ജ്യൂസ് കുടിയ്ക്കൂ, മുഖക്കുരു വരില്ല

കാരറ്റ് ജ്യൂസില്‍ ധാരാളം കരോട്ടിനോയിഡ്‌സും ബീറ്റാ കരോട്ടിനുകളും അടങ്ങിയിട്ടുണ്ട്. ഇവ ചര്‍മത്തിളക്കം വര്‍ദ്ധിപ്പിക്കുകയും സൗന്ദര്യം വര്‍ദ്ധിപ്പിക്കുകയും ചെയ്യും. വൈറ്റമിനുകളും പ്രോട്ടീനുകളും ഇതില്‍ ധാരാളം അടങ്ങിയിട്ടുണ്ട്. ശരീരത്തിലെ വിഷപദാര്‍ത്ഥങ്ങളെ പുറന്തള്ളുവാനും ക്യാരറ്റ് ജ്യൂസ് സഹായിക്കും. മുഖക്കുരുവിന് പ്രധാന കാരണം ഇത്തരം പദാര്‍ത്ഥങ്ങളാണ്.

ശരീരത്തിലെ എണ്ണഗ്രന്ഥികളുടെ ഉല്‍പാദനം കൂടുമ്പോഴാണ് എണ്ണമയമുള്ള ചര്‍മമുണ്ടാകുന്നത്. ഇത് മുഖക്കുരുവിന് വഴി വയ്ക്കുന്നു. ചെറുനാരങ്ങാ ജ്യൂസ് എണ്ണഗ്രന്ഥികളുടെ ഉല്‍പാദനത്തെ നിയന്ത്രിക്കുകയും അങ്ങനെ മുഖക്കുരു കുറയ്ക്കുകയും ചെയ്യും. ചര്‍മത്തിളക്കം കൂട്ടാനും ചെറുനാരങ്ങാ ജ്യൂസ് നല്ലതാണ്.

ആപ്പിള്‍ ജ്യൂസില്‍ തേനോ പാലോ കലര്‍ത്തി കുടിയ്ക്കുന്നത് മുഖക്കുരു അകറ്റും. ആപ്പിള്‍ ജ്യൂസില്‍ വൈറ്റമിന്‍, പ്രോട്ടീന്‍, ധാതുക്കള്‍ എന്നിവ അടങ്ങിയിട്ടുണ്ട്. ചര്‍മസുഷിരങ്ങള്‍ തുറക്കുന്നതിനും മുഖത്ത് തിളക്കം നല്‍കുന്നതിനും ആപ്പിള്‍ ജ്യൂസ് കുടിയ്ക്കുന്നത് നല്ലതാണ്.

മുഖക്കുരു കാരണമുണ്ടാകുന്ന പാടുകള്‍ക്ക് ചെറി ജ്യൂസ് നല്ലതാണ്. ഇതിന്റെ ആല്‍ക്കലൈന്‍ ഗുണം രക്തത്തിലെ അസിഡിറ്റി അകറ്റും. രക്തത്തിലെ ഇത്തരം അസിഡിറ്റി മുഖക്കുരുവിന് കാരണമാകാറുണ്ട്.

Disclaimer: ഈ ലേഖനത്തില്‍ പരാമര്‍ശിച്ചിരിക്കുന്ന വിവരങ്ങള്‍ പൊതുവായ വിവരങ്ങള്‍ക്കും വിദ്യാഭ്യാസപരമായ ആവശ്യങ്ങള്‍ക്കും വേണ്ടി മാത്രമുള്ളതാണ്. പ്രൊഫഷണല്‍ അഭിപ്രായങ്ങളോ, രോഗനിര്‍ണയം, ചികിത്സ എന്നിവ ഉദ്ദേശിച്ചുള്ളതോ അല്ല. ആരോഗ്യ സംബന്ധമായ പ്രശ്‌നങ്ങള്‍ക്ക് എപ്പോഴും ഡോക്ടറേയോ ആരോഗ്യവിദഗ്ധരേയോ സമീപിക്കേണ്ടതാണ്.