മരുന്നും മദ്യവും ചേരില്ല

അമീബിയാസിസിനുള്ള മരുന്ന് സാധാരണ ഉപയോഗിക്കുന്ന ഒന്നാണ്. മെട്രേനൈസഡോള്‍, നോര്‍ഫ്‌ളോക്‌സാസിന്‍ തുടങ്ങിയ ആന്റിബയോട്ടിക് മരുന്നുകളാണ് സാധാരണ കഴിയ്ക്കാറ്. ഇവ കഴിക്കുന്നവര്‍ മദ്യം ഉപയോഗിച്ചാല്‍ ഇത്തരം മരുന്നുകള്‍ക്കെതിരെ ശരീരം പ്രതിരോധശേഷി നേടും. പിന്നീട് ഇത്തരം മരുന്നുകള്‍ കഴിച്ചാല്‍ ഗുണമുണ്ടാകില്ല.

കുടലിന് ബാക്ടീരിയല്‍ ഇന്‍ഫെക്ഷന്‍ വരുമ്പോഴാണ് കോളിററിസ് അഥവാ കുടല്‍വീക്കമെന്ന് പറയാറ്. ഇത് ദഹനക്കേടുണ്ടാക്കുകയും ചെയ്യും. ഇതിന് സാധാരണ മെബെവേറിന്‍ എച്ച്‌സിഎല്‍ എന്ന മരുന്നാണ് ഉപയോഗിക്കാറ്. ഇതിന്റെ കൂടെ മദ്യമുപയോഗിച്ചാല്‍ മരുന്നിന്റെ ഗുണം ഇല്ലാതാകും. അസുഖം മാറുകയുമില്ല.

ചിലര്‍ അലര്‍ജികള്‍ക്കുള്ള മരുന്നുകള്‍ കഴിയ്ക്കുന്നവരാകും. അലര്‍ജി മരുന്നുകളില്‍ സെറ്റിറൈസിന്‍, ഫെനിറാമൈന്‍ സെലേറ്റ് തുടങ്ങിയവയാണ് സാധാരണ അടങ്ങിയിട്ടുള്ളത്. ഇത്തരം പദാര്‍ത്ഥങ്ങള്‍ മദ്യവുമായി കൂടിച്ചേര്‍ന്നാല്‍ വേണ്ട പ്രയോജനം തന്നില്ലെന്ന് വരും.

ചിലര്‍ ടെന്‍ഷന്‍ അകറ്റാനായും ഉറങ്ങുവാനായും മരുന്നുകള്‍ കഴിയ്ക്കുന്നവരാകും. ഇവയില്‍ ബെന്‍സോഡയാസ്‌ഫൈനാണ് അടങ്ങിയിരിക്കുക. ഇവ കഴിയ്ക്കുമ്പോള്‍ മദ്യം കഴിച്ചാല്‍ വിഷത്തിന്റെ ഫലമാണ് ഉണ്ടാക്കുന്നത്. ഇത്തരം മരുന്നുകള്‍ കഴിയ്ക്കുമ്പോള്‍ മദ്യപിക്കുന്നത് നല്ലതല്ല. ഏതെങ്കിലും ഒന്ന് ഉപേക്ഷിക്കുന്നതായിരിക്കും ആരോഗ്യത്തിന് നല്ലത്.

മരുന്നുകല്‍ നിര്‍ദേശിക്കുമ്പോള്‍ മദ്യപിക്കുന്ന ശീലമുണ്ടെങ്കില്‍ ഡോക്ടറോട് ഉപദേശം തേടുന്നത് ഉചിതമായിരിക്കും.

Disclaimer: ഈ ലേഖനത്തില്‍ പരാമര്‍ശിച്ചിരിക്കുന്ന വിവരങ്ങള്‍ പൊതുവായ വിവരങ്ങള്‍ക്കും വിദ്യാഭ്യാസപരമായ ആവശ്യങ്ങള്‍ക്കും വേണ്ടി മാത്രമുള്ളതാണ്. പ്രൊഫഷണല്‍ അഭിപ്രായങ്ങളോ, രോഗനിര്‍ണയം, ചികിത്സ എന്നിവ ഉദ്ദേശിച്ചുള്ളതോ അല്ല. ആരോഗ്യ സംബന്ധമായ പ്രശ്‌നങ്ങള്‍ക്ക് എപ്പോഴും ഡോക്ടറേയോ ആരോഗ്യവിദഗ്ധരേയോ സമീപിക്കേണ്ടതാണ്.