ബെഡ്‌സോര്‍: കാരണവും പരിഹാരവും

Health

oi-Saritha

By Veena

Published: Tuesday, November 8, 2011, 11:36 [IST]

ദീര്‍ഘകാലം അസുഖബാധിതരായി കിടക്കുന്നവര്‍ക്ക് ദേഹത്ത് വ്രണങ്ങള്‍ ഉണ്ടാകുന്നത് സാധാരണമാണ്. ബെഡ്‌സോര്‍ എന്നാണ് ഇത് അറിയപ്പെടുന്നത്. വ്രണങ്ങള്‍ വന്നാല്‍ വേണ്ട രീതിയില്‍ ചികിത്സിച്ചില്ലെങ്കില്‍ അവ പഴുത്ത് പുഴുവരിക്കുവാന്‍ വരെ സാധ്യതയുണ്ട്. കഠിനമായ വേദനയുണ്ടാക്കുന്ന ബെഡ്‌സോര്‍ കാണുന്നവരിലും ഏറെ അസ്വസ്ഥതയുണ്ടാക്കും.

കാല്‍മുട്ട്, കണങ്കാല്‍, കൈമുട്ട് എന്നീ സ്ഥലങ്ങളിലാണ് ബെഡ്‌സോര്‍ വരാന്‍ സാധ്യത കൂടുതല്‍. ബെഡ്‌സോര്‍ വരുന്നിടത്ത് ആദ്യം ചര്‍മത്തിന്റെ നിറം മാറി ചുവന്ന നിറമാകും. ഉടന്‍ തന്നെ ചികിത്സ നല്‍കിയില്ലെങ്കില്‍ ഇത് പഴുക്കാനും കൂടുതല്‍ സ്ഥലത്തേക്ക് വ്യാപിക്കുവാനും തുടങ്ങും. മാംസം അളിയുമ്പോഴുണ്ടാകുന്ന ദുര്‍ഗന്ധവും ബെഡ്‌സോറിന്റെ പ്രത്യേകതയാണ്. കൂടുതല്‍ ഗുരുതരാവസ്ഥയില്‍ വ്രണങ്ങള്‍ വന്ന ഭാഗം ചീഞ്ഞളിഞ്ഞ് അവിടെ പുഴുക്കള്‍ വരാനും സാധ്യതയുണ്ട്.

കിടന്ന അതേ രീതിയില്‍ തന്നെ സ്ഥിരമായി കിടക്കുമ്പോഴാണ് ബെഡ്‌സോര്‍ ഉണ്ടാകാറ്. അതുകൊണ്ട് രോഗിയെ എപ്പോഴും തിരിച്ചും മറിച്ചും കിടത്തണം.

ചര്‍മം കഴിവതും നനവില്ലാതെ സൂക്ഷിക്കണം. ഈര്‍പ്പമുള്ള ചര്‍മത്തിലാണ് വ്രണങ്ങള്‍ ഉണ്ടാവുക.

ബെഡ്‌സോര്‍ വന്നാല്‍ ആ ഭാഗം എപ്പോഴും വളരെ വൃത്തിയാക്കി വയ്ക്കുക. ആന്റി ബാക്ടീരിയല്‍ സോപ്പോ ലോഷനോ ഉപയോഗിച്ച് ഈ ഭാഗം കഴുകിത്തുടച്ച് ആന്റി ഫംഗല്‍ ക്രീം പുരട്ടാം. വ്രണങ്ങള്‍ കൂടുതല്‍ സ്ഥലത്തേക്ക് വ്യാപിക്കാതെ ശ്രദ്ധിക്കണം.

ദിവസവും രോഗിയുടെ വസ്ത്രം മാറ്റണം. രോഗി കിടക്കുന്ന കിടക്കവിരികളും ദിവസവും മാറ്റേണ്ടത് അത്യാവശ്യമാണ്.

ബെഡ് സോറിന് നല്ല ഭക്ഷണവും ഒരു ചികിത്സയാണ്. രോഗിക്ക് പോഷകങ്ങളടങ്ങിയ ഭക്ഷണം നല്‍കുക. ഇത് ചര്‍മത്തിലെ കോശങ്ങളുടെ തകരാറുകള്‍ പരിഹരിക്കാന്‍ നല്ലതാണ്.

Disclaimer: ഈ ലേഖനത്തില്‍ പരാമര്‍ശിച്ചിരിക്കുന്ന വിവരങ്ങള്‍ പൊതുവായ വിവരങ്ങള്‍ക്കും വിദ്യാഭ്യാസപരമായ ആവശ്യങ്ങള്‍ക്കും വേണ്ടി മാത്രമുള്ളതാണ്. പ്രൊഫഷണല്‍ അഭിപ്രായങ്ങളോ, രോഗനിര്‍ണയം, ചികിത്സ എന്നിവ ഉദ്ദേശിച്ചുള്ളതോ അല്ല. ആരോഗ്യ സംബന്ധമായ പ്രശ്‌നങ്ങള്‍ക്ക് എപ്പോഴും ഡോക്ടറേയോ ആരോഗ്യവിദഗ്ധരേയോ സമീപിക്കേണ്ടതാണ്.