ഐടിക്കാരുടെ ചുമല്‍വേദനയും കാരണങ്ങളും

Health

oi-Saritha

By Veena

Published: Wednesday, November 9, 2011, 15:36 [IST]

ഐടി ജോലികളിലെ സമ്മര്‍ദത്തോടൊപ്പം ചില ശാരീരിക പ്രശ്‌നങ്ങളും സാധാരണമാണ്. ചുമലുകളിലനുഭവപ്പെടുന്ന വേദന ഇതില്‍ പ്രധാനമാണ്. നിസാരമെന്ന് കരുതി ഇത് തള്ളിക്കളയാനാവില്ല. ശ്രദ്ധിച്ചില്ലെങ്കില്‍ ജീവിതകാലം മുഴുവനും ഈ വേദന തിന്നു ജീവിക്കേണ്ടി വരും. സ്‌പോണ്ടിലൈറ്റിസിലേക്ക് വരെ വഴി വയ്ക്കുന്ന റെഡ് ഷോള്‍ഡര്‍ എന്ന ഈ രോഗം എപ്പോഴും കഴുത്തില്‍ ബെല്‍റ്റിട്ട് നടക്കുന്ന ഒരു അവസ്ഥയിലേക്കു വരെ വഴി വയ്ക്കും.

ഇടയ്ക്കിടക്ക് തോളില്‍ കുത്തുന്ന പോലുള്ള വേദനയും ഈ വേദന നട്ടെല്ലിലേക്ക് ഇറങ്ങുന്ന പോലുള്ള തോന്നലും റെഡ് ഷോള്‍ഡറിന്റെ ലക്ഷണമാകാനും മതി. എന്തെങ്കിലും എടുക്കുമ്പോള്‍ വേദന തോന്നുക, കുറച്ചു നേരം നിന്നാല്‍ നട്ടെല്ലിന് ബുദ്ധിമുട്ടു തോന്നുക എന്നതു ഈ അസുഖത്തിന്റെ ലക്ഷണമാണ്. ചിലപ്പോള്‍ കാറോടിക്കാന്‍ കഴിയാത്ത വിധം പോലും ദുസഹമായ വേദന തോന്നും.

നട്ടെല്ലിന് അമിതഭാരം വരുന്നതാണ് റെഡ് ഷോള്‍ഡറിന്റെ പ്രധാന ലക്ഷണം. ലാപ്‌ടോപ്പ് മുതുകില്‍ തൂക്കിയിട്ടുള്ള നടപ്പും ബൈക്കിലുളള യാത്രയും റെഡ് ഷോള്‍ഡറിന് കാരണമാകുന്നു. ദീര്‍ഘനേരം കമ്പ്യൂട്ടറിന് മുന്നിലുള്ള ഇരിപ്പും പലരിലും പതിവാണ്. ഇരിക്കുമ്പോള്‍ നിവര്‍ന്നിരിക്കാത്തതും ജോലിയിലെ സമ്മര്‍ദവും റെഡ് ഷോള്‍ഡറിനുള്ള കാരണങ്ങള്‍ തന്നെയാണ്.

വന്നു കഴിഞ്ഞാല്‍ പൂര്‍ണമായും മാറില്ല എന്നത് തന്നെയാണ് ഈ പ്രശ്‌നത്തെ ഗുരുതരമാക്കുന്നത്. ഷെഡ് ഷോള്‍ഡറിന് പ്രത്യേകിച്ചൊരു ചികിത്സയില്ല. യോഗ ഒരു പരിധി വരെ ആശ്വാസം നല്‍കും. ചുമലിനുള്ള വ്യായാമങ്ങള്‍ ചെയ്യുന്നതും നല്ലതാണ്. ബൈക്കില്‍ സഞ്ചരിക്കുമ്പോള്‍ ലാപ്‌ടോപ്പ് ബാഗ് പുറത്തിടുന്നത് ഒഴിവാക്കുക.

Disclaimer: ഈ ലേഖനത്തില്‍ പരാമര്‍ശിച്ചിരിക്കുന്ന വിവരങ്ങള്‍ പൊതുവായ വിവരങ്ങള്‍ക്കും വിദ്യാഭ്യാസപരമായ ആവശ്യങ്ങള്‍ക്കും വേണ്ടി മാത്രമുള്ളതാണ്. പ്രൊഫഷണല്‍ അഭിപ്രായങ്ങളോ, രോഗനിര്‍ണയം, ചികിത്സ എന്നിവ ഉദ്ദേശിച്ചുള്ളതോ അല്ല. ആരോഗ്യ സംബന്ധമായ പ്രശ്‌നങ്ങള്‍ക്ക് എപ്പോഴും ഡോക്ടറേയോ ആരോഗ്യവിദഗ്ധരേയോ സമീപിക്കേണ്ടതാണ്.