പ്രായവും വിശപ്പും തമ്മില്‍ ബന്ധമില്ല

Health

oi-Saritha

By Veena

Published: Wednesday, December 7, 2011, 15:10 [IST]

വിശപ്പും പ്രായവും തമ്മില്‍ ബന്ധമുണ്ടോ. ഇല്ലെന്നാണ് വൈദ്യശാസ്ത്രം നല്‍കുന്ന മറുപടി. വയസാകുന്തോറും വിശപ്പു കുറയുന്ന പ്രവണത ചിലരിലെങ്കിലും കണ്ടുവരുന്നുണ്ട്. എന്നാല്‍ ഇതിന് പ്രായവുമായി ബന്ധമില്ലെന്നതാണ് കണ്ടുവരുന്നത്.

വയസാവുന്തോറും ശാരീരിക അധ്വാനവും കുറഞ്ഞുവരുന്നുണ്ട്. ഇത് വിശപ്പു കുറയാനുള്ള ഒരു കാരണമാണ്. ഇവരില്‍ അതുകൊണ്ടുതന്നെ ശാരീരിക പ്രവര്‍ത്തനങ്ങളും മന്ദഗതിയിലായിരിക്കും. ഇവര്‍ കുറേശെ ഭക്ഷണം പലസമയങ്ങളിലായി കഴിയ്ക്കുന്നതാണ് ആരോഗ്യത്തിന് നല്ലത്.

ക്യാന്‍സര്‍, ഓവറി, പാന്‍ക്രിയാസ് പ്രശ്‌നങ്ങള്‍ക്കുള്ള മരുന്നുകള്‍ കഴിക്കുന്നവരിലും വിശപ്പ് കുറവായിരിക്കും. ഇത് ഏതു പ്രായത്തിലായാലും ആളുകളെ ബാധിക്കുന്ന പ്രശ്‌നമാണ്. രോഗാവസ്ഥയിലുള്ളവര്‍ക്കും വിശപ്പ് കുറവു തോന്നുന്നത് സാധാരണമാണ്.

ഗര്‍ഭിണികള്‍ക്ക് ഗര്‍ഭത്തിന്റെ ആദ്യ രണ്ടുമൂന്നു മാസങ്ങളില്‍ വിശപ്പ് കുറവു തോന്നാറുണ്ട്. ഇത് പ്രധാനമയായും മനംപിരട്ടല്‍, ഛര്‍ദി തുടങ്ങിയവ കാരണമായിരിക്കും.

അറുപതുകള്‍ കഴിഞ്ഞാല്‍ സ്വാദുമുകുളങ്ങളുടെ പ്രവര്‍ത്തനശേഷി കുറഞ്ഞു വരും. ഭക്ഷണത്തിന് രുചി തോന്നാത്തതും വിശപ്പു കുറവിന് കാരണമാകും.

വിശപ്പു കുറയുന്നത് ഗുരുതരമായ ഒരു പ്രശ്‌നമല്ലെങ്കിലും പോഷകാഹാരക്കുറവ് കാരണമുള്ള പ്രശ്‌നങ്ങളുണ്ടായാല്‍ സ്വാഭാവികമായും ശ്രദ്ധിക്കേണ്ട വിഷയം തന്നെ.

Disclaimer: ഈ ലേഖനത്തില്‍ പരാമര്‍ശിച്ചിരിക്കുന്ന വിവരങ്ങള്‍ പൊതുവായ വിവരങ്ങള്‍ക്കും വിദ്യാഭ്യാസപരമായ ആവശ്യങ്ങള്‍ക്കും വേണ്ടി മാത്രമുള്ളതാണ്. പ്രൊഫഷണല്‍ അഭിപ്രായങ്ങളോ, രോഗനിര്‍ണയം, ചികിത്സ എന്നിവ ഉദ്ദേശിച്ചുള്ളതോ അല്ല. ആരോഗ്യ സംബന്ധമായ പ്രശ്‌നങ്ങള്‍ക്ക് എപ്പോഴും ഡോക്ടറേയോ ആരോഗ്യവിദഗ്ധരേയോ സമീപിക്കേണ്ടതാണ്.