ആര്‍ത്തവവേദന കുറയ്ക്കാന്‍ ജീരകം

ഈ സമയത്ത് ഗര്‍ഭപാത്രം സങ്കോചിക്കുന്നതാണ് വയറുവേദനക്കു കാരണമാകുന്നത്. ആര്‍ത്തവസമയത്ത് പ്രോസ്റ്റാഗ്ലാന്‍ഡിന്‍സ് എന്നൊരു ഹോര്‍മോണ്‍ യൂട്രസ് ഭിത്തിയില്‍ നിന്നും സങ്കോചകാരണമായി ഉല്‍പാദിപ്പിക്കപ്പെടുന്നുണ്ട്. ഇതാണ് വേദനയ്ക്ക് പ്രധാന കാരണം.

ഹോര്‍മോണ്‍ വ്യത്യാസങ്ങള്‍ വയറ്റില്‍ അസിഡിറ്റിയും ഉണ്ടാക്കുന്നുണ്ട്. ഇത് ഗ്യാസിനും ഛര്‍ദിക്കും കാരണമാകുന്നു. മാസമുറ സമയത്തെ പ്രശ്‌നങ്ങള്‍ക്കുള്ള ചില പരിഹാരങ്ങളെന്തെന്നറിയൂ.

മാസമുറ സമയത്തെ ഛര്‍ദിക്ക് ഇഞ്ചി നല്ലൊരു മരുന്നാണ്. ഇതിന്‍രെ ആന്റി ബാക്ടീരിയല്‍ ഗുണം അസിഡിറ്റി കുറയ്ക്കുന്നു. ഇഞ്ചി ചതച്ചെടുത്ത നീരോ അല്ലെങ്കില്‍ ഒരു കഷ്ണം ഇഞ്ചി വായിലിടുന്നതോ നല്ലതാണ്.

വെറുവയറ്റില്‍ ജീരകം പൊടിച്ചു കഴിക്കുന്നതും ഛര്‍ദി കുറയ്ക്കും. ഇത് വെള്ളത്തിനൊപ്പവും കഴിയ്ക്കാം.

കഞ്ഞിവെള്ളം ചൂടോടെ കുടിക്കുന്നതും ആര്‍ത്തവസമയത്തെ ഛര്‍ദി കുറയ്ക്കും. കൊഴുപ്പില്ലാത്ത കഞ്ഞിവെള്ളമായിരിക്കണം ഉപയോഗിക്കേണ്ടത്.

ആര്‍ത്തവസമയത്തെ വയറുവേദനയ്ക്ക് വയറ്റില്‍ മസാജ് ചെയ്യുന്നത് നല്ലതാണ്. ഇത് വയറിലെ മസിലുകള്‍ക്ക് അയവുണ്ടാക്കുകയും വേദന കുറയ്ക്കുകയും ചെയ്യും.

വാട്ടര്‍ബാഗില്‍ ചൂടുവെള്ളമാക്കി വയറ്റത്തു പിടിക്കുന്നതും വയറുവേദന കുറയുവാന്‍ സഹായിക്കും. ഇതും മസിലുകള്‍ക്ക് അയവുണ്ടാക്കുകയാണ് ചെയ്യുന്നത്.

Disclaimer: ഈ ലേഖനത്തില്‍ പരാമര്‍ശിച്ചിരിക്കുന്ന വിവരങ്ങള്‍ പൊതുവായ വിവരങ്ങള്‍ക്കും വിദ്യാഭ്യാസപരമായ ആവശ്യങ്ങള്‍ക്കും വേണ്ടി മാത്രമുള്ളതാണ്. പ്രൊഫഷണല്‍ അഭിപ്രായങ്ങളോ, രോഗനിര്‍ണയം, ചികിത്സ എന്നിവ ഉദ്ദേശിച്ചുള്ളതോ അല്ല. ആരോഗ്യ സംബന്ധമായ പ്രശ്‌നങ്ങള്‍ക്ക് എപ്പോഴും ഡോക്ടറേയോ ആരോഗ്യവിദഗ്ധരേയോ സമീപിക്കേണ്ടതാണ്.