മുടി വളരാന്‍ ഭക്ഷണം പ്രധാനം

Published: Tuesday, March 27, 2012, 12:15 [IST]

മുടിവളര്‍ച്ചക്കു സഹായിക്കുന്നത് നമ്മുടെ ശരീരത്തില്‍ തന്നെ ഉല്‍പാദിപ്പിക്കപ്പെടുന്ന സെബം എന്നൊരു കണ്ടീഷണറാണ്. വൈററമിന്‍ എ, സി തുടങ്ങിയവ സെബത്തിന്റെ ഉല്‍പാദനത്തിന് സഹായിക്കും. ബ്രൊക്കോളി, ചീര തുടങ്ങിയവ ഈ പോഷകങ്ങളാല്‍ സമൃദ്ധമാണ്.

മുടി കട്ടികുറയുന്നതും പൊഴിഞ്ഞുപോകുന്നതു തടയുന്നത് സിങ്ക്, ബയോട്ടിന്‍ തുടങ്ങിയവയാണ്. പരിപ്പുവര്‍ഗങ്ങളിലും രാജ്മ എന്നറിയപ്പെടുന്ന വന്‍പയറിലും ഇത് ധാരാളമുണ്ട്.

അയേണ്‍, സിങ്ക്, വൈറ്റമിന്‍ ബി-12 എന്നിവ ധാന്യവര്‍ഗങ്ങളിലടങ്ങിയിട്ടുണ്ട്. മുടി വളരുവാന്‍ ഇത് സഹായിക്കുന്നു.

മുടി പൊട്ടിപ്പോകുന്നതും പിളരുന്നതും പ്രോട്ടീനുകള്‍ തടയും. മുട്ട, കോഴിയിറച്ചി എന്നിവയില്‍ ഇവ ധാരാളമുണ്ട്.

വൈറ്റമിന്‍ സി അടങ്ങിയിരിക്കുന്നതു കൊണ്ട് ഓറഞ്ച്, നാരങ്ങ തുടങ്ങിയവയും മുടിവളര്‍ച്ചയെ സഹായിക്കും.

മത്സ്യത്തില്‍ ധാരാളം ഒമേഗ-3 ഫാറ്റി ആസിഡുണ്ട്. ഇല മുടിക്ക് തിളക്കം നല്‍കുകയും മുടിവളര്‍ച്ചയെ സഹായിക്കുകയും ചെയ്യും. കടല്‍വിഭവങ്ങളിലാകട്ടെ, ധാരാളം ഇരുമ്പ് അടങ്ങിയിട്ടുണ്ട്. ഇതും മുടിക്ക് നല്ലതാണ്.

മുടിയുടെ വരള്‍ച്ച ഒഴിവാക്കാന്‍ ധാരാളം വെള്ളം കുടിക്കുകയെന്നതും പ്രധാനമാണ്.

Disclaimer: ഈ ലേഖനത്തില്‍ പരാമര്‍ശിച്ചിരിക്കുന്ന വിവരങ്ങള്‍ പൊതുവായ വിവരങ്ങള്‍ക്കും വിദ്യാഭ്യാസപരമായ ആവശ്യങ്ങള്‍ക്കും വേണ്ടി മാത്രമുള്ളതാണ്. പ്രൊഫഷണല്‍ അഭിപ്രായങ്ങളോ, രോഗനിര്‍ണയം, ചികിത്സ എന്നിവ ഉദ്ദേശിച്ചുള്ളതോ അല്ല. ആരോഗ്യ സംബന്ധമായ പ്രശ്‌നങ്ങള്‍ക്ക് എപ്പോഴും ഡോക്ടറേയോ ആരോഗ്യവിദഗ്ധരേയോ സമീപിക്കേണ്ടതാണ്.