ഉരുളക്കിഴങ്ങ് തടി കൂട്ടും

Health

oi-Saritha

By Veena

Published: Monday, November 28, 2011, 12:21 [IST]

ഭക്ഷണങ്ങള്‍ തെരഞ്ഞെടുക്കുന്ന കാര്യത്തില്‍ പലര്‍ക്കും ആശയക്കുഴപ്പമുണ്ടാകും. പ്രത്യേകിച്ചും വണ്ണത്തിന്റെ കാര്യത്തില്‍ വേവലാതിപ്പെടുന്നവര്‍. ഈ വേവലാതി അസ്ഥാനത്തല്ല. ചില ഭക്ഷണങ്ങള്‍ പെട്ടെന്ന് തന്നെ ശരീരഭാരം വര്‍ദ്ധിപ്പിക്കുന്നവയാണ്.

തടി കൂട്ടുന്ന കാര്യത്തില്‍ വറവു സാധനങ്ങള്‍ക്ക് ഒന്നാം സ്ഥാനമാണ്. ചിക്കന്‍ ഫ്രൈ, ഫിംഗര്‍ ചിപ്‌സ് എന്നിവ ഇവയില്‍ ഒന്നാമന്മാരാണ്.

ഉരുളക്കിഴങ്ങിന് ഭക്ഷണസാധനങ്ങളുടെ കൂട്ടത്തില്‍ ഒന്നാം സ്ഥാനമുണ്ട്. എന്നാല്‍ ഉരുളക്കിഴങ്ങ് വണ്ണം കൂട്ടുമെന്നാണ് പഠനങ്ങള്‍ തെളിയിച്ചിട്ടുള്ളത്. വറുത്ത ഉരുളക്കിഴങ്ങാകണമെന്നില്ല, ബേക്ക് ചെയ്താലും വേവിച്ചാലും ഉരുളക്കിഴങ്ങ് വണ്ണം കൂട്ടും.

കോളയും സോഡയുമെല്ലാം കുടിയ്ക്കുവാന്‍ നല്ല സുഖമുണ്ടെങ്കിലും വണ്ണം കൂട്ടുന്ന കാര്യത്തില്‍ ഇവരും വില്ലന്മാരാണ്. ഇവയിലെ മധുരമാണ് പ്രശ്‌നമുണ്ടാക്കുന്നത്. വണ്ണം കൂട്ടുക മാത്രമല്ലാ, ഇവ കിഡ്‌നിക്കു വരെ തകരാറുണ്ടാക്കിയേക്കാം.

മധുരപ്രിയരല്ലാത്തവര്‍ ചുരുക്കം. എന്നാല്‍ മധുരമുള്ള ഭക്ഷണസാധനങ്ങള്‍ വണ്ണം കൂട്ടുക മാത്രമല്ലാ, പ്രമേഹം തുടങ്ങിയ രോഗങ്ങള്‍ ഉണ്ടാക്കുകയും ചെയ്യും. മധുരം കഴിയ്ക്കണമെന്നുണ്ടെങ്കില്‍ ഇവ മിതമായ തോതില്‍ കഴിക്കുകയാണ് നല്ലത്.

കാല്‍സ്യം ലഭിയ്ക്കുവാന്‍ പാലും പാലുല്‍പ്പന്നങ്ങളും കഴിയ്ക്കണം. എന്നാല്‍ ഇവയില്‍ അടങ്ങിയിരിക്കുന്ന കൊഴുപ്പ് ശരീരഭാരം കൂട്ടും. കൊഴുപ്പു നീക്കിയ പാലുല്‍പന്നങ്ങള്‍ കഴിയ്ക്കുന്നതാണ് ആരോഗ്യത്തിനും നല്ലത്.

ശരീരം, ശരീരഭാരം, ആരോഗ്യം, കൊഴുപ്പ്, ഉരുളക്കിഴങ്ങ്, ഭക്ഷണം, കോള, സോഡ, കാല്‍സ്യം, പാല്‍, പ്രമേഹം, കിഡ്‌നി

Disclaimer: ഈ ലേഖനത്തില്‍ പരാമര്‍ശിച്ചിരിക്കുന്ന വിവരങ്ങള്‍ പൊതുവായ വിവരങ്ങള്‍ക്കും വിദ്യാഭ്യാസപരമായ ആവശ്യങ്ങള്‍ക്കും വേണ്ടി മാത്രമുള്ളതാണ്. പ്രൊഫഷണല്‍ അഭിപ്രായങ്ങളോ, രോഗനിര്‍ണയം, ചികിത്സ എന്നിവ ഉദ്ദേശിച്ചുള്ളതോ അല്ല. ആരോഗ്യ സംബന്ധമായ പ്രശ്‌നങ്ങള്‍ക്ക് എപ്പോഴും ഡോക്ടറേയോ ആരോഗ്യവിദഗ്ധരേയോ സമീപിക്കേണ്ടതാണ്.