മദ്യത്തിനൊപ്പം വറുത്ത സാധനങ്ങള്‍ നന്നല്ല

Published: Saturday, November 26, 2011, 15:37 [IST]

മദ്യപിക്കുന്നതിന്റെ കൂടെ ഭക്ഷണം കഴിയ്ക്കുന്നതും മിക്കവാറും പേരുടെ പതിവാണ്. ഇറച്ചിയാണെങ്കിലും സ്‌നാക്‌സാണെങ്കിലും വറുത്ത സാധനങ്ങളായിരിക്കും മിക്കവാറും ഈ ഗണത്തില്‍ പെടാറ്. എന്നാല്‍ മദ്യത്തിന്റെ കൂടെ ഇത്തരം സാധനങ്ങള്‍ ആരോഗ്യത്തിനുണ്ടാക്കുന്ന ദോഷങ്ങള്‍ ചില്ലറയല്ല.

മദ്യം തന്നെ ആരോഗ്യത്തിന് കേടാണ്. അതിന്റെ കൂടെയുള്ള മസാല ഭക്ഷണങ്ങള്‍ ദഹനവ്യവസ്ഥയെ തകരാറിലാക്കുന്നുണ്ട്. ഇതു മനസില്‍ വച്ച് മദ്യത്തിന്റെ കൂടെ ആരോഗ്യകരമായ ഭക്ഷണങ്ങള്‍ തെരഞ്ഞെടുക്കാം.

ഗാര്‍ലിക് ബ്രഡ്, സാന്റ്‌വിച്ച് എന്നിവ മദ്യത്തിന്റെ കൂടെ കഴിയ്ക്കാം. കുറഞ്ഞ കൊഴുപ്പുള്ള ബട്ടറായിരിക്കണം ഇവ ഉണ്ടാക്കാന്‍ ഉപയോഗിക്കേണ്ടത്. മസാലകള്‍ അടങ്ങിയിട്ടില്ല എന്നതു കൊണ്ടു തന്നെ ഇവ വയറിനും പ്രശ്‌നങ്ങളുണ്ടാക്കുന്നില്ല.

പച്ചക്കറികള്‍ വേവിക്കാതെയും അല്‍പം എണ്ണയും കുരുമുളകു പൊടിയുമുപയോഗിച്ച് അല്‍പസമയം വേവിച്ചും കഴിയ്ക്കാം. ഇത് ശരീരത്തിന് ധാരാളം പോഷകങ്ങള്‍ നല്‍കും.

മദ്യപിച്ചു കഴിഞ്ഞാല്‍, പ്രത്യേകിച്ചും ഹോട്ടലിലാണെങ്കില്‍ കുല്‍ച്ച, നാന്‍ തുടങ്ങിയ ഭക്ഷണങ്ങളാണ് മിക്കവരും കഴിയ്ക്കാറ്. ഇതിന് പകരം ആവിയില്‍ വേവിച്ച ഭക്ഷണം ഉപയോഗിക്കാം. ഇവ ദഹിക്കുവാന്‍ വളരെ എളുപ്പമാണ്.

പലതരം പഴവര്‍ഗങ്ങള്‍ മുറിച്ച് അതില്‍ അല്‍പം ഉപ്പും കുരുമുളകും ഇട്ട് ഉപയോഗിക്കാം. ഒരു പ്രത്യേക രുചിയും ലഭിക്കും. ആരോഗ്യത്തിനും നല്ലതാണ്.

പച്ചക്കറികള്‍ ഇട്ടു വേവിച്ച പുലാവ് പോഷകഗുണങ്ങളടങ്ങിയ നല്ലൊരു ഭക്ഷണമാണ്.

Disclaimer: ഈ ലേഖനത്തില്‍ പരാമര്‍ശിച്ചിരിക്കുന്ന വിവരങ്ങള്‍ പൊതുവായ വിവരങ്ങള്‍ക്കും വിദ്യാഭ്യാസപരമായ ആവശ്യങ്ങള്‍ക്കും വേണ്ടി മാത്രമുള്ളതാണ്. പ്രൊഫഷണല്‍ അഭിപ്രായങ്ങളോ, രോഗനിര്‍ണയം, ചികിത്സ എന്നിവ ഉദ്ദേശിച്ചുള്ളതോ അല്ല. ആരോഗ്യ സംബന്ധമായ പ്രശ്‌നങ്ങള്‍ക്ക് എപ്പോഴും ഡോക്ടറേയോ ആരോഗ്യവിദഗ്ധരേയോ സമീപിക്കേണ്ടതാണ്.