ബ്ലൂബെറി കഴിക്കൂ, കൊഴുപ്പകറ്റൂ

രക്തത്തിലെ കൊളസ്‌ട്രോള്‍ കുറയ്ക്കുവാനും ഗ്ലൂക്കോസ്, ഇന്‍സുലിന്‍ തോത് ശരിയായ അളവില്‍ നിയന്ത്രിച്ചു നിര്‍ത്താനും ഇവ സഹായിക്കുന്നു.

ആന്തോസയാനിന്‍, വൈറ്റമിന്‍ ബി കോംപ്ലക്‌സ്, കോപ്പര്‍, സിങ്ക്, അയേണ്‍, സെലീനിയം എന്നിവ ബ്ലൂബെറിയില്‍ അടങ്ങിയിട്ടുണ്ട്. കോപ്പര്‍ പ്രതിരോധശേഷി നല്‍കുന്നതിനും അയേണ്‍ രക്തമുണ്ടാകുന്നതിനും സഹായിക്കുന്നു.

ബ്ലൂബെറിക്ക് നീല നിറം നല്‍കുന്നത് ആന്തോസയാനിനാണ്. ബാക്ടീരിയകളില്‍ നിന്നും ശരീരത്തെ സംരക്ഷിക്കാന്‍ ഇത് സഹായിക്കുന്നു.

വയറിലെ കൊഴുപ്പുകുറക്കാന്‍ ബ്ലൂബെറി ഏറെ സഹായകമാണെന്ന് പരീക്ഷണങ്ങള്‍ തെളിയിച്ചിട്ടുണ്ട്.

ബ്ലൂബെറി മൂത്രസംബന്ധമായ അണുബാധകള്‍ക്ക് ഏറെ നല്ലതാണ്. മൂത്രനാളിയില്‍ അണുബാധയുണ്ടാക്കുന്ന ഇ-കോളി എന്ന ബാക്ടീരിയക്കെതിരെയുള്ള ഉത്തമഔഷധമാണ് ബ്ലൂബെറി.

സാധാരണയായി നോര്‍ത്ത് അമേരിക്കയിലാണ് ബ്ലൂബെറി കണ്ടുവരുന്നത്. ഉരുണ്ട ആകൃതിയിലുള്ള ഇവ പഴുത്തുകഴിഞ്ഞാല്‍ നല്ല നീല നിറത്തില്‍ മാംസളമായിത്തീരും. ഹീത്ത് എന്ന ഫാമിലിയിലാണ് ഇവ ഉള്‍പ്പെടുന്നത്. ഇന്ത്യയില്‍ ഇവയുടെ ലഭ്യത കുറവാണ്.

Disclaimer: ഈ ലേഖനത്തില്‍ പരാമര്‍ശിച്ചിരിക്കുന്ന വിവരങ്ങള്‍ പൊതുവായ വിവരങ്ങള്‍ക്കും വിദ്യാഭ്യാസപരമായ ആവശ്യങ്ങള്‍ക്കും വേണ്ടി മാത്രമുള്ളതാണ്. പ്രൊഫഷണല്‍ അഭിപ്രായങ്ങളോ, രോഗനിര്‍ണയം, ചികിത്സ എന്നിവ ഉദ്ദേശിച്ചുള്ളതോ അല്ല. ആരോഗ്യ സംബന്ധമായ പ്രശ്‌നങ്ങള്‍ക്ക് എപ്പോഴും ഡോക്ടറേയോ ആരോഗ്യവിദഗ്ധരേയോ സമീപിക്കേണ്ടതാണ്.