ഗര്‍ഭനിരോധനഗുളിക ഓര്‍മ കൂട്ടും

പാല്‍, ബദാം തുടങ്ങി ഓര്‍മശക്തിക്ക് സഹായിക്കുന്ന നിരവധി ഭക്ഷണങ്ങളുണ്ട്. എന്നാല്‍ ഗര്‍ഭനിരോധന ഗുളികകള്‍ ഓര്‍മശക്തി കൂട്ടുമെന്നാണ് പുതിയ കണ്ടുപിടുത്തം.

തലച്ചോറിലെ ഗ്രെ മാറ്ററാണ് ഓര്‍മയുടെ ഇരിപ്പിടം എന്നു പറയാം. മനുഷ്യനിലെ വികാരങ്ങളെയും സംസാരത്തെയും നിയന്ത്രിക്കുന്നത് ഈ ഭാഗമാണ്. ഗ്രെ മാറ്ററിന്റെ അളവ് കൂട്ടുകയാണ് ഗര്‍ഭനിരോധന ഗുളികകള്‍ ചെയ്യുന്നത്.

മൂന്നര ലക്ഷം സ്ത്രീകളില്‍ പഠനം നടത്തിയ ശേഷമാണ് ശാസ്ത്രജ്ഞര്‍ ഇക്കാര്യം അംഗീകരിച്ചിട്ടുള്ളത്. ഗര്‍ഭനിരോധന ഗുളികകള്‍ ഉപയോഗിക്കുന്ന സ്ത്രീകളില്‍ മറ്റുള്ളവരേക്കാളും ഗ്രെ മാറ്റര്‍ മൂന്നു ശതമാനം കൂടുതലാണ് എന്നു തെളിഞ്ഞിട്ടുണ്ട്.

ഗര്‍ഭനിരോധന ഗുളികകള്‍ ഉപയോഗിക്കുമ്പോള്‍ ഈസ്ട്രജന്‍, പ്രൊജസ്‌ട്രോണ്‍ എന്നിവ ഉല്‍പാദിപ്പിക്കപ്പെടുകയാണ് ചെയ്യുന്നത്. ഇവ അണ്ഡവിസര്‍ജനത്തെ തടയുകയും അങ്ങനെ ഗര്‍ഭം ഒഴിവാക്കുകയും ചെയ്യുന്നു. ഈ ഈസ്ട്രജനും പ്രൊജസ്‌ട്രോണും തലച്ചോറിലെ നാഡികളുടെ പ്രവര്‍ത്തനം ശക്തിപ്പെടുത്തുകയും ചെയ്യുന്നു.

എന്നാല്‍ അമിതമായി ഗര്‍ഭനിരോധന ഗുളികകള്‍ ഉപയോഗിക്കുന്നത് മറ്റു പാര്‍ശ്വഫലങ്ങളുണ്ടാക്കുമെന്നും കണ്ടെത്തിയിട്ടുണ്ട്.

Disclaimer: ഈ ലേഖനത്തില്‍ പരാമര്‍ശിച്ചിരിക്കുന്ന വിവരങ്ങള്‍ പൊതുവായ വിവരങ്ങള്‍ക്കും വിദ്യാഭ്യാസപരമായ ആവശ്യങ്ങള്‍ക്കും വേണ്ടി മാത്രമുള്ളതാണ്. പ്രൊഫഷണല്‍ അഭിപ്രായങ്ങളോ, രോഗനിര്‍ണയം, ചികിത്സ എന്നിവ ഉദ്ദേശിച്ചുള്ളതോ അല്ല. ആരോഗ്യ സംബന്ധമായ പ്രശ്‌നങ്ങള്‍ക്ക് എപ്പോഴും ഡോക്ടറേയോ ആരോഗ്യവിദഗ്ധരേയോ സമീപിക്കേണ്ടതാണ്.