ആരോഗ്യത്തിനും സൗന്ദര്യത്തിനും ഡാര്‍ക് ചോക്കലേറ്റ്

ഡാര്‍ക് ചോക്കലേറ്റ് അഥവാ കറുത്ത നിറത്തിലുള്ള ചോക്കലേറ്റില്‍ ധാരാളം കൊക്കോ ഉണ്ട്. ഇതിന് ആരോഗ്യവശാല്‍ പലതരം ഗുണങ്ങളുമുണ്ട്.

ഡാര്‍ക്ക് ചോക്കലേററില്‍ ഫ്‌ളേവനോയ്ഡ്‌സ് ഉണ്ട്. ഇത് ശരീരത്തിലേക്ക് കടക്കുന്ന വിഷപദാര്‍ത്ഥങ്ങളെ തടയുകയാണ് ചെയ്യുന്നത്. ഫ്രീ റാഡിക്കല്‍സ് എന്ന ഇത്തരം വിഷപദാര്‍ത്ഥങ്ങള്‍ നമ്മളറിയാതെ തന്നെ മലിനമായ വായുവിലൂടെയാണ് ശരീരത്തിലേക്ക് കടക്കുന്നത്. ഇവ ഹൃദയത്തിന്റെ ആരോഗ്യത്തിന് നല്ലതല്ല.

കൊളസ്‌ട്രോളും ബിപിയും കുറയ്ക്കാന്‍ ഡാര്‍ക്ക് ചോക്കലേറ്റ് നല്ലതാണ്. സാധാരണ ഇത്തരം ചോക്കലേറ്റുകളില്‍ മധുരം മറ്റുള്ളവയെ അപേക്ഷിച്ച് കുറവായിരിക്കും. അതുകൊണ്ട് ഇത് പ്രമേഹരോഗികള്‍ക്കും കഴിയ്ക്കാം. സാധാരണ അല്‍ഷീമേഴ്‌സ്, പ്രമേഹം എന്നിവയുള്ളവരോട് പഞ്ചസാരയ്ക്ക് പകരം ചോളത്തില്‍ നിന്നെടുക്കുന്ന കോണ്‍ സിറപ്പ് ഉപയോഗിക്കാന്‍ പറയാറുണ്ട്. ഇതിനേക്കാളും നല്ലതാണ് ഡാര്‍ക് ചോക്കലേറ്റ്.

ഡാര്‍ക് ചോക്കലേറ്റ് സന്തോഷമുണ്ടാക്കുമെന്നാണ് പഠനങ്ങള്‍ തെളിയിച്ചിട്ടുള്ളത്. ഇതിലെ ഫിനെത്തൈലമീന്‍ തലച്ചോറിലെ എന്‍ഡോര്‍ഫിനുകളെ ഉത്തേജിപ്പിക്കുന്നു. ഇത് സെറോട്ടിന്‍ കൂടുതല്‍ ഉല്‍പാദിപ്പിക്കുന്നു. ടെന്‍ഷനും ഡിപ്രഷനും അകറ്റാന്‍ സെറോട്ടിന്‍ സഹായിക്കുന്നുണ്ട്. ആര്‍ത്തവ സമയത്ത് സെറോട്ടിന്റെ ഉല്‍പാദനം കുറവായിരിക്കും. ഇത് കാരണം പല സ്ത്രീകള്‍ക്കും ആര്‍ത്തവസമയത്ത് ഡിപ്രഷനിലേക്ക് വഴുതിവീഴാറുമുണ്ട്. സ്ത്രീകള്‍ ഈ സമയത്ത് ചോക്കലേറ്റ് കഴിയ്ക്കുന്നത് മാനസിക സന്തോഷം നല്‍കും.

ഡാര്‍ക്ക് ചോക്കലേറ്റില്‍ ധാരാളം കൊക്കോ അടങ്ങിയിട്ടുണ്ട്. ഇത് നല്ലൊന്നാന്തരം ആന്റി ഓക്‌സിഡന്റാണ്. യൗവനം നിലനിര്‍ത്താന്‍ ആന്റി ഓക്‌സിഡന്റ് പ്രധാനമാണ്. മുഖസൗന്ദര്യം വര്‍ദ്ധിപ്പിക്കാനുള്ള ചോക്കലേറ്റ് ഫേഷ്യല്‍ ചെയ്യാറുണ്ട്. കൊക്കോ അടങ്ങിയ മോയിസ്ചറൈസര്‍ ലോഷനുകളും സാധാരണമാണ്.

ചോക്കലേറ്റ്, ഡാര്‍ക് ചോക്കലേറ്റ്, ആന്റി ഓക്‌സിഡന്റ്, ആരോഗ്യം, സൗന്ദര്യം, കൊക്കോ, ഫ്‌ളേവനോയ്ഡ്‌സ്, കൊളസ്‌ട്രോള്‍, ബിപി, പ്രമേഹം, ആര്‍ത്തവം, സെറോട്ടിന്‍, എന്‍ഡോര്‍ഫിന്‍

Disclaimer: ഈ ലേഖനത്തില്‍ പരാമര്‍ശിച്ചിരിക്കുന്ന വിവരങ്ങള്‍ പൊതുവായ വിവരങ്ങള്‍ക്കും വിദ്യാഭ്യാസപരമായ ആവശ്യങ്ങള്‍ക്കും വേണ്ടി മാത്രമുള്ളതാണ്. പ്രൊഫഷണല്‍ അഭിപ്രായങ്ങളോ, രോഗനിര്‍ണയം, ചികിത്സ എന്നിവ ഉദ്ദേശിച്ചുള്ളതോ അല്ല. ആരോഗ്യ സംബന്ധമായ പ്രശ്‌നങ്ങള്‍ക്ക് എപ്പോഴും ഡോക്ടറേയോ ആരോഗ്യവിദഗ്ധരേയോ സമീപിക്കേണ്ടതാണ്.