ദഹനക്കേട് വരാതിരിക്കാന്‍ പൈനാപ്പിള്‍ ജ്യൂസ്

Health

oi-Saritha

By Veena

Published: Saturday, December 3, 2011, 14:21 [IST]

ദഹനക്കേട് കുട്ടികള്‍ക്കും മുതിര്‍ന്നവര്‍ക്കും എപ്പോള്‍ വേണമെങ്കിലും വരാവുന്ന അസുഖമാണ്. വയറിളക്കം ഛര്‍ദിയും ഇതിന്റെ ഫലമായി ഉണ്ടാകും. ഇടയ്ക്കിടെയുള്ള ദഹനക്കേട് വയറില്‍ അള്‍സര്‍, അണുബാധ, ഗോള്‍ ബ്ലാഡര്‍ സ്‌റ്റോണ്‍ എന്നിവയ്ക്ക് ഇടയാക്കും.

മരുന്നുകള്‍ കഴിക്കുന്നതിന് മുന്‍പ് ദഹനക്കേട് മാറ്റാന്‍ ചെയ്യാവുന്ന ചില പൊടിക്കൈകളുണ്ട്. നൂറു ശതമാനവും പ്രകൃതിദത്തമായതു കൊണ്ട് ഇവയ്ക്ക് പാര്‍ശ്വഫലങ്ങള്‍ പേടിയ്ക്കുകയും വേണ്ട.

ദഹനക്കേട് ഇടയ്ക്കിടെ വരുന്നവര്‍ ദിവസവും രാവിലെ ഒരു ഗ്ലാസ് പൈനാപ്പിള്‍ ജ്യൂസ് കുടിയ്ക്കുന്നത് നല്ലതാണ്്. ഇത് ഭക്ഷണം എളുപ്പത്തില്‍ ദഹിപ്പിക്കും.

ഒരു സ്പൂണ്‍ നാരങ്ങാനീര്, ഒരു സ്പൂണ്‍ തേന്‍, ഒരു സ്പൂണ്‍ അരച്ച ഇഞ്ചി എന്നിവ ഒരു ഗ്ലാസ് വെള്ളത്തില്‍ കലക്കി ദിവസവും കുടിക്കുക.

മല്ലിവെള്ളവും സംഭാവും ചേര്‍ത്ത് കഴിച്ചാലും ദഹനം നല്ലപോലെ നടക്കും.

ഒരോ ഭക്ഷണത്തിനു ശേഷവും ഒരു നെല്ലിക്ക കഴിയ്ക്കുന്നത് ദഹനത്തെ സഹായിക്കും. ആരോഗ്യത്തിനും പല്ലിനും ഇത് നല്ലതാണ്.

ഭക്ഷണശേഷം ഓറഞ്ച് ജ്യൂസ് കഴിക്കുന്നതും ദഹനക്കേടിനുള്ള പരിഹാരമാണ്.

ഭക്ഷണം നല്ലപോലെ ചവച്ചരച്ചു കഴിക്കുക, ഉറങ്ങുന്നതിന് തൊട്ടുമുന്‍പ് ഭക്ഷണം കഴിയ്ക്കാതിരിക്കുക, ലഘുവായി അത്താഴം കഴിയ്ക്കുക എന്നിവയും ദഹനക്കേട് വരാതിരിക്കുവാന്‍ സഹായിക്കും.

Disclaimer: ഈ ലേഖനത്തില്‍ പരാമര്‍ശിച്ചിരിക്കുന്ന വിവരങ്ങള്‍ പൊതുവായ വിവരങ്ങള്‍ക്കും വിദ്യാഭ്യാസപരമായ ആവശ്യങ്ങള്‍ക്കും വേണ്ടി മാത്രമുള്ളതാണ്. പ്രൊഫഷണല്‍ അഭിപ്രായങ്ങളോ, രോഗനിര്‍ണയം, ചികിത്സ എന്നിവ ഉദ്ദേശിച്ചുള്ളതോ അല്ല. ആരോഗ്യ സംബന്ധമായ പ്രശ്‌നങ്ങള്‍ക്ക് എപ്പോഴും ഡോക്ടറേയോ ആരോഗ്യവിദഗ്ധരേയോ സമീപിക്കേണ്ടതാണ്.