മൗത്ത്‌വാഷ് വീട്ടിലുണ്ടാക്കാം

Published: Tuesday, October 25, 2011, 15:43 [IST]

വായ്‌നാറ്റം അകറ്റുവാനും പല്ലുകള്‍ വൃത്തിയാക്കുവാനും ഇപ്പോള്‍ ഉപയോഗിച്ചു വരുന്ന മാര്‍ഗമാണ് മൗത്ത് വാഷ്. എന്നാല്‍ ഇവ വായിലെ രോഗാണുക്കളെ നശിപ്പിക്കുകയും വായ്‌നാറ്റം അകറ്റുകയും ചെയ്യുന്നതോടൊപ്പം പല്ലുകള്‍ക്ക് കേടു വരുത്തുകയും ചെയ്യുന്നുണ്ട്.

മൗത്ത്‌വാഷിലടങ്ങിയിരിക്കുന്ന ഷുഗര്‍, ആല്‍ക്കഹോള്‍, പോളോക്‌സാമര്‍ എന്നിവ വായിലും തൊണ്ടയിലും ക്യാന്‍സര്‍ വരുത്തുവാനുളള സാധ്യതയുണ്ട്.

ആരോഗ്യകരമായ മൗത്ത്‌വാഷുകള്‍ വീട്ടില്‍ തന്നെ തയ്യാറാക്കാവുന്നതേയുളളൂ.

വെള്ളം, റോക്ക് സാള്‍ട്ട്, ബേക്കിംഗ് സോഡ, ഹൈഡ്രജന്‍ പെറോക്‌സൈഡ്, കര്‍പ്പൂരതുളസി നീര് എന്നിവ കൂട്ടിച്ചേര്‍ത്ത് പിഴിഞ്ഞെടുത്താല്‍ നല്ല മൗത്ത് വാഷായി.

ഔഷധഗുണങ്ങളുള്ള ആര്യവേപ്പിന്റെ നീരും മൗത്ത്‌വാഷായി ഉപയോഗിക്കാം. ആര്യവേപ്പെണ്ണ ഒരു തുള്ളി വായ്ക്കുള്ളില്‍ പുരട്ടി ചൂടുവെള്ളം വായിലൊഴിച്ച് കഴുകുക.

ഗ്രീന്‍ ടീ, ഇരട്ടിമധുരം, കിരിയാട്ട് (ഒരു ആയുര്‍വേദ സസ്യം)എന്നിവ നല്ല മൗത്ത്‌വാഷുകളായി ഉപയോഗിക്കാം.

എള്ള് ചൂടുവെളളത്തിലിട്ട് ആ വെളളം മൗത്ത്‌വാഷായി ഉപയോഗിക്കാം.

ഇത്തരം മൗത്ത്‌വാഷുകള്‍ ദോഷഫലങ്ങളുണ്ടാക്കുന്നില്ലെന്നതാണ് ഗുണം.

Disclaimer: ഈ ലേഖനത്തില്‍ പരാമര്‍ശിച്ചിരിക്കുന്ന വിവരങ്ങള്‍ പൊതുവായ വിവരങ്ങള്‍ക്കും വിദ്യാഭ്യാസപരമായ ആവശ്യങ്ങള്‍ക്കും വേണ്ടി മാത്രമുള്ളതാണ്. പ്രൊഫഷണല്‍ അഭിപ്രായങ്ങളോ, രോഗനിര്‍ണയം, ചികിത്സ എന്നിവ ഉദ്ദേശിച്ചുള്ളതോ അല്ല. ആരോഗ്യ സംബന്ധമായ പ്രശ്‌നങ്ങള്‍ക്ക് എപ്പോഴും ഡോക്ടറേയോ ആരോഗ്യവിദഗ്ധരേയോ സമീപിക്കേണ്ടതാണ്.