ്ണം കുറയ്ക്കുന്നു.

ഐസ്‌ക്രീം കഴിച്ചും യോഗര്‍ട്ട് കഴിച്ചും ഭക്ഷണക്രമീകരണമാകാം. രാവിലെയും വൈകീട്ടും ഇവ കഴിക്കാം. ഒപ്പം ഫലവര്‍ഗങ്ങളുമാകാം. ഇത് നല്ല കൊഴുപ്പുണ്ടാക്കുമെന്നാണ് പറയപ്പെടുന്നത്.

ഫലവര്‍ഗങ്ങള്‍ കഴിച്ചും ഡയറ്റാകാം. ബെറികള്‍ ഉള്‍പ്പെടുത്തുന്നത് വളരെ നല്ലത്. ഇവയിലെ ആന്റി ഓക്‌സിഡ്ന്റുകള്‍ ശരീരത്തെയും ചര്‍മത്തെയും രക്ഷിക്കുന്നുണ്ട്.

പോപ്‌കോണ്‍ ഡയറ്റുമുണ്ട്. വീട്ടിലുണ്ടാക്കുന്ന ചോളമാണ് ഈ ഡയറ്റിന് ഉപയോഗിക്കേണ്ടത്. നെയ്യും വെണ്ണയും ചേര്‍ക്കാത്ത ചോളം വിശപ്പു മാറ്റുകയും ശരീരത്തിന് ആവശ്യമായ പോഷകങ്ങള്‍ നല്‍കുകയും ചെയ്യും.

ഇടയ്‌ക്കെങ്കിലും ഇത്തരം ഭക്ഷണക്രമങ്ങള്‍ പരീക്ഷിക്കുന്നത് സ്ഥിരം രീതികള്‍ കൊണ്ടുള്ള മടുപ്പ് മാറ്റുമെന്നതാണ് ഗുണം.

Disclaimer: ഈ ലേഖനത്തില്‍ പരാമര്‍ശിച്ചിരിക്കുന്ന വിവരങ്ങള്‍ പൊതുവായ വിവരങ്ങള്‍ക്കും വിദ്യാഭ്യാസപരമായ ആവശ്യങ്ങള്‍ക്കും വേണ്ടി മാത്രമുള്ളതാണ്. പ്രൊഫഷണല്‍ അഭിപ്രായങ്ങളോ, രോഗനിര്‍ണയം, ചികിത്സ എന്നിവ ഉദ്ദേശിച്ചുള്ളതോ അല്ല. ആരോഗ്യ സംബന്ധമായ പ്രശ്‌നങ്ങള്‍ക്ക് എപ്പോഴും ഡോക്ടറേയോ ആരോഗ്യവിദഗ്ധരേയോ സമീപിക്കേണ്ടതാണ്.