ഹൈഹീലിന്റെ അപകടങ്ങള്‍

പുറംവേദനയാണ് ഹൈഹീലുണ്ടാകുന്ന ഏററവും പ്രധാന പ്രശ്‌നം. ഇത്തരം ചെരിപ്പിടുമ്പോള്‍ ശരീരം മുന്നിലോട്ടായുകയാണ് ചെയ്യുന്നത്. ഇത് പുറംഭാഗത്തിന് ആയാസമുണ്ടാക്കുന്നു. അതുകൊണ്ട് ഇത്തരം ചെരിപ്പിടുമ്പോള്‍ മുന്നിലേക്ക് അധികം ആയാതെ നടക്കുക. നേരായ രീതിയില്‍ നടക്കുന്നത് ഹൈഹീല്‍ കാരണമുണ്ടാക്കുന്ന നടുവേദന അകറ്റും. ഈ പ്രശ്‌നം അകറ്റുവാനായി യോഗ അഭ്യസിക്കുകയും ചെയ്യാം.

ഹൈഹീലുകള്‍ ധരിക്കുമ്പോള്‍ ശരീരഭാരം മുഴുവന്‍ കണങ്കാലില്‍ കേന്ദ്രീകരിക്കപ്പെടുകയാണ് ചെയ്യുന്നത്. ഇത് കണങ്കാല്‍ വേദനയ്ക്കു കാരണമാകുന്നു. ഹൈഹീല്‍ ധരിച്ചാല്‍ ഉടനെ ഈ പ്രശ്‌നം ഉണ്ടാകണമെന്നില്ല. എന്നാല്‍ സ്ഥിരമായി ഉപയോഗിച്ചാല്‍ കണങ്കാല്‍ വേദനയുണ്ടാകും.

ആദ്യമായി ഹൈഹീലുകള്‍ ധരിച്ചു തുടങ്ങുമ്പോള്‍ നടക്കുവാന്‍ ബുദ്ധിമുട്ടുണ്ടാകും. കാല്‍പാദം വേദനിയ്ക്കുവാനും ഇത് ഇട വരുത്തും. ഹൈഹീലുകള്‍ ധരിച്ച് കുറേ ദൂരം നടക്കുന്നതും ഒഴിവാക്കണം. പരിചയമില്ലാതെ ഹൈഹീലുകള്‍ ധരിച്ച് വേഗത്തില്‍ നടക്കുന്നതും ബാലന്‍സ് തെറ്റുവാനും വീഴാനും ഇട വരുത്തും.

ഹൈഹീലുകള്‍ ധരിക്കുമ്പോള്‍ ഹീലുകള്‍ക്ക് സമ്മര്‍ദമുണ്ടാവുകയാണ് ചെയ്യുന്നത്. അതുകൊണ്ട് ഹീലുകള്‍ കട്ടിയുള്ളതാവുകയും മഞ്ഞനിറം വരികയും ചെയ്യും. ഹൈഹീല്‍ ഉപയോഗിച്ച ശേഷം കാലിന്റെ ഉപ്പുറ്റിയില്‍ ലോഷനോ മോയിസ്ചറൈസറോ പുരട്ടുന്നത് നല്ലതാണ്.

Disclaimer: ഈ ലേഖനത്തില്‍ പരാമര്‍ശിച്ചിരിക്കുന്ന വിവരങ്ങള്‍ പൊതുവായ വിവരങ്ങള്‍ക്കും വിദ്യാഭ്യാസപരമായ ആവശ്യങ്ങള്‍ക്കും വേണ്ടി മാത്രമുള്ളതാണ്. പ്രൊഫഷണല്‍ അഭിപ്രായങ്ങളോ, രോഗനിര്‍ണയം, ചികിത്സ എന്നിവ ഉദ്ദേശിച്ചുള്ളതോ അല്ല. ആരോഗ്യ സംബന്ധമായ പ്രശ്‌നങ്ങള്‍ക്ക് എപ്പോഴും ഡോക്ടറേയോ ആരോഗ്യവിദഗ്ധരേയോ സമീപിക്കേണ്ടതാണ്.