വയറു നിറയാന്‍ ആപ്പിളും പഴവും

വയറു നിറഞ്ഞാല്‍ ആര്‍ത്തിയൊക്കെ മിക്കവാറും പമ്പ കടക്കും. ഇതിനു പറ്റിയ നല്ലൊരു വഴിയാണ് ആപ്പിള്‍ കഴിക്കുന്നത്. ഇതിലെ ഫൈബര്‍ വയറു നിറഞ്ഞ പ്രതീതിയുണ്ടാക്കുകയും ചെയ്യും. ഇവ കടിച്ചു ചവയ്ക്കാനും കൂടുതല്‍ സമയം വേണം. ആപ്പിള്‍ വണ്ണം കുറയ്ക്കാനും നല്ലതാണ്.

പച്ചക്കറികള്‍, ഇലക്കറികള്‍ എന്നിവ വേവിച്ചു കഴിക്കുന്നത് വിശപ്പു കുറയാനും ഭക്ഷണം മതിയെന്ന തോന്നലുണ്ടാക്കാനും സഹായിക്കും. ശരീരത്തിന് ആവശ്യമായ ധാരാളം പോഷകങ്ങള്‍ പച്ചക്കറി വഴി ലഭിക്കും. ഒരു ബൗള്‍ വെജിറ്റബിള്‍ സൂപ്പ് വിശപ്പ് ഒരുവിധം ശമിപ്പിക്കും.

ദിവസവും ഏത്തപ്പഴമോ ചെറുപഴമോ റോബസ്റ്റ് പോലുള്ള പഴങ്ങളോ കഴിച്ചു നോക്കൂ. ഇവ ഒന്നോ രണ്ടോ കഴിച്ചാല്‍ മതി. വിശപ്പ് നല്ലപോലെ കുറയും. വിശന്നു പൊരിഞ്ഞു വരുന്ന നേരത്ത് പഴം കഴിച്ചാല്‍ വിശപ്പിന് ഒരുവിധം ശമനമുണ്ടാകും. ബനാന പുഡിംഗ് അധികം മധുരം ചേര്‍ക്കാതെ ഉണ്ടാക്കിയും കഴിക്കാം. ഏത്തപ്പഴമാണ് കഴിക്കുന്നതെങ്കില്‍ ദിവസം രണ്ടില്‍ കൂടുതല്‍ വേണ്ട. ഇത് ശരീരഭാരം കൂട്ടും.

ബദാം, പിസ്ത എന്നിവ കഴിക്കുന്നതും വിശപ്പു മാറുകയും ഭക്ഷണത്തോടുള്ള ആര്‍ത്തി കുറയ്ക്കുകയും ചെയ്യും. ഇവയിലെ പോഷകങ്ങള്‍ ശരീരത്തിന് നല്ലതുമാണ്. വിശപ്പു മാറുന്നതിനുള്ള ഹോര്‍മോണുകളെ ഇവ ഉല്‍പാദിപ്പിക്കുന്നുണ്ട്.

ആനയെ പിടിച്ചു വിഴുങ്ങാനുള്ള വിശപ്പുണ്ടെങ്കിലും ഇത്തരം മാര്‍ഗങ്ങള്‍ പരീക്ഷിച്ചു നോക്കൂ. ശരീരഭാരം കൂടാതെ തന്നെ വിശപ്പു മാറിക്കിട്ടും.

Disclaimer: ഈ ലേഖനത്തില്‍ പരാമര്‍ശിച്ചിരിക്കുന്ന വിവരങ്ങള്‍ പൊതുവായ വിവരങ്ങള്‍ക്കും വിദ്യാഭ്യാസപരമായ ആവശ്യങ്ങള്‍ക്കും വേണ്ടി മാത്രമുള്ളതാണ്. പ്രൊഫഷണല്‍ അഭിപ്രായങ്ങളോ, രോഗനിര്‍ണയം, ചികിത്സ എന്നിവ ഉദ്ദേശിച്ചുള്ളതോ അല്ല. ആരോഗ്യ സംബന്ധമായ പ്രശ്‌നങ്ങള്‍ക്ക് എപ്പോഴും ഡോക്ടറേയോ ആരോഗ്യവിദഗ്ധരേയോ സമീപിക്കേണ്ടതാണ്.