നല്ല കൊളസ്‌ട്രോളിന് പറ്റിയ ഭക്ഷണം

നല്ല കൊളസ്‌ട്രോള്‍ രക്തത്തില്‍ നിന്ന് നേരിട്ട് ശരീരത്തിലേക്ക് ആഗിരണം ചെയ്യപ്പെടും. അല്ലാതെ എല്‍ഡിഎല്‍ കൊളസ്‌ട്രോളിനെ പോലെ രക്തധമനികളില്‍ തടസമുണ്ടാക്കില്ല. നല്ല കൊളസ്‌ട്രോള്‍ ഉല്‍പാദിപ്പിക്കുവാനായി സഹായിക്കുന്ന ഭക്ഷണങ്ങളുമുണ്ട്.

ഓറഞ്ച് ജ്യൂസ് നല്ല കൊളസ്‌ട്രോള്‍ ഉണ്ടാകുവാന്‍ സഹായിക്കുന്നതാണ്. പാക്കറ്റുകളില്‍ കിട്ടുന്ന ഓറഞ്ച് ജ്യൂസല്ലാ, വീട്ടിലുണ്ടാക്കുന്ന ജ്യൂസാണ് ഉപയോഗിക്കേണ്ടത്. സിട്രസ് അടങ്ങിയതു കൊണ്ട് ഇത് നല്ല ആന്റി ഓക്‌സിഡന്റാണ്. രക്തധമനികളെ ശുദ്ധീകരിക്കുവാന്‍ ഇത് സഹായിക്കും.

മീന്‍ നല്ല കൊള്‌സട്രോളിന് സഹായിക്കുന്നു. ഇതില്‍ ധാരാളം ഒമേഗ 3 ഫാറ്റി ആസിഡ് അടങ്ങിയിട്ടുണ്ട്. പ്രത്യേകിച്ചും കടല്‍ മത്സ്യങ്ങളില്‍. ചെമ്മീന്‍, കക്ക തുടങ്ങിയവ ഫാറ്റി ആസിഡ് ധാരാളം അടങ്ങിയവയാണ്. ധാരാളം മാംസമുള്ള മീനുകള്‍ ഒഴിവാക്കുകയാണ് നല്ലത്. ഏതുതരം മത്സ്യമാണെങ്കിലും കറി വച്ചോ ഗ്രില്‍, ബേക്ക് ചെയ്‌തോ കഴിയ്ക്കണം. എണ്ണയില്‍ വറുത്താല്‍ ഇവ ചീത്ത കൊളസ്‌ട്രോളാണ് ഉണ്ടാക്കുക.

അസുഖങ്ങള്‍ക്കും കറികള്‍ക്ക് രുചി കൂട്ടുവാനും മാത്രമല്ലാ, നല്ല കൊളസ്‌ട്രോളിന് പറ്റിയതും കൂടിയാണ് വെളുത്തുള്ളി. ഇത് കൊളസ്‌ട്രോള്‍ ഓക്‌സിഡേഷന്‍ തടയുകയും അങ്ങനെ ഹൃദയധമനികളില്‍ കൊഴുപ്പടിയാനുള്ള സാധ്യത കുറയ്ക്കുകയും ചെയ്യും.

ചോക്കലേറ്റുകള്‍ ഹൃദയാഘാതം തടയുമെന്ന് കേട്ടിട്ടില്ലേ. ഇതില്‍ വാസ്തവമുണ്ട്. ചോക്കലേറ്റുകളില്‍ ചേര്‍ക്കുന്ന കൊക്കോ നല്ല കൊളസ്‌ട്രോള്‍ ഉണ്ടാക്കുന്നു. എന്നാല്‍ മധുരമുള്ള ചോക്കലേററിന് പകരം കയ്പുള്ള ചോക്കലേറ്റ് ഉപയോഗിച്ചാലേ ഈ ഗുണം ലഭിക്കൂ. വീട്ടിലുണ്ടാക്കുന്ന ചോക്കലേറ്റുകള്‍ ഉപയോഗിക്കുന്നതാണ് കൂടുതല്‍ നല്ലത്. മറ്റുള്ളവയില്‍ കൃത്രിമവസ്തുക്കള്‍ ചേര്‍ത്തിട്ടുണ്ടാകും.

ചുവന്ന വൈനും ചീത്ത കൊളസ്‌ട്രോള്‍ കുറയ്ക്കുവാന്‍ നല്ലതാണ്. വൈന്‍ കഴിക്കാത്തവര്‍ മുന്തിരി ജ്യൂസോ മുന്തിരിയോ കഴിച്ചാലും മതി.

Disclaimer: ഈ ലേഖനത്തില്‍ പരാമര്‍ശിച്ചിരിക്കുന്ന വിവരങ്ങള്‍ പൊതുവായ വിവരങ്ങള്‍ക്കും വിദ്യാഭ്യാസപരമായ ആവശ്യങ്ങള്‍ക്കും വേണ്ടി മാത്രമുള്ളതാണ്. പ്രൊഫഷണല്‍ അഭിപ്രായങ്ങളോ, രോഗനിര്‍ണയം, ചികിത്സ എന്നിവ ഉദ്ദേശിച്ചുള്ളതോ അല്ല. ആരോഗ്യ സംബന്ധമായ പ്രശ്‌നങ്ങള്‍ക്ക് എപ്പോഴും ഡോക്ടറേയോ ആരോഗ്യവിദഗ്ധരേയോ സമീപിക്കേണ്ടതാണ്.