വ്യായാമം ചെയ്യൂ, മെലിയൂ, ബിക്കിനിയിടാം

വ്യായാമത്തിന് ഒരു സമയപരിധി വയ്ക്കുന്നതാണ് നല്ലത്. ദിവസവും വ്യായാമങ്ങള്‍ മാറിമാറി ചെയ്യണം എന്നത് പ്രധാനമാണ്. ശരീരത്തിന് കൃത്യമായ വഴക്കം വരികയും വ്യായാമം വഴി നിങ്ങള്‍ക്ക് ബോറടി തോന്നാതിരിക്കുകയും ചെയ്യും. ആവശ്യമെങ്കില്‍ ഒരു ഇന്‍സ്ട്രക്ടറോട് അഭിപ്രായം തേടാം. വ്യായാമത്തിലെ വാം അപ്, ചില്‍ ഡൗണ്‍ വഴികളെക്കുറിച്ച് പറഞ്ഞുതരാന്‍ ഇന്‍സ്ട്രക്ടര്‍ക്ക് കഴിയും. വേണമെങ്കില്‍ പുസ്തകള്‍, ഇന്‍ര്‍നെറ്റ് എന്നിവ വഴിയും ബിക്കിനി വര്‍ക്കൗട്ടിനെ കുറിച്ച് അറിയാം.

തുടങ്ങുമ്പോള്‍ അരമണിക്കൂര്‍ വ്യായാമം ചെയ്ത് പിന്നീട് സമയക്രമം മുക്കാല്‍ മണിക്കൂര്‍ ആക്കുക. ഉച്ചഭക്ഷണത്തിനും അത്താഴത്തിനും ശേഷം വ്യായാമം ചെയ്യാമെന്നതാണ് ബിക്കിനി വര്‍ക്കൗട്ടിന്റെ ഗുണം. ഇത് ഭക്ഷണം വഴിയുണ്ടാകുന്ന കൊഴുപ്പ് കുറയ്ക്കും. മടി പിടിച്ച് ഒരിടത്ത് വെറുതെ ഇരിക്കരുത് എന്നതും പ്രധാനം.

രാവിലെ ഓടുന്നതും ട്രെഡ്മില്‍ വ്യായാമങ്ങള്‍ ചെയ്യുന്നതും കാലുകളുടെ മസിലുകളെയും അരക്കെട്ടിനെയും ദൃഢമാക്കും. നിരപ്പായ സ്ഥലം തെരഞ്ഞെടുക്കാതെ കുന്നിന്‍പുറങ്ങള്‍ പോലുള്ള സ്ഥലങ്ങള്‍ തെരഞ്ഞെടുക്കുന്നത് കൂടുതല്‍ നല്ലതാണ്. വ്യായാമം പതുക്കെ തുടങ്ങി ക്രമേണ നല്ല വേഗത്തിലാക്കുക.

കിക്ക്‌ബോക്‌സിംഗ്, സ്‌കിപ്പിംഗ് തുടങ്ങിയ വ്യായാമങ്ങള്‍ കൈകളിലുള്ള കൊഴുപ്പു നീക്കി മസിലുകള്‍ക്ക് ഉറപ്പു നല്‍കും. പുഷപ്പ്, സ്‌ട്രെച്ചിംഗ്, ക്രഞ്ചസ് തുടങ്ങിയവ രാവിലെയും വൈകീട്ടും ചെയ്യുന്നത് നല്ലതാണ്.

വീട്ടുജോലികള്‍ ചെയ്യുന്നതും സൈക്കിള്‍ ചവിട്ടുന്നതും നല്ലതാണ്. സാല്‍സ ഡാന്‍സ്, ഏറോബിക്‌സ് തുടങ്ങിയവ ബിക്കിനി വ്യായാമങ്ങളില്‍ പെടുന്നു.

വ്യായാമത്തിനൊപ്പം ഭക്ഷണവും ക്രമീകരിച്ചാല്‍ ബിക്കിനിയിടാന്‍ പാകത്തിന് സുന്ദരമായ ശരീരം നിങ്ങള്‍ക്കും സ്വന്തമാക്കാം.

Disclaimer: ഈ ലേഖനത്തില്‍ പരാമര്‍ശിച്ചിരിക്കുന്ന വിവരങ്ങള്‍ പൊതുവായ വിവരങ്ങള്‍ക്കും വിദ്യാഭ്യാസപരമായ ആവശ്യങ്ങള്‍ക്കും വേണ്ടി മാത്രമുള്ളതാണ്. പ്രൊഫഷണല്‍ അഭിപ്രായങ്ങളോ, രോഗനിര്‍ണയം, ചികിത്സ എന്നിവ ഉദ്ദേശിച്ചുള്ളതോ അല്ല. ആരോഗ്യ സംബന്ധമായ പ്രശ്‌നങ്ങള്‍ക്ക് എപ്പോഴും ഡോക്ടറേയോ ആരോഗ്യവിദഗ്ധരേയോ സമീപിക്കേണ്ടതാണ്.