ഹൃദയത്തിന്റെ ആരോഗ്യത്തിന് മീന്‍

മീനില്‍ ഒമേഗ 3 ഫാറ്റി ആഡിഡ് അടങ്ങിയിട്ടുണ്ടെന്നതാണ് അതിനെ ആരോഗ്യദായകമാക്കുന്നത്. ഹൃദയത്തിന്റെ ആരോഗ്യത്തിന് ഇത് അത്യന്താപേക്ഷിതമാണ്.

എല്ലാ തരം മീനുകളിലും പോഷണം ഒരേ തോതിലല്ല. അതുകൊണ്ട് പോഷകാംശം കൂടുതലുള്ള മീന്‍ വാങ്ങി ഉപയോഗിക്കാം. മത്തി, ചൂര, മുള്ളന്‍, കോര, കണ്ണന്‍ മത്തി (ചെറിയ ചാള) എന്നിവ ആരോഗ്യത്തിന് വളരെ നല്ലതാണ്.

ആഴ്ചയില്‍ 8-10 ഔണ്‍സ് വരെ മീന്‍ കഴിക്കുന്നത് ഹൃദയാരോഗ്യത്തിന് ആവശ്യമാണെന്നാണ് പഠനങ്ങള്‍ തെളിയിക്കുന്നത്. മീനും ഇറച്ചിയും ഒരുമിച്ചു കഴിക്കുകയുമരുത്.

മീന്‍ കഴിക്കുന്നത് കൊണ്ടായില്ല, അത് എങ്ങിനെ കഴിക്കുന്നു എന്നതും പ്രധാനമാണ്. മീന്‍ വറുത്തത് വളരെ സ്വാദിഷ്ടമാണെങ്കിലും ഇങ്ങനെ ചെയ്യുമ്പോള്‍ അതിലെ പോഷകങ്ങള്‍ എല്ലാം നഷ്ടപ്പെടുകയാണ് ചെയ്യുന്നത്. മാത്രമല്ലാ, എണ്ണ ഹൃദയത്തിന് നല്ലതുമല്ല.

മീന്‍ കറി വച്ചു കറിക്കാം. ഇതിന് ഒലീവെണ്ണ ഉപയോഗിത്തുന്നതാണ് ഏറ്റവും നല്ലത്. അതുപോലെ ഗ്രില്‍ ചെയ്തും ബേക്ക് ചെയ്തും മത്സ്യം കഴിക്കാം. ഇവ ആരോഗ്യത്തിന് ദോഷം വരുത്തുന്നില്ല.

ഇനി മുതല്‍ മീന്‍ കഴിക്കുമ്പോള്‍ നിങ്ങളുടെ ഹൃദയത്തിന്റെ ആരോഗ്യം മുന്‍നിര്‍ത്തിയുള്ള പാചകരീതി സ്വീകരിക്കുക.

Disclaimer: ഈ ലേഖനത്തില്‍ പരാമര്‍ശിച്ചിരിക്കുന്ന വിവരങ്ങള്‍ പൊതുവായ വിവരങ്ങള്‍ക്കും വിദ്യാഭ്യാസപരമായ ആവശ്യങ്ങള്‍ക്കും വേണ്ടി മാത്രമുള്ളതാണ്. പ്രൊഫഷണല്‍ അഭിപ്രായങ്ങളോ, രോഗനിര്‍ണയം, ചികിത്സ എന്നിവ ഉദ്ദേശിച്ചുള്ളതോ അല്ല. ആരോഗ്യ സംബന്ധമായ പ്രശ്‌നങ്ങള്‍ക്ക് എപ്പോഴും ഡോക്ടറേയോ ആരോഗ്യവിദഗ്ധരേയോ സമീപിക്കേണ്ടതാണ്.