വണ്ണം കുറയാന്‍ ജപ്പാന്‍ വക സുഷി ഡയറ്റ്

ജപ്പാനിലെ പ്രത്യേക രീതിയിലുള്ള ഭക്ഷണമാണ് സുഷി എന്നറിയപ്പെടുന്നത്. ഇത് പച്ചക്കറികള്‍, കടല്‍വിഭവം, അരി എന്നിവ കൊണ്ടാണ് തയ്യാറാക്കുന്നത്. ഇവയില്‍ വൈറ്റമിനുകള്‍, അയേണ്‍, അമിനോ ആസിഡ്. ധാതുക്കള്‍ എന്നിവ അടങ്ങിയിട്ടുണ്ട്. ഹൃദയാരോഗ്യത്തിന് സുഷി ഡയറ്റ് വളരെ നല്ലതാണെന്നാണ് തെളിഞ്ഞിട്ടുള്ളത്.

സുഷി ഡയറ്റില്‍ ഉപയോഗിക്കുന്ന ട്യൂണ, സ്‌ക്വിഡ് തുടങ്ങിയ മത്സ്യങ്ങളില്‍ കൊഴുപ്പ് വളരെക്കുറവും എന്നാല്‍ പോഷകഗുണം അധികവുമാണ്. ഇതുണ്ടാക്കാന്‍ ഉപയോഗിക്കുന്ന കുക്കുമ്പര്‍, ക്യാരറ്റ്, ക്യാബേജ് തുടങ്ങിയ പച്ചക്കറികള്‍ ദഹനത്തിന് സഹായിക്കുകയും പോഷകം നല്‍കുകയും ചെയ്യും. അരിയിലൂടെ ശരീരത്തിന് ആവശ്യമുള്ള കാര്‍ബോ ഹൈഡ്രേറ്റുകളും ലഭിക്കും. ഇതില്‍ .20 ഗ്രാമില്‍ താഴെ കൊഴുപ്പ് മാത്രമാണ് അടങ്ങിയിട്ടുള്ളത്.

അരിക്കു പകരം ഓട്‌സ് ഉപയോഗിച്ചും സുഷി ഉണ്ടാക്കാം.

സുഷി ബ്രേക്ഫാസ്റ്റ് പ്രകാരം പത്ത് സുഷി റോളുകളും മധുരമിടാത്ത ലെമണ്‍ ടീയും കഴിയ്ക്കാം.

ഉച്ചഭക്ഷണത്തിന് എട്ടോ പത്തോ സുഷി റോളുകളും മെലന്‍ അല്ലെങ്കില്‍ നാരങ്ങാജ്യൂസും ആവാം.

അത്താഴത്തിന് നാലോ അഞ്ചോ സുഷി റോളാകാം. കൂടെ വെജിറ്റബിള്‍ സൂപ്പും.

വൈകീട്ട് ചായ നിര്‍ബന്ധമാണെങ്കില്‍ ഹെര്‍ബല്‍ ടീ ആകാം.

സുഷി ഡയറ്റ് അല്‍പനാള്‍ പിന്‍തുടര്‍ന്നാല്‍ ആരോഗ്യം കളയാതെ തന്നെ വണ്ണം കുറയ്ക്കാനാകും.

Disclaimer: ഈ ലേഖനത്തില്‍ പരാമര്‍ശിച്ചിരിക്കുന്ന വിവരങ്ങള്‍ പൊതുവായ വിവരങ്ങള്‍ക്കും വിദ്യാഭ്യാസപരമായ ആവശ്യങ്ങള്‍ക്കും വേണ്ടി മാത്രമുള്ളതാണ്. പ്രൊഫഷണല്‍ അഭിപ്രായങ്ങളോ, രോഗനിര്‍ണയം, ചികിത്സ എന്നിവ ഉദ്ദേശിച്ചുള്ളതോ അല്ല. ആരോഗ്യ സംബന്ധമായ പ്രശ്‌നങ്ങള്‍ക്ക് എപ്പോഴും ഡോക്ടറേയോ ആരോഗ്യവിദഗ്ധരേയോ സമീപിക്കേണ്ടതാണ്.