ബൈല്‍ റിഫ്ളക്സ് ഒഴിവാക്കാം

ബൈല്‍ റിഫ്ളക്സ്, ഛര്‍ദി, മനംപിരട്ടല്‍, വയറുവേദന, നെഞ്ചെരിച്ചില്‍ തുടങ്ങിയ അസ്വസ്ഥതകളുണ്ടാക്കും. ഇതൊഴിവാക്കുവാന്‍ ചെയ്യാവുന്ന ചില കാര്യങ്ങളുണ്ട്.

അമിതഭക്ഷണമാണ് ബൈല്‍ റിഫ്ളക്സ്ന് പലപ്പോഴും കാരണമാകുന്നത്. പലപ്പോഴായി ചെറിയ അളവില്‍ ഭക്ഷണം കഴിയ്ക്കുക. രാത്രി കിടക്കുന്നതിന് രണ്ടുമൂന്നു മണിക്കൂര്‍ മുന്‍പായി ഭക്ഷണം കഴിയ്ക്കുക. ഇത് ദഹനത്തെ സഹായിക്കുകയും ബൈല്‍ റിഫഌക്റ്റ് തടയുകയും ചെയ്യും.

രാത്രി ഭക്ഷണത്തില്‍ മസാലകള്‍ കഴിവതും ഒഴിവാക്കുക. പിത്തരസത്തിന്റെ പ്രശ്‌നമുണ്ടെങ്കില്‍ രാത്രി ജ്യൂസും മദ്യവും ഒഴിവാക്കുകയാണ് നല്ലത്. പ്രത്യേകിച്ച് സിട്രസ് അടങ്ങിയിട്ടുള്ള നാരങ്ങ, ഓറഞ്ച് ജ്യൂസുകളും സോഡ, കോള തുടങ്ങിയവയും ഒഴിവാക്കുക.

രാത്രി ഭക്ഷണത്തിനു ശേഷം അല്‍പസമയം നടക്കുക. തല ഉയര്‍ത്തി നിവര്‍ന്നു നടക്കുന്നത് പിത്തരസം തികട്ടി വരാതിരിക്കാന്‍ നല്ലതാണ്.

ചായ, കാപ്പി, തക്കാളി, ചോക്ലേറ്റ്, പുതിന, കൊഴുപ്പുള്ള ഭക്ഷണം എന്നിവ ഒഴിവാക്കുന്നത് ബൈല്‍ റിഫ്ളക്സ് വരാതിരിക്കുവാന്‍ നല്ലതാണ്.

ധാരാളം വെള്ളം കുടിയ്ക്കുന്നത് ഗുണം ചെയ്യും. രാത്രി കിടക്കുന്നതിന് മുന്‍പ് ചൂടുവെള്ളം കുടിക്കുക.

വ്യായാമങ്ങള്‍ ചെയ്യുന്നതും ബൈല്‍ റിഫ്ളക്സ്നുള്ള നല്ല ചികിത്സയാണ്.

Disclaimer: ഈ ലേഖനത്തില്‍ പരാമര്‍ശിച്ചിരിക്കുന്ന വിവരങ്ങള്‍ പൊതുവായ വിവരങ്ങള്‍ക്കും വിദ്യാഭ്യാസപരമായ ആവശ്യങ്ങള്‍ക്കും വേണ്ടി മാത്രമുള്ളതാണ്. പ്രൊഫഷണല്‍ അഭിപ്രായങ്ങളോ, രോഗനിര്‍ണയം, ചികിത്സ എന്നിവ ഉദ്ദേശിച്ചുള്ളതോ അല്ല. ആരോഗ്യ സംബന്ധമായ പ്രശ്‌നങ്ങള്‍ക്ക് എപ്പോഴും ഡോക്ടറേയോ ആരോഗ്യവിദഗ്ധരേയോ സമീപിക്കേണ്ടതാണ്.