ഉലുവയിലയില്‍ പോഷകങ്ങള്‍ നിറയെ

ഉലുവയില നല്ലൊരു ഇലക്കറിയുടെ എല്ലാ പോഷകങ്ങളും നല്‍കുന്നു. ചീരയുടെ പോലെ ഉലുവയും കറി വയ്ക്കാന്‍ സാധിക്കും. ഉലുവയില ഉണക്കിയതാണ് കസൂരിമേത്തി എന്നറിയപ്പെടുന്നത്. കറികളുടെ രുചി കൂട്ടാന്‍ കസൂരിമേത്തി ചേര്‍ക്കാറുണ്ട്.

ഉലുവയിലും ഇലയിലും ധാരാളം ഇരുമ്പ് അടങ്ങിയിട്ടുണ്ട്. വിളര്‍ച്ച അകറ്റാനും ഹീമോഗ്ലോബിന്‍ കൂടാനും ഉലുവ കഴിക്കാന്‍ ഡോക്ടര്‍മാര്‍ നിര്‍ദേശിക്കാറുണ്ട്.

രക്തത്തിലെ ഇന്‍സുലിന്റെ അളവ് നിയന്ത്രിക്കാന്‍ ഉലുവയിലയുടെ നീര് നല്ലതാണ്. പ്രമേഹരോഗികള്‍ക്ക് പാവയ്ക്കാ നീര് നല്‍കുന്ന പ്രയോജനം തന്നെയാണ് ഉലുവയിലയുടെ നീരു കൊണ്ടും ലഭിക്കുന്നത്.

ഉലുവയിലയില്‍ വൈററമിന്‍ കെ അടങ്ങിയിട്ടുണ്ട്. പ്രോട്ടീന്‍, നിക്ടോട്ടിനിക് ആസിഡ് എന്നിവയുടെ ഇതിലുണ്ട്. ഇവ മുടി വളരാന്‍ സഹായിക്കുന്നു.

കയ്പുളളതു കൊണ്ടാണ് പലരും ഉലുവായില അധികം ഇഷ്ടപ്പെടാത്തത്. അല്‍പനേരം ഉപ്പു വെള്ളത്തിലിട്ടാല്‍ ഇവയുടെ കയ്പ് കുറഞ്ഞുകിട്ടും. പരിപ്പ്, ഉരുളക്കിഴങ്ങ് തുടങ്ങിയവയുടെ കൂടെ പാചകം ചെയ്താല്‍ കയ്പുസ്വാദ് അധികം അറിയില്ല.

Disclaimer: ഈ ലേഖനത്തില്‍ പരാമര്‍ശിച്ചിരിക്കുന്ന വിവരങ്ങള്‍ പൊതുവായ വിവരങ്ങള്‍ക്കും വിദ്യാഭ്യാസപരമായ ആവശ്യങ്ങള്‍ക്കും വേണ്ടി മാത്രമുള്ളതാണ്. പ്രൊഫഷണല്‍ അഭിപ്രായങ്ങളോ, രോഗനിര്‍ണയം, ചികിത്സ എന്നിവ ഉദ്ദേശിച്ചുള്ളതോ അല്ല. ആരോഗ്യ സംബന്ധമായ പ്രശ്‌നങ്ങള്‍ക്ക് എപ്പോഴും ഡോക്ടറേയോ ആരോഗ്യവിദഗ്ധരേയോ സമീപിക്കേണ്ടതാണ്.