വണ്ണം കുറയ്ക്കാന്‍ ഫൈബര്‍ ഡയറ്റ്

തടി കുറയ്ക്കുവാന്‍ മാത്രമല്ല മലബന്ധം, ബിപി, പ്രമേഹം, കുടലിലുള്ള ക്യാന്‍സര്‍ തുടങ്ങിയവയ്ക്കുള്ള നല്ലൊരു പരിഹാരം കൂടിയാണ് ഫൈബര്‍ ഡയറ്റ്. 30-40 ഗ്രാം ഫൈബര്‍ നമ്മുടെ ദൈനംദിന ഭക്ഷണത്തില്‍ ഉള്‍പ്പെടുത്തേണ്ടത് ആവശ്യമാണ്.

സസ്യാഹാരം കഴിയ്ക്കുന്നവര്‍ക്ക് ധാന്യങ്ങള്‍, ആപ്പിള്‍, കൊഴുപ്പു കുറഞ്ഞ പാല്‍ എന്നിവയടങ്ങിയ പ്രഭാതഭക്ഷണമാകാം. ഉച്ചയ്ക്ക് വെജിറ്റബിള്‍ സാലഡ് ഉള്‍പ്പെടുത്തുന്നത് നല്ലതാണ്. അത്താഴം ഫലവര്‍ഗങ്ങള്‍, പാല്‍, ബേക്ക് ചെയ്ത് ഉരുളക്കിഴങ്ങ് എന്നിവ ഉള്‍പ്പെടുത്തിയാകണം.

മാംസഭക്ഷണം കഴിയ്ക്കുന്നവര്‍ക്ക് നാധാരണ പ്രഭാതഭക്ഷണമാകാം. ഉച്ചഭക്ഷണത്തില്‍ ട്യൂണ സാലഡ്, തവിടുകളയാത്ത അരി, ഗോതമ്പ്, ഫലങ്ങള്‍ എന്നിവ ഉള്‍പ്പെടുത്താം. രാത്രി അല്‍പം ബീഫും സാലഡും ചപ്പാത്തിയോ അല്ലെങ്കില്‍ ചോറോ കഴിയ്ക്കാം.

ഫൈബര്‍ ഡയറ്റില്‍ ധാരാളം വെള്ളം കുടിക്കേണ്ടതും ആവശ്യമാണ്. നാരുകളടങ്ങിയ ഭക്ഷണം അമിതമായാല്‍ അത് ദഹനപ്രശ്‌നങ്ങള്‍ ഉണ്ടാക്കുകയും വയറുവേദനയ്ക്ക് കാരണമാകുകയും ചെയ്യും. ദിവസവും 40 ഗ്രാം വരെ നാരുകളടങ്ങിയ ഭക്ഷണം കഴിച്ചാല്‍ മതിയാകും.

Disclaimer: ഈ ലേഖനത്തില്‍ പരാമര്‍ശിച്ചിരിക്കുന്ന വിവരങ്ങള്‍ പൊതുവായ വിവരങ്ങള്‍ക്കും വിദ്യാഭ്യാസപരമായ ആവശ്യങ്ങള്‍ക്കും വേണ്ടി മാത്രമുള്ളതാണ്. പ്രൊഫഷണല്‍ അഭിപ്രായങ്ങളോ, രോഗനിര്‍ണയം, ചികിത്സ എന്നിവ ഉദ്ദേശിച്ചുള്ളതോ അല്ല. ആരോഗ്യ സംബന്ധമായ പ്രശ്‌നങ്ങള്‍ക്ക് എപ്പോഴും ഡോക്ടറേയോ ആരോഗ്യവിദഗ്ധരേയോ സമീപിക്കേണ്ടതാണ്.