ലാപ്‌ടോപ്പ് ബാഗ് പുറത്തിട്ടാല്‍ പുറംവേദന ഉറപ്പ്

എപ്പോഴെങ്കിലും കൈവിരലുകള്‍ നിവര്‍ത്താന്‍ ബുദ്ധിമുട്ടനുഭവപ്പെടാറുണ്ടോ. ട്രിഗര്‍ ഫിഗര്‍ എന്ന ഒരു അവസ്ഥയാണിത്.കമ്പ്യൂട്ടറില്‍ ടൈപ്പ് ചെയ്യാന്‍ വിരലുകള്‍ മടക്കി വയ്ക്കുന്നതു കൊണ്ട് വിരലുകള്‍ മടക്കാവുന്ന ഭാഗങ്ങളില്‍ ചെറിയ മുഴകളുണ്ടാകുന്നതാണ് ഇതിന് കാരണം. ഇത് കാണാന്‍ സാധിക്കുകയുമില്ല.

ലാപ്‌ടോപ്പ് ബാഗുകള്‍ പുറത്തു തൂക്കിയിടുന്നതു കൊണ്ട് റെഡ് ഷോള്‍ഡര്‍ എന്നറിയപ്പെടുന്ന രോഗം ടെക്കികള്‍ക്കിടയ്ക്കു കാണാം. ലാപ്‌ടോപ്പിന് അത്യാവശ്യം ഭാരവുമുണ്ടാകും. ഇത് ചുമലുകളില്‍ ചുവന്ന നിറവും വേദനയും സൃഷ്ടിക്കും. പുറത്തുകൂടി ബാഗുകള്‍ ഇടാതിരിക്കുന്നാല്‍ ഈ പ്രശ്‌നം പരിഹരിക്കാം.

കമ്പ്യൂട്ടര്‍ സ്‌ക്രീനില്‍ കുറേ സമയം നോക്കിയിരിക്കുന്നത് കൊണ്ട് ഡ്രൈ ഐ എന്നൊരു രോഗമുണ്ടാകും. കമ്പ്യൂട്ടറിലെ രശ്മികള്‍ കണ്ണുകളിലേക്ക് അടിക്കുന്നുണ്ട്. മാത്രമല്ലാ, കമ്പ്യൂട്ടറില്‍ നോക്കിയിരിക്കുമ്പോള്‍ കുറവു തവണകളേ കണ്ണുകടയ്ക്കൂ. ഇത് കണ്ണുകളിലെ ഈര്‍പ്പം നഷ്ടപ്പെടുത്തുകയും കണ്ണുകള്‍ക്ക് ചൊറിച്ചിലനുഭവപ്പെടുകയും ചെയ്യുന്നു. ആന്റി ഗ്ലെയര്‍ കണ്ണടകള്‍ ഉപയോഗിച്ചാല്‍ ഒരു പരിധി വരെ ഈ പ്രശ്‌നം പരിഹരിക്കാം.

കമ്പ്യൂട്ടറിന്റെ മുന്നില്‍ ഇരുന്നു ജോലി ചെയ്യുന്നവര്‍ക്ക് നടുവേദനയും പുറംവേദനയും സാധാരണമാണ്. മിക്കവാറും നിവര്‍ന്നിരിക്കാത്തത് കാരണമാണ് ഇതുണ്ടാകുന്നത്. ഏറെ സമയം ഇരിക്കുമ്പോള്‍ ശരീരം സ്വാഭാവികമായും കുനിഞ്ഞ് പോകും. ഇങ്ങനെ ഇരിക്കുന്നത് നടുവേദനക്കും പുറംവേദനക്കും കാരണമാകും.

പുരുഷവന്ധ്യതയ്ക്ക് കമ്പ്യൂട്ടര്‍ കാരണമാകുന്നുണ്ട്. ലാപ്‌ടോപ്പ് മടിയില്‍ വച്ച് ജോലി ചെയ്യുന്നവര്‍ ഏറെയുണ്ട്. ഇതിന്റെ ചൂടില്‍ ബീജങ്ങള്‍ നശിച്ചുപോകുകയാണ് ചെയ്യുന്നത്. ഇത് വന്ധ്യതയ്ക്ക് വഴിയൊരുക്കും. ലാപ്‌ടോപ്പ് കഴിവതും മടിയില്‍ വയ്ക്കാതിരിക്കുക.

Disclaimer: ഈ ലേഖനത്തില്‍ പരാമര്‍ശിച്ചിരിക്കുന്ന വിവരങ്ങള്‍ പൊതുവായ വിവരങ്ങള്‍ക്കും വിദ്യാഭ്യാസപരമായ ആവശ്യങ്ങള്‍ക്കും വേണ്ടി മാത്രമുള്ളതാണ്. പ്രൊഫഷണല്‍ അഭിപ്രായങ്ങളോ, രോഗനിര്‍ണയം, ചികിത്സ എന്നിവ ഉദ്ദേശിച്ചുള്ളതോ അല്ല. ആരോഗ്യ സംബന്ധമായ പ്രശ്‌നങ്ങള്‍ക്ക് എപ്പോഴും ഡോക്ടറേയോ ആരോഗ്യവിദഗ്ധരേയോ സമീപിക്കേണ്ടതാണ്.