ക്യാന്‍സര്‍ ചികിത്സയ്ക്ക് ഹൈബിസ്‌കസ് ടീ

യാതൊരു വിധ രാസവസ്തുക്കളും അടങ്ങാത്തതു കൊണ്ട് ചെമ്പരത്തി ചായ തികച്ചും പ്രകൃതിദത്തമാണെന്ന് പറയാം. ബിപി കുറയ്ക്കാന്‍ ഇത് ഫലപ്രദമാണെന്ന് തെളിഞ്ഞിട്ടുണ്ട്. സിസ്റ്റോളിക് മര്‍ദം കുറച്ചാണ് ഹൈബിസ്‌കസ് ടീ രക്തസമ്മര്‍ദം കുറയ്ക്കുന്നത്. ബ്ലഡ് പ്രഷര്‍ മാത്രമല്ലാ, കൊളസ്‌ട്രോളും അത് കുറയ്ക്കുന്നുണ്ട്. ഹൈപ്പര്‍ ടെന്‍ഷനുള്ള ഹെര്‍ബല്‍ തെറാപ്പിയില്‍ ചെമ്പരത്തി ഉള്‍പ്പെടുത്തിയിട്ടുണ്ട്.

ഹൈബിസ്‌കസ് ടീ ശരീരം കാര്‍ബോഹൈഡ്രേറ്റിന്റെ ആഗിരണം മിതമാക്കുന്നു. അങ്ങനെ കൊഴുപ്പും കുറയ്ക്കുന്നു. അങ്ങനെ വണ്ണം കുറയുകയും ചെയ്യുന്നു.

സൗന്ദര്യസംരക്ഷണത്തില്‍ ഹൈബിസ്‌ക്‌സ് ടീ സഹായിക്കുന്നു. ഇതിലടങ്ങിയിരിക്കുന്ന ആന്റി ഓക്‌സിഡന്റ് ചര്‍മപ്രായം കുറയ്ക്കുവാന്‍ സഹായിക്കും. ആന്റി ഓക്‌സിഡന്റുകള്‍ ശരീരത്തിലെ ടോക്‌സിനുകള്‍ പുറന്തള്ളാനും സഹായിക്കും.

ക്യാന്‍സര്‍ വരാതിരിക്കുവാനും ക്യാന്‍സര്‍ ചികിത്സയ്ക്കും ഹൈബിസ്‌കസ് ടീ നല്ലതാണ്. ക്യാന്‍സര്‍ രോഗികളോട് ദിവസം ഒന്നോ രണ്ടോ തവണ ഹൈബിസ്‌കസ് ചായ കുടിയ്ക്കുവാന്‍ പറയാറുണ്ട്.

ചുമ, ജലദോഷം എന്നിവയ്ക്കുള്ള നല്ലൊരു മരുന്നാണ് ഹൈബിസ്‌കസ് ടീ.

ഇതു കൂടാതെ ആയുര്‍വേദ, ചൈനീസ് ചികിത്സാരീതികള്‍ പ്രകാരം കരള്‍ രോഗങ്ങള്‍ക്കുള്ള പ്രതിവിധി കൂടിയാണ് ചെമ്പരത്തി. മഞ്ഞപ്പിത്തം, ലിവര്‍ സിറോസിസ് തുടങ്ങിയ രോഗങ്ങളുള്ളവര്‍ ചെമ്പരത്തി ചായ കുടിയ്ക്കുന്നത് നല്ലതാണ്.

നിങ്ങളുടെ മൂഡു മാറ്റാനും ഒരു കപ്പ് ഹൈബിസ്‌കസ് ടീക്കു കഴിയും എന്നാണ് പറയുന്നത്. ഇത് നാഡീവ്യവസ്ഥയെ ഉദ്ദീപിപ്പിക്കുകയും സന്തോഷം നല്‍കുകയും ചെയ്യും.

Disclaimer: ഈ ലേഖനത്തില്‍ പരാമര്‍ശിച്ചിരിക്കുന്ന വിവരങ്ങള്‍ പൊതുവായ വിവരങ്ങള്‍ക്കും വിദ്യാഭ്യാസപരമായ ആവശ്യങ്ങള്‍ക്കും വേണ്ടി മാത്രമുള്ളതാണ്. പ്രൊഫഷണല്‍ അഭിപ്രായങ്ങളോ, രോഗനിര്‍ണയം, ചികിത്സ എന്നിവ ഉദ്ദേശിച്ചുള്ളതോ അല്ല. ആരോഗ്യ സംബന്ധമായ പ്രശ്‌നങ്ങള്‍ക്ക് എപ്പോഴും ഡോക്ടറേയോ ആരോഗ്യവിദഗ്ധരേയോ സമീപിക്കേണ്ടതാണ്.