മനോഹരമായ കണ്ണുകള്‍ക്ക് ഭക്ഷണം പ്രധാനം

Health

oi-Saritha

By Veena

Published: Monday, October 3, 2011, 14:02 [IST]

മനോഹരമായ വിടര്‍ന്ന കണ്ണുകള്‍ എല്ലാ സ്ത്രീകളുടേയും സ്വപ്‌നമാണ്. ആരോഗ്യകരമായ ഭക്ഷണം, നല്ല ഉറക്കം തുടങ്ങിയ കാര്യങ്ങള്‍ കണ്ണുകളുടെ സൗന്ദര്യത്തിന് പ്രധാന ഘടകങ്ങളാണ്. കണ്ണുകളുടെ ആരോഗ്യത്തിന് സഹായിക്കുന്ന ചില ഭക്ഷണങ്ങളുണ്ട്.

വൈറ്റമിന്‍ എ, ഇ, സി തുടങ്ങിയവ കണ്ണുകളുടെ ആരോഗ്യത്തിന് അത്യന്താപേക്ഷിതമാണ്. കാരററ്, ആപ്പിള്‍, കിവി, ഓറഞ്ച്, മുസമ്പി, ഗൂസ്‌ബെറി തുടങ്ങിയവ കണ്ണുകള്‍ക്കാവശ്യമായ വൈററമിനുകള്‍ നല്‍കും.

വെള്ളത്തിലിട്ടുവച്ച് തൊലികളഞ്ഞ ബാദാം, ഈന്തപ്പഴം, സോയാബീന്‍, ഗ്രീന്‍പീസ് തുടങ്ങിയവ വൈറ്റമിന്‍ എ അടങ്ങിയ ഭക്ഷണസാധനങ്ങളാണ്.

ചീര, ലെറ്റൂസ്, കാബേജ്, ടര്‍ണിപ് തുടങ്ങിയവ രക്താണുക്കളുണ്ടാകാന്‍ സഹായിക്കുകയും അങ്ങനെ കണ്ണിന്റെ കാഴ്ച വര്‍ദ്ധിക്കുകയും ചെയ്യുന്നു.

പാല്, വെണ്ണ, നെയ്യ് തുടങ്ങിയവയും കണ്ണുകള്‍ക്കു പറ്റിയ ഭക്ഷണപദാര്‍ത്ഥങ്ങളാണ്.

തുളസി, ത്രിഫല തുടങ്ങിയ ഔഷധസസ്യങ്ങള്‍ കണ്ണുകള്‍ക്ക് നല്ലതാണ്. ഇവ കണ്ണിലുപയോഗിക്കുന്ന ആയുര്‍വേദ മരുന്നുകളുടെ മുഖ്യചേരുവയാണ്. ഇവയുടെ നീരില്‍ വെള്ളവും തേനും ചേര്‍ത്ത് കഴിക്കുന്നത് കണ്ണുകളുടെ ആരോഗ്യവും സൗന്ദര്യവും വര്‍ദ്ധിപ്പിക്കുന്നു.

Disclaimer: ഈ ലേഖനത്തില്‍ പരാമര്‍ശിച്ചിരിക്കുന്ന വിവരങ്ങള്‍ പൊതുവായ വിവരങ്ങള്‍ക്കും വിദ്യാഭ്യാസപരമായ ആവശ്യങ്ങള്‍ക്കും വേണ്ടി മാത്രമുള്ളതാണ്. പ്രൊഫഷണല്‍ അഭിപ്രായങ്ങളോ, രോഗനിര്‍ണയം, ചികിത്സ എന്നിവ ഉദ്ദേശിച്ചുള്ളതോ അല്ല. ആരോഗ്യ സംബന്ധമായ പ്രശ്‌നങ്ങള്‍ക്ക് എപ്പോഴും ഡോക്ടറേയോ ആരോഗ്യവിദഗ്ധരേയോ സമീപിക്കേണ്ടതാണ്.