വായ്‌നാറ്റമൊഴിവാക്കാന്‍ ചില ഭക്ഷണങ്ങള്‍

വൈറ്റമിന്‍ സി അടങ്ങിയ ഭക്ഷണം വായ്‌നാറ്റം അകറ്റുവാന്‍ നല്ലതാണ്. ഇവ വായ്‌നാറ്റമുണ്ടാക്കുന്ന ബാക്ടീരികളെ തടയുന്നു. വായിലും പല്ലിനുമുണ്ടാകുന്ന രോഗങ്ങള്‍ തടയുവാനും ഇത്തരം ഭക്ഷണങ്ങള്‍ നല്ലതാണ്. ഓറഞ്ച്, നാരങ്ങ, സ്‌ട്രോബെറി തുടങ്ങിയവ വൈറ്റമിന്‍ സി അടങ്ങിയ ചില ഭക്ഷണങ്ങളാണ്. ഭക്ഷണത്തിന് ശേഷം ഒരു കഷ്ണം ചെറുനാരങ്ങ വായിലിട്ടു ചപ്പുന്നത് നല്ലതാണ്. വെളുത്തുള്ളി, സവാള എന്നിവയുടെ മണം അകറ്റാനും ഇത് നല്ലതാണ്.

പേരയില, മല്ലിയില, പുതിനായില തുടങ്ങിയവ മോണരോഗങ്ങള്‍ അകറ്റുകയും വായ്‌നാറ്റം ഒഴിവാക്കുകയും ചെയ്യും.

ഏലയ്ക്ക, ഗ്രാമ്പൂ, അയമോദകം എന്നിവ വായിലിട്ടു ചവയ്ക്കുന്നതും വായ്‌നാറ്റം അകറ്റും. ഇവ ദഹനത്തിനും നല്ലതാണ്.

തൈര് വായ്‌നാറ്റം അകറ്റാന്‍ നല്ലതാണ്. ഇത് വായ്‌നാറ്റമുണ്ടാക്കുന്ന ബാക്ടീരിയകളെ കൊല്ലുകയാണ് ചെയ്യുന്നത്. കൊഴുപ്പു കുറഞ്ഞ, പഞ്ചസാര ചേര്‍ക്കാത്ത തൈര് ഉപയോഗിക്കാം.

F

Disclaimer: ഈ ലേഖനത്തില്‍ പരാമര്‍ശിച്ചിരിക്കുന്ന വിവരങ്ങള്‍ പൊതുവായ വിവരങ്ങള്‍ക്കും വിദ്യാഭ്യാസപരമായ ആവശ്യങ്ങള്‍ക്കും വേണ്ടി മാത്രമുള്ളതാണ്. പ്രൊഫഷണല്‍ അഭിപ്രായങ്ങളോ, രോഗനിര്‍ണയം, ചികിത്സ എന്നിവ ഉദ്ദേശിച്ചുള്ളതോ അല്ല. ആരോഗ്യ സംബന്ധമായ പ്രശ്‌നങ്ങള്‍ക്ക് എപ്പോഴും ഡോക്ടറേയോ ആരോഗ്യവിദഗ്ധരേയോ സമീപിക്കേണ്ടതാണ്.