വറുത്ത ഭക്ഷണം ഒഴിവാക്കി ആരോഗ്യം കാക്കൂ

വൈകീട്ട് ചായക്കൊപ്പം വേണമെങ്കില്‍ രണ്ടു പഴമാകാം. പഴത്തില്‍ വൈറ്റമിന്‍ ബി 6, വൈറ്റമിന്‍ സി എന്നിവ അടങ്ങിയിട്ടുണ്ട്. ഊര്‍ജം നല്‍കാന്‍ മാത്രമല്ലാ, ബിപി നിയന്ത്രിക്കാനും ഇത് സഹായമാണ്. പഴം വിശപ്പു മാറ്റുകയും ചെയ്യും.

ബ്രൗണ്‍ ബ്രഡു കൊണ്ടുണ്ടാക്കിയ സാന്‍ഡ്‌വിച്ച് വൈകീട്ടു കഴിയ്ക്കാവുന്ന നല്ലൊരു സ്‌നാക്കാണ്. കൊഴുപ്പു കുറഞ്ഞ ബട്ടറും ലെറ്റൂസ്, കാരറ്റ്, കുക്കുമ്പര്‍, തക്കാളി തുടങ്ങിയ പച്ചക്കറികളും ഇതിനുള്ളില്‍ വച്ച് പോഷകവും സ്വാദും കൂട്ടാം. വേണമെന്നുള്ളവര്‍ക്ക് കൊഴുപ്പു കുറഞ്ഞ ഇറച്ചിയും ഉപയോഗിക്കാം.

വൈകീട്ട് ചായയും കാപ്പിയും നിര്‍ബന്ധമില്ലാത്തവര്‍ക്ക് തൈരിന്റെ വകഭേദമായ യോഗര്‍ട്ടും ഉപയോഗിക്കാം. യോഗര്‍ട്ട് ദഹിക്കുവാന്‍ വളരെ എളുപ്പമാണ്. പാല്‍ ഇഷ്ടമില്ലാത്തവര്‍ക്ക് പറ്റിയ ഒരു ഭക്ഷണസാധനമാണിത്. കുടലില്‍ അണുബാധയുണ്ടാകാതിരിക്കാന്‍ ഏറ്റവും പറ്റിയ ഒന്നാണ് യോഗര്‍ട്ട്. ഇതില്‍ ധാരാളം കാല്‍സ്യവും അടങ്ങിയിട്ടുണ്ട്. വിവിധ തരം സ്വാദുകളില്‍ യോഗര്‍ട്ട് ലഭിക്കും.

പാലില്‍ പഴവര്‍ഗങ്ങള്‍ അടിച്ചുചേര്‍ത്തുണ്ടാക്കുന്ന സ്മൂത്തീസും വെകീട്ട് കഴിയ്ക്കാം. പഴം, മുന്തിരി, സ്‌ട്രോബെറി, ആപ്പിള്‍ തുടങ്ങിയ പഴങ്ങള്‍ ഉപയോഗിച്ച് സ്മൂത്തീസ് ഉണ്ടാക്കാം. പഴവര്‍ഗങ്ങള്‍ ചേര്‍ത്തിരിക്കുന്നത് കൊണ്ട് ഇതില്‍ വീണ്ടും പഞ്ചസാര ചേര്‍ക്കേണ്ട ആവശ്യമില്ല. പാലിന്റെയും പഴങ്ങളുടേയും ഗുണങ്ങള്‍ ഒരുമിച്ചു ചേര്‍ന്നതാണിത്. പ്രമേഹം, ബിപി എന്നിവ നിയന്ത്രിക്കുവാന്‍ ഇത് നല്ലതാണ്.

ആരോഗ്യം, ഭക്ഷണം, ശരീരം, ശരീരഭാരം, വൈറ്റമിന്‍ സി, വൈറ്റമിന്‍ ബി 6, പച്ചക്കറി, യോഗര്‍ട്ട്, സ്മൂത്തീസ്, സാന്‍ഡ്‌വിച്ച്

Disclaimer: ഈ ലേഖനത്തില്‍ പരാമര്‍ശിച്ചിരിക്കുന്ന വിവരങ്ങള്‍ പൊതുവായ വിവരങ്ങള്‍ക്കും വിദ്യാഭ്യാസപരമായ ആവശ്യങ്ങള്‍ക്കും വേണ്ടി മാത്രമുള്ളതാണ്. പ്രൊഫഷണല്‍ അഭിപ്രായങ്ങളോ, രോഗനിര്‍ണയം, ചികിത്സ എന്നിവ ഉദ്ദേശിച്ചുള്ളതോ അല്ല. ആരോഗ്യ സംബന്ധമായ പ്രശ്‌നങ്ങള്‍ക്ക് എപ്പോഴും ഡോക്ടറേയോ ആരോഗ്യവിദഗ്ധരേയോ സമീപിക്കേണ്ടതാണ്.