വാട്ടര്‍ വെയ്റ്റ് കുറയ്ക്കുവാന്‍ ചില മാര്‍ഗങ്ങള്‍

ഇത്തരം തടി ഉള്ളവര്‍ ഭക്ഷണത്തില്‍ ചില നിയന്ത്രണങ്ങള്‍ വയ്ക്കുന്നത് നല്ലതാണ്. ഉപ്പും പഞ്ചസാരയും വളരെ കുറവു മാത്രം കഴിയ്ക്കുക. കടകളില്‍ നിന്ന് ലഭിക്കുന്ന പാക്കറ്റില്‍ തയ്യാറാക്കി വയ്ക്കുന്ന ഇറച്ചിയും സോസേജുകളും ധാരാളം സോഡിയം അടങ്ങിയവയാണ്. സോയാസോസിലും ധാരാളം സോഡിയം അടങ്ങിയിട്ടുണ്ട്. ഇവ ഒഴിവാക്കുന്നതാണ് നല്ലത്. പാക്കറ്റിലെ ഭക്ഷണസാധനങ്ങള്‍ വാങ്ങുമ്പോള്‍ സോഡിയം കുറവുള്ളത് നോക്കി വാങ്ങണം.

പഴവര്‍ഗങ്ങളിലും പച്ചക്കറികളിലും അടങ്ങിയിട്ടുള്ള പൊട്ടാസ്യം ശരീരത്തിന് നല്ലതാണ്. എന്നാല്‍ ചുവന്ന മുളക്, കുരുമുളക് എന്നിവയില്‍ അടങ്ങിയിട്ടുള്ള പൊട്ടാസ്യം നല്ലതല്ല.

ശരീരത്തിലെ വെള്ളം പുറത്തുകളയുകയാണ് വാട്ടര്‍ വെയ്റ്റ് കുറയ്ക്കുവാനുള്ള മാര്‍ഗം. ഇതിന് ഡൈയൂറെറ്റിക് ആയ ഭക്ഷണസാധനങ്ങള്‍ കഴിയ്ക്കുക. ഇവ കൂടുതല്‍ മൂത്രം പോകുവാനും അങ്ങനെ ശരീരത്തിലെ വെള്ളം കളയുവാനും സഹായിക്കും.

തണ്ണിമത്തങ്ങ ധാരാളം വെള്ളമുള്ള ഫലമാണെങ്കിലും ഇത് ഡൈയൂറെറ്റിക് ആണ്. ലെറ്റൂസ്, കാബേജ്, കാരറ്റ്, കുക്കുമ്പര്‍, ശതാവരി, മുളപ്പിച്ച ധാന്യങ്ങള്‍ എന്നിവയും വെള്ളം പുറത്തു കളയാന്‍ സഹായിക്കും.

വെള്ളം കുടിയ്ക്കുന്നത് കുറച്ചതു കൊണ്ട് പ്രയോജനമില്ല. ഇത് ശരീരത്തിലെയും ചര്‍മത്തിലേയും ഈര്‍പ്പം നഷ്ടപ്പെടുത്തുകയാണ് ചെയ്യുക. അതുകൊണ്ട് ജ്യൂസ്, ഗ്രീന്‍ ടീ തുടങ്ങിയവ കുടിയ്ക്കാം. ആപ്പിള്‍ സിഡാര്‍ വിനെഗറും നല്ലതാണ്. ചായ, കാപ്പി തുടങ്ങിയവയും മൂത്രം വഴി വെള്ളം പുറത്തു കളയാന്‍ സഹായിക്കുമെങ്കിലും ആരോഗ്യകാരണങ്ങളാല്‍ ഇവ ഒഴിവാക്കുന്നതാണ് നല്ലത്.

Disclaimer: ഈ ലേഖനത്തില്‍ പരാമര്‍ശിച്ചിരിക്കുന്ന വിവരങ്ങള്‍ പൊതുവായ വിവരങ്ങള്‍ക്കും വിദ്യാഭ്യാസപരമായ ആവശ്യങ്ങള്‍ക്കും വേണ്ടി മാത്രമുള്ളതാണ്. പ്രൊഫഷണല്‍ അഭിപ്രായങ്ങളോ, രോഗനിര്‍ണയം, ചികിത്സ എന്നിവ ഉദ്ദേശിച്ചുള്ളതോ അല്ല. ആരോഗ്യ സംബന്ധമായ പ്രശ്‌നങ്ങള്‍ക്ക് എപ്പോഴും ഡോക്ടറേയോ ആരോഗ്യവിദഗ്ധരേയോ സമീപിക്കേണ്ടതാണ്.