സ്തന വലിപ്പം വര്‍ദ്ധിപ്പിക്കാന്‍ വ്യായാമം

Health

oi-Saritha

By Veena

Published: Saturday, October 29, 2011, 12:33 [IST]

വലിപ്പമുളള സ്തനങ്ങള്‍ സ്ത്രീകളുടെ സ്വപ്‌നമാണ്. ശരീരസൗന്ദര്യത്തിന്റെ പ്രധാന ഘടകം കൂടിയാണിത്. പലരും ഇതിനായി ശസ്ത്രക്രിയയെ ആശ്രയിക്കുകയാണ് പതിവ്. എന്നാല്‍ സിലിക്കോണ്‍ വച്ചിട്ടുള്ള ഇത്തരം ശസ്ത്രക്രിയകള്‍ പിന്നീട് പല ആരോഗ്യപ്രശ്‌നങ്ങള്‍ക്കും വഴി വയ്ക്കും. സ്തനവലിപ്പം കൂട്ടുവാനായി ചില വ്യായാമങ്ങള്‍ വീട്ടില്‍ വച്ചുതന്നെ ചെയ്യാവുന്നതേയുളളൂ.

സ്തനങ്ങളില്‍ ബലം പ്രയോഗിക്കുക എന്നതാണ് സ്തനവലിപ്പം വര്‍ദ്ധിപ്പിക്കാനുള്ള ഏറ്റവും ലളിതമായ വ്യായാമം. ഇതിനായി കമഴ്ന്നു കിടന്ന് കിടക്കയില്‍ സ്തനങ്ങള്‍ അമര്‍ത്തുക. ഒരു ചുവരിന് അഭിമുഖമായി നിന്നും ഈ വ്യായാമം ചെയ്യാവുന്നതാണ്.

ഇടുപ്പില്‍ കൈകുത്തി നില്‍ക്കുക. പുറകിലൂടെ വലത് കൈ കൊണ്ട് ഇടതുവശത്തെ കൈമുട്ടില്‍ തൊടുക. വലതുകൈമുട്ടും ഈ രീതിയില്‍ ഇടതു കൈ കൊണ്ട് പിടിക്കുക. ഏഴെട്ടു തവണ ഇത് ആവര്‍ത്തിക്കാം.

പുഷ് അപ് വ്യായാമങ്ങള്‍ മാറിടവലുപ്പം വര്‍ദ്ധിപ്പിക്കുവാനും സ്തനങ്ങളുടെ സൗന്ദര്യത്തിനും നല്ലതാണ്. തുടക്കത്തില്‍ 10 തവണ പുഷ് അപ് ചെയ്യാം. പിന്നീടിത് 25 തവണ വരെ ചെയ്യാം. തുടക്കക്കാര്‍ക്ക് പുഷ് അപ് ചെയ്യുമ്പോള്‍ ചുമല്‍ വേദനയും കൈവേദനയും സാധാരണമാണ്. ശീലമായിക്കഴിയുമ്പോള്‍ ഇത് മാറും.

നീന്തുന്നത് സ്തനവലിപ്പം വര്‍ദ്ധിപ്പിക്കാന്‍ പറ്റിയ വ്യായാമമാണ്. നീന്താന്‍ സൗകര്യമില്ലെങ്കില്‍ വീട്ടില്‍ തന്നെ കൈകള്‍ പുറകിലേക്കും മുന്‍പിലേക്കും നീന്തുന്നതു പോലെ ചെയ്യുന്നത് നല്ലതാണ്. നീന്തലിലെ ഫ്രണ്ട് സ്‌ട്രോക്കും ബാക്ക് സ്‌ട്രോക്കും വീട്ടില്‍ തന്നെ ചെയ്യാം.

Disclaimer: ഈ ലേഖനത്തില്‍ പരാമര്‍ശിച്ചിരിക്കുന്ന വിവരങ്ങള്‍ പൊതുവായ വിവരങ്ങള്‍ക്കും വിദ്യാഭ്യാസപരമായ ആവശ്യങ്ങള്‍ക്കും വേണ്ടി മാത്രമുള്ളതാണ്. പ്രൊഫഷണല്‍ അഭിപ്രായങ്ങളോ, രോഗനിര്‍ണയം, ചികിത്സ എന്നിവ ഉദ്ദേശിച്ചുള്ളതോ അല്ല. ആരോഗ്യ സംബന്ധമായ പ്രശ്‌നങ്ങള്‍ക്ക് എപ്പോഴും ഡോക്ടറേയോ ആരോഗ്യവിദഗ്ധരേയോ സമീപിക്കേണ്ടതാണ്.