പഞ്ചസാരയ്ക്കു പകരം തേന്‍ ചേര്‍ക്കൂ

തേന്‍ ശരീരത്തിന് ഊര്‍ജം പകരുകയാണ് ചെയ്യുന്നത്. പഞ്ചസാരയിലുള്ളതിനേക്കാള്‍ 50 ശതമാനം കൂടുതല്‍ഊര്‍ജം തേനില്‍ നിന്ന് ലഭിക്കും. നാരങ്ങാവെള്ളത്തില്‍ പഞ്ചസാരയ്ക്കു പകരം തേന്‍ ചേര്‍ത്തു നോക്കൂ, നല്ല ഉന്മേഷം അനുഭവപ്പെടും. നല്ല സ്വാദു മാത്രമല്ലാ, ആരോഗ്യവും ഇതുകൊണ്ട് ലഭിയ്ക്കും.

പഴവര്‍ഗങ്ങളില്‍ അടങ്ങിയിരിക്കുന്ന ഫ്രക്ടോസ് എന്ന മധുരമാണ് തേനില്‍ അടങ്ങിയിട്ടുള്ളത്. ഇത് പ്രമേഹസാധ്യത കുറയ്ക്കുന്നു. ഫ്രക്ടോസ് നല്ല പഞ്ചസാര എന്നാണ് അറിയപ്പെടുന്നത്.

തേന്‍ മധുരം തരിക മാത്രമല്ലാ ചെയ്യുന്നത്. വൈറ്റമിന്‍ സി, അയേണ്‍, കാല്‍സ്യം തുടങ്ങിയവ തേനില്‍ അടങ്ങിയിട്ടുണ്ട്. പഞ്ചസാരയില്‍ ഇവയൊന്നും ഇല്ലെന്നു പറയാം.

ജലദോഷത്തിനും ചുമയ്ക്കും പറ്റിയ നല്ലൊരു മരുന്നു കൂടിയാണ് തേന്‍. നാരങ്ങാനീരും ഇഞ്ചിനീരും തേനും ചേര്‍ത്താല്‍ നല്ലൊന്നാന്തരം നാട്ടുമരുന്നായി.

കൊഴുപ്പ് കത്തിച്ചു കളയാല്‍ തേന്‍ സഹായിക്കുന്നുണ്ട്. രാവിലെ വെറുംവയറ്റില്‍ ചെറുചൂടുവെള്ളത്തില്‍ തേന്‍ ചേര്‍ത്തു കുടിച്ചാല്‍ തടി കുറയും. മലബന്ധം അകറ്റുവാനും ഇത് നല്ലതാണ്.

ഇതിനെല്ലാമുപരിയായി ദഹിക്കാന്‍ എളുപ്പമുള്ള ഒരു ഭക്ഷ്യപദാര്‍ത്ഥം കൂടിയാണ് തേന്‍.

സൗന്ദര്യസംരക്ഷണത്തിന് തേനിന്റെ സ്ഥാനം എടുത്തുപറയണം. ചര്‍മത്തിന് തിളക്കവും മൃദുത്വവും നല്‍കാന്‍ തേന്‍ സഹായിക്കും. ഇത് മുടിയില്‍ തേക്കുവാന്‍ പറ്റിയ നല്ല ഒരു കണ്ടീഷണര്‍ കൂടിയാണ്.

Disclaimer: ഈ ലേഖനത്തില്‍ പരാമര്‍ശിച്ചിരിക്കുന്ന വിവരങ്ങള്‍ പൊതുവായ വിവരങ്ങള്‍ക്കും വിദ്യാഭ്യാസപരമായ ആവശ്യങ്ങള്‍ക്കും വേണ്ടി മാത്രമുള്ളതാണ്. പ്രൊഫഷണല്‍ അഭിപ്രായങ്ങളോ, രോഗനിര്‍ണയം, ചികിത്സ എന്നിവ ഉദ്ദേശിച്ചുള്ളതോ അല്ല. ആരോഗ്യ സംബന്ധമായ പ്രശ്‌നങ്ങള്‍ക്ക് എപ്പോഴും ഡോക്ടറേയോ ആരോഗ്യവിദഗ്ധരേയോ സമീപിക്കേണ്ടതാണ്.