ആര്യവേപ്പിന് ഔഷധഗുണങ്ങള്‍ ഏറെ

മുഖക്കുരു, മറ്റു പാടുകള്‍ എന്നിവ മാറ്റാന്‍ ആര്യവേപ്പിന്റെ നീര് വളരെ നല്ലതാണ്. നിറം വര്‍ദ്ധിപ്പിക്കാനും ആര്യവേപ്പ് നല്ലതാണ്. ചിക്കന്‍പോക്‌സിന്റെ പാടുകള്‍ മാറുവാനും ഇത് നല്ലതാണ്.

കണ്ണില്‍ ആര്യവേപ്പ് നീര് ഒഴിച്ചാല്‍ കണ്ണു ചുവക്കുന്ന കണ്‍ജങ്റ്റിവൈറ്റിസ് (ചെങ്കണ്ണ്) എന്ന രോഗം മാറും. കണ്ണിന്റെ കാഴ്ച വര്‍ദ്ധിപ്പിക്കാനും ഇത് നല്ലതാണ്.

ആര്യവേപ്പിന്റെ ഔഷധഗുണങ്ങളില്‍ പ്രധാനം ഇത് പ്രമേഹം കുറയ്ക്കുന്നു എന്നതാണ്. ദിവസവും ആര്യവേപ്പ് നീര് കുടിയ്ക്കുന്നത് രക്തത്തിലെ പഞ്ചസാരയുടെ അളവ് കുറയ്ക്കും. മലേറിയ മാറാനും ഇത് നല്ലതാണ്.

പ്രസവവേദന കുറയ്ക്കുവാന്‍ ആര്യവേപ്പിന്റെ നീര് നല്ലതാണ്. ശരീര വേദന മാറാനും ഇത് നല്ലതുതന്നെ.

ആര്യവേപ്പിന്റെ കയ്പാണ് അതിന്റെ ജ്യൂസ് കുടിയ്ക്കുന്നതിന് പ്രധാന തടസമാകുന്നത. ഇതില്‍ അല്‍പം ഉപ്പ്, കുരുമുളകു പൊടി എന്നിവ ചേര്‍ത്തു കുടിക്കാം. ദുസ്വാദ് കുറഞ്ഞു കിട്ടും. പഞ്ചസാര ചേര്‍ത്താല്‍ ഇതിന്റെ ഔഷധഗുണം നഷ്ടപ്പെടും.

ആര്യവേപ്പ് ജ്യൂസ് ഫ്രിഡ്ജില്‍ വയ്ക്കുകയോ ഐസ് ചേര്‍ത്ത് കഴിക്കുകയോ ചെയ്താല്‍ കയ്പ് കുറയും. എന്നാല്‍ ഉണ്ടാക്കിയയുടനെ കുടിക്കുന്നതാണ് ആരോഗ്യത്തിന് കൂടുതല്‍ നല്ലത്. അരമണിക്കൂറിലധികം ഇത് ഫ്രിഡ്ജില്‍ വയ്ക്കരുത്.

രാവിലെ വെറുംവയറില്‍ ആര്യവേപ്പ് ജ്യൂസ് കുടിയ്ക്കുന്നത് വളരെ നല്ലതാണ്. ശരീരത്തിലെ എല്ലാ വിഷപദാര്‍ത്ഥങ്ങളേയും നീക്കുകയാണ് അത് ചെയ്യുക. മുടിയുടെ ആരോഗ്യവും ചര്‍മതിളക്കവും വര്‍ദ്ധിക്കുവാന്‍ ഇത് നല്ലതാണ്.

Disclaimer: ഈ ലേഖനത്തില്‍ പരാമര്‍ശിച്ചിരിക്കുന്ന വിവരങ്ങള്‍ പൊതുവായ വിവരങ്ങള്‍ക്കും വിദ്യാഭ്യാസപരമായ ആവശ്യങ്ങള്‍ക്കും വേണ്ടി മാത്രമുള്ളതാണ്. പ്രൊഫഷണല്‍ അഭിപ്രായങ്ങളോ, രോഗനിര്‍ണയം, ചികിത്സ എന്നിവ ഉദ്ദേശിച്ചുള്ളതോ അല്ല. ആരോഗ്യ സംബന്ധമായ പ്രശ്‌നങ്ങള്‍ക്ക് എപ്പോഴും ഡോക്ടറേയോ ആരോഗ്യവിദഗ്ധരേയോ സമീപിക്കേണ്ടതാണ്.